Jenesis 2–3; Moses 3–5; Ebream 5

Adam im Iv

Bōk en̄jake jān kōm̧m̧ani kālet ko

Adam im Ive ippān mennin mour ko

Adam im Iv raar ajri ro jinointata nejin Jemedwōj Ilan̄ n̄an mour ioon laļ in. Raar jokwe ilo juon jikin eaiboojojo Jikin Kallib Eden, jepooļe kōn elōn̄ kain mennin eddōk im wōjke ko. Anij Jemedwōj Ilan̄ im Irooj Jisōs Kraist raar loļo̧k er im kar kōnono n̄an er.

Jenesis 2:8–9; 3:8; Moses 3:8­–9; Ebream 5:8, 14–19

wōjke in jeļā em̧m̧an im nana

Anij eaar kōtļo̧k aer m̧ōn̄ā leen ko jān aolep wōjke ak ijjeļo̧kin juon. Eļan̄n̄e renaaj m̧ōn̄ā jān wōjke in jeļā em̧m̧an im nana, renaaj aikuj in em̧m̧akūt jān jikin kallib eo bwe renaaj mej. Setan eaar riabwe Adam im Iv. Setan eaar ba bwe n̄e renaaj m̧ōn̄ā leen wōjke eo, renaaj jeļā em̧m̧an im nana ak reban mej.

Jenesis 2:16–17; 3:1–5; Moses 3:9; 4:6–11; Ebream 5:9, 12–13

Iv ej ittūm̧ leen wōjke eo

Iv eaar kālet bwe en m̧ōn̄ā leen wōjke eo.

Jenesis 3:5–6; Moses 4:12

pā ko rej jibwe leen wōjke eo

Iv eaar leļo̧k n̄an Adam jidik in leen wōjke eo. Eaar bar kālet bwe en m̧ōn̄ā jene.

Jenesis 3:6–7; Moses 4:12

Adam im Iv rej tilekeek jān Anij im Jisōs

Anij im Irooj raar loļo̧k er, ak Adam im Iv raar mijak im kar tilekeek. Anij eaar kajjitōk n̄e raar m̧ōn̄ā jen leen wōjke in jeļā em̧m̧an im nana.

Jenesis 3:8–13; Moses 4:13–14

Adam im Iv rej em̧m̧akūt jān Jikin Kallib Eden

Adam im Iv raar ba n̄an Anij ke raar kālet n̄an m̧ōn̄ā jān leen wōjke eo. Kōn kālet eo aer, Adam im Iv rekar etal jān Jikin Kallib Eden. Raar jepel jān Anij, ak E ekar wōr an karōk n̄an er. Kiiō raar jeļā em̧m̧an jān nana im maron̄ wōr nejiero ajri.

Jenesis 3:16–24; Moses 4:15–31

Baam̧le eo an Adam im Iv rej kalimjōk kijeek eo

Adam im Iv raar kallim̧ur n̄an pokake aolep kien ko an Anij. Kar katakin er n̄an kōm̧m̧an katok kōn mennin mour. Ilo aer kar pokake, raar jeļā eļapļo̧k kōn Jisōs Kraist Nejin Anij. Raar jim̧or m̧ōņōņō eļap kōnke E ekar jipan̄ baam̧le eo aer bar jepļaak n̄an Anij.

Jenesis 3:23; Moses 5:1–12