“Samuel Rikanaan eo,” Bwebwenato ko jān Kallim̧ur M̧okta (2022)
“Samuel Rikanaan eo,” Bwebwenato ko jān Kallim̧ur M̧okta
1 Samuel 2–3
Samuel Rikanaan eo
Juon ļaddik kar kūr jān Irooj
Ium̧win juon iien aitok, RiIsreal ro ekar ejjeļo̧k juon aer rikanaan an Irooj n̄an tōl er. Ijello̧kin, riekajet ro raar kakiene Isreal ium̧win elōn̄ iiō ko. Ilo iien in, Hanna eaar bōktok ļaddik eo nejin edik Samuel n̄an jokwe ippān Eli, pris im riekajet eo an Israel. Samuel eaar jipan̄ Eli ilo tampeļ eo.
Ļaddik ro ruo nejin Eli raar bar jerbal ilo tampeļ eo, bōtaab raar ko̧o̧ti joortak ko kar n̄an Irooj. Jet armej raar aoļļo̧k n̄an Eli, bōtaab Eli ekar jab kaje er.
Juon joteen Samuel eaar ron̄ juon ainikien edik kūri. Ekar ļōmņak ekar Eli, im Samuel eaar etal n̄an ippān. Bōtaab Eli ekar jab kūr e. Eli eaar jiron̄ļo̧k Samuel n̄an bar jepļaak n̄an jikin kiki.
Samuel ekar ron̄ ainikien eo ekar kūr e alen ruo. Eaar ilo̧k n̄an ippān Eli im kar kajjitōk ta eo ekar kōņaan. Bōtaab Eli ekar jab kūr e. Eli eaar jiron̄ļo̧k Samuel n̄an etal in kiki.
Samuel eaar ron̄ ainikien ej kūr e alen jilu. Ekar bar juon alen ilo̧k n̄an ippān Eli im kar kajjitōk ta eo ekar kōņaan. Iien in, Eli eaar jeļā ekar Irooj eo ekar kōnono n̄an Samuel. Eli eaar jiron̄ļo̧k Samuel n̄an bar jepļaak n̄an jikin kiki. Eli ekar ba eļan̄n̄e Irooj ej bar kūr e, Samuel ej aikuj ron̄jake.
Samuel eaar ron̄ ainikien eo ej bar kūr e. Ilo iien in Samuel ekar kajjitōk ippān Irooj n̄an kōnono im kar ba enaaj kar ron̄jake. Irooj ekar jiron̄ļo̧k Samuel bwe ekar bōd n̄an Eli n̄an kōtļo̧k an ļaddik ro nejin renana jerbal ilo tampeļ eo. Kar jab kōtļo̧k an baam̧le eo an Eli jerbal ijo ļo̧k wōt n̄an jidik.
Raan eo juon, Eli eaar kajjitōk ippān Samuel ta eo Irooj ekar ba. Samuel eaar ba n̄an e. Eli eaar jeļā bwe Irooj eaar kōnono n̄an Samuel.
Ennaan eo ekar ajeded ilo aolepān āne in Israel. Armej ro raar jeļā bwe Irooj eaar kāālet Samuel bwe en erom rikanaan eo An.