Exodus 2–3

Moses Rikanaan eo

Kar kūr n̄an kanemkwoj armej ro an Irooj

RiIjipt ro raar anjo̧ ioon RiIsrael ro

Moses eaar rūttoļo̧k āinwōt juon ļaddik nejin leddik eo nejin Pero. Moses eaar lo bwe RiIjipt ro raar lāj n̄an RiIsrael ro. Eaar būrom̧ōj bwe RiIjipt ro raar kōm̧m̧an bwe RiIsrael ro ren aer rikōm̧akoko.

Exodus 2:10–11

Moses ej jurake RiIsrael ro

Juon raan Moses eaar lo juon RiIjipt ej den̄ļo̧ke juon RiIsrael. N̄an jurake RiIsrael eo, Moses eaar m̧an RiIjipt eo.

Exodus 2:11–14

Moses ej pād ilo āne jam̧aden

Ke Pero eaar ron̄, eaar kōņaan m̧an Moses, ak Moses eaar ko ettoļo̧k jān Ijipt.

Exodus 2:15

Moses im baam̧le eo

Moses eaar itok n̄an jikin eo etan Midian, ijo eaar lo juon kōrā etan Zippora. Raar m̧are im wōr nejier.

Exodus 2:21–22

An Moses kalimjōk wōjke eo euruur

Ke Moses eaar jokwe ilo Midian, Moses eaar lo juon wōjke me ekar uruur kōn kijeek, ak kijeek eo eaar jab tile wōjke eo. Irooj eaar waļo̧k ilo kijeek im kar kōnono n̄an Moses.

Exodus 3:1–6

Jisōs ej kōnono n̄an Moses

Irooj eaar ba E ekar jeļā bwe RiIsrael ro raar en̄taan ilo Ijipt. Eaar kakien Moses bwe en jepļaak n̄an Ijipt im jiron̄ļo̧k Pero bwe en kōtļo̧k RiIsrael ro. Irooj eaar ba E enaaj jipan̄ Moses kanemkwoj RiIsrael ro im tōlļo̧k er n̄an juon āneen kallim̧ur.

Exodus 3:7–18