“Rikanaan Joshua ,” Bwebwenato ko jān Kallim̧ur M̧okta (2022)
“Rikanaan Joshua ,” Bwebwenato ko jān Kallim̧ur M̧okta
Deuteronomy 10; 31; 34; Joshua 1; 3–6; 10–11; 21; 24
Rikanaan Joshua
Idajon̄jon̄ eo āliktata m̧okta jān deļon̄e āneen kallim̧ur
Irooj ear kūr Joshua bwe en rikanaan eo ekāāl, ālkin an bok rikanaan Moses nan lan̄. Ilo an kar Riisrael ro kar kāām turin reba Jordan, Irooj ekar ba ejejjet iien bwe ren em̧m̧akūt n̄an āneen kallim̧ur.
Duteronomi 34:1– 9; Joshua 1: 1–4; Alma 45: 19
Āneen kallim̧ur eo ekar pād ilo Kenan, ak armej ro renana rekar jokwe ijeņ. Irooj ekar jiron̄ Joshua bwe en kajoor wōt im peran. Kōn jipan̄ eo an Irooj, Riisrael ro remaron̄ in wiini āneen kallim̧ur eo.
Joshua ekar aiintok juon jarin tariņae. Irooj ekar jiron̄ er bwe ineek dōkā ko me Kien ko Jon̄oul rekar jeje ioer im jeje ko jet rekwojarjar. Pris ro rekar bōk aitōm̧ ko raorōk ilo juon bo̧o̧k etan tōptōp in bujen. Innem jarin tarinae eo rekar kepopo nan aer kijoone Reba Jordan. Reba eo ekar kanooj m̧wūlaļ im elimaajņoņo.
Duteronomi 10–5; 31: 25– 26; Joshua 1:10 AM -11; 3: 1– 11
Joshua ekar kallim̧uri Riisrael ro bwe Irooj enaaj jipan̄ er kijoone reba eo.
Joshua ear jiron̄ pris ro 12 n̄an bōk tōptōp in bujen eo im etetal laļļo̧k ilo dān eo. Tōre eo wōt pris ro rekar tuwaak ilo reba eo, dān eo ekar jepeļļo̧k.
Riisreal ro rekar kijoone reba eo ioon āne em̧ōrā. Joshua ekar jiron̄ Riisrael ro n̄an bōk 12 dōkā ko jān laļ tata ilo reba eo me em̧ōrā. Ekar karōki dōkā ko ioon doon n̄an kakeememej Riisrael ro kōn menin bwilōn̄ eo an Irooj ilo raan eo.
Joshua ekar tōl jarin tariņae eo n̄an āneen Kenan. Rekar tōpar juon jikin etan Jeriko. Jikin eo ekar lukkuun kajoor im utiej oror ko an. Irooj ekar jiron̄ Joshua wāween n̄an anjo̧ ak wiini Jeriko. Ekar ba n̄an Riisrael ro rej aikuj m̧aaj im jepooļe Jeriko aolep raan ium̧win jiljilino raan ko. Joshua ekar pokake Irooj.
Joshua ekar jiron̄ pris ro n̄an ineek tōptōp in bujen eo im̧aan wōt mejān Riisrael ro. Kajjojo raan, jarin tariņae eo rekar m̧aaj im jepooļe Jeriko, im jiljilimjuon pris rej kōjan̄ jilel ko. Aolep Riisrael ro jet rekar ikōn̄.
Ilo raan eo kein kajiljilimjuon, jarin tariņae eo ekar m̧aaj im jepooļe jiljilimjuon alen. Ilo an pris ro kar kōjan̄ jilel ko, Joshua ekar ba n̄an Riisrael ro bwe ren lamōj. Ejjab to oror eo an Jeriko ekar marōmrōm laļļo̧k n̄an laļ, im jarin tariņae eo an Joshua ekar bōk jikin eo.
Irooj ekar jipan̄ Riisrael ro, āinwōt An kar kallim̧ur. Jarin tariņae eo an Joshua ekar wōnm̧anļo̧k wōt im wiini āneen kallim̧ur eo, im Riisrael ro rekar jino aer jokwe ijeņ. Joshua ekar kakeememej er kōn menin bwilōn̄ eo an Irooj im kallim̧ur ko. Ekar kajjitōk ippān Riisrael ro n̄an kālet n̄an jerbal n̄an Irooj.