Exodus 11–12; 14–15

Kwojkwoj in Kijone eo

Kar Kōjparok jān Irooj

Moses ej jar

Pero ekar jab kōtļo̧k bwe Riisrael ro ren anem̧kwoj, kōn menin Irooj ekar ba n̄an Moses bwe Enaaj jilkinļo̧k bar juon menin kaen̄tanaan eo āliktata. Nin̄nin̄ m̧anje ro rej kab ļotak jān kajjojo baam̧le ilo āneen Ijipt naaj m̧ane, barāinwōt m̧anje in menin mour ko nejier.

Exodus 11:1, 4–10

Moses ej kōnono n̄an armej ro

Irooj ekar kallim̧ur bwe eļan̄n̄e Riisrael ro rekar ļoor naan in katak ko An, menin ken̄tanaan ko renaaj eļļā jān er im jab kōmetak er.

Exodus 12:3, 13, 23

Em̧m̧aan eo ej unoik kūlin kōjem̧ ko, ajri ro rej lale

Irooj ekar ba n̄an kajjojo baam̧le in Riisrael ro n̄an katok kōn juon ļam kom̧aan emeo̧eo̧ im unoiki kōn bōtōktōkin ilo kōjem̧ ko ilo m̧ōko m̧ōer.

Exodus 12:4–7

Baam̧le eo rej kōjota

Irooj ekar ba n̄an Riisrael ro n̄an kōmat im kajju m̧ōn̄āik ļam eo. Ilo aer kar m̧ōn̄ā, rej aikuj kar em̧m̧an im pojak in em̧akūt jān m̧ōko m̧ōer. Irooj ekar ba eļan̄n̄e Riisrael ro rekar kōm̧m̧an eindein, m̧anje ro nejier naaj kōjparok er jān menin kaen̄tanaan.

Exodus 12:8–11

Ļaddik eo nejin Pero emej

Āinwōt an Irooj kar kakkōļ, menin kaen̄tanaan eo ekar itok. Aolep m̧anje ro ilo Ijipt rekar mej, ekoba rūtto tata ļaddik eo nejin Pero. Ak menin kaen̄tanaan eo ekar eļļā jān kōjem̧ ko kajjojo ilo m̧ōko me kar unoik kōjem̧ ko aer kōn bōtōktōk in ļam. Manje ro nejiin Riisrael ro kar bōk lo̧mo̧o̧r kōnke rekar pokake Irooj.

Exodus 12:12–13, 29–30

Pero ekar burom̧ōj im ej ba n̄an Moses im Aron bwe ren em̧akūt

Ke Pero ekar lo bwe ļaddik eo nejin make ekar mej jān menin kaen̄tanaan ko, ekar ba n̄an Moses im Aron n̄an bōk aolep Riisrael ro im em̧akūt jān Ijipt.

Exodus 12:31–33

Pero eo ellu ej jilkinļo̧k jarin tariņae eo

Riisrael ro rekar em̧akūt, ak Pero ekar illu. Ekar aiin jarin tariņae eo an im jariot ko im kipōļ Riisrael ro.

Exodus 12:37–41; 14:5–8

jarin tariņae eo ej kipōļ Riisrael ro

Riisrael ro rekar kāām ilo Lom̧aļo Ekilmur Ejjab to Pero im jarin tariņae eo an rekar epaakeļo̧k er. Ke Riisrael ro rej lo bwe Riijipt ro rej itok, rekar mijak. Ak Moses ekar ba n̄an Riisrael ro bwe Irooj enaaj kōjparok er.

Exodus 14:9–14

Moses ej kotak jo̧koņ eo, Lom̧aļo Ekilmur Ej Jepelļo̧k

Ke ej epaaketok wōt Riijipt ro, Irooj ekar ba n̄an Moses bwe en kotak jo̧koņ eo. Moses ekar kōm̧m̧ane, im Irooj ekar kōjepelļo̧k lom̧alo eo. Riisrael ro rekar kijo̧ne lom̧aļo ioon āne m̧ōrā. Rekar ko jān Pero im jarin tariņae eo an.

Exodus 14:15–16, 21–22

Lom̧aļo Ekilmur ekar bun̄ūt jarin tariņae eo an Riijipt ro

Jarin tariņae eo an Riijipt rekar kipōļ Riisrael ro. Ke aolep Riisrael ro rekar pād ilo kōjparok ilo jo turājet in lom̧alo eo, Irooj ekar kōtļo̧k bwe lojet en ro̧o̧l n̄an jinoin. Jarin tariņae eo an Riijipt rekar maļon̄ ilo lojet.

Exodus 14:23–30

Riisrael ro rej eb

Riisrael ro rekar anem̧kwoj āliktata Rekar al al ko, eb, im kam̧m̧olool Irooj. Rej keememej wot aolep iien Kwojkwoj in Kijone ilo iien eo Irooj ekar lo̧mo̧o̧ren mour ko aer im tōl er jān Ijipt.

Exodus 14:31; 15:1–22