Ri Ekajet Ro 6–7

Jarin Tariņae eo an Gideon

Lōke Irooj ilo pata

Rimidian ro rej ko̧o̧t m̧ōn̄ā

Armej in Israel ro rekar jeraam̧m̧an ium̧win iiō ko. Ak rekar tokālik kālet bwe ren jab pokake Irooj. N̄an jipan̄ er keememej E, Irooj ekar kōtļo̧k bwe rikōjrat ro ak Rimidian ro ren bōk m̧ōn̄ā ko kijeer im menin mour ko nejier. Riisrael ro rekar kwo̧le, kōn menin rekar keememej Irooj im rekar jar n̄an E bwe en jipan̄ er.

Ri Ekajet Ro 6:1–7

juon enjeļ ej kōnono n̄an Gideon

Gideon ekar juon em̧m̧aan jān juon baam̧le ejerata. Irooj ekar jilkintok juon enjeļ n̄an kūr e bwe en kanem̧kwoj Israel. Gideon ekar bwilōn̄ etke Irooj ekar kālet E.

Ri Ekajet Ro 6:11–15

armej ro rellu ippān Gideon rej jutak turin juon ekjab em̧ōj rube

Irooj ekar ba n̄an Gideon bwe en kakkure jikin eo ijo Riisrael ro rekar kabun̄jar n̄an riab in anij ko. Ke Gideon ekar pokake, armej ro rekar illu.

Ri Ekajet Ro 6:25–27

Jemān Gideon ej kōjparok e jān armej ro rellu

Riisrael rekar kōņaan m̧an Gideon. Ak Jemān Gideon ekar kajjieon̄ ukōt būruōer bwe ren jab m̧an e. Gideon ekar pād ilo kōjparok.

Ri Ekajet Ro 6:28–32

Gideon ej jar

Gideon ekar jab ļōmņak emaron̄ kar kanem̧kwoj Israel. Ekar lōn̄ļo̧k jān 135,000 ritariņae ro ilo jarin tariņae eo an Rimidian ro. Ak Irooj ekar leļo̧k n̄an Gideon mālōtlōt im kajoor.

Ri Ekajet Ro 6:13–16; 8:10

ritariņae ro rej em̧akūt jān jarin tariņae eo

Irooj ekar kōņaan bwe Riisrael ro ren jeļā ke remaron̄ kar wiin kōn kajoor eo An, im jab kōn er make. Men̄e Israel ekar wōr wōt 32,000 an ritariņae, Irooj ekar kajjitōk ippān Gideon bwe en korool jabdewōt ritariņae ro me rekar mijak. Ālkin an 22,000 ritariņae ro kar jepļaak n̄an kapijuknen ko aer, ekar ped wōt 10,000 ritarinae in Israel ro.

Ri Ekajet Ro 7:2–3

ritariņae ro rej idaak jān dren eo

Irooj ekar ba bwe 10,000 ritariņae ej bwe wōt an lōn̄. Ekar ba n̄an Gideon bwe en bōk ritarinae ro n̄an dren eo. Ro rekar daak jān dān eo kōn lōn̄ier renaaj jilkinļo̧k er n̄an kapijuknen ko aer. Ro rej kōjerbal pā ko peier n̄an daak jān dren eo remaron̄ pād wōt. Kiō epād wōt 300 em̧m̧aan ro.

Ri Ekajet Ro 7:4–7

Ritariņae Riisrael ro kōn jilel im ļaam ko aer ipeļaakin kāām eo an Rimidian ro

Āliktata, Riisrael ro rekar pojak n̄an tariņae. Irooj ekar kwaļo̧k n̄an Gideon wāween an naaj anjo̧ ioon Rimidian ro. Gideon ekar ba n̄an jarin tariņae eo an n̄an kōjerbal jilel im ļaam ko n̄an kamijak er. Ainikien ko im meram ko rekar tarpoke Rimidian ro, jon̄an rekar jino tariņaeik doon. Innām rekar lam̧ōj im jan̄ im ko.

Ri Ekajet Ro 7:16–22

Gideon ej tōl ritariņae ro

Kōnke Gideon ekar lōke Irooj, Riisrael ro rekar anjo̧ jān jarin tariņae ļapļap eo an Rimidian ro kōn 300 wōt ritariņae. Irooj eaar kanem̧kwoj armej in Israel ro.

Ri Ekajet Ro 7:23–25