“Shadrach, Meshach, im Abednego,” Bwebwenato ko jān Kallim̧ur M̧okta (2022)
“Shadrach, Meshach, im Abed-nego,” Bwebwenato ko jān Kallim̧ur M̧okta
Daniel 1; 3
Shadrak, Meshak, im Abednego
Juon mālijjon̄ eo ekauwōtata kōn tōmak
Kiin̄ Nebukadnezar eaar kajutak juon aetoktok, ekjab gold im kar kipel armej ro n̄an kabun̄jar n̄an e. N̄e reban, renaaj likūt er ilo kijeek eo.
Ro m̧ōttan Daniel Shadrak, Meshak, im Abednego, raar iakwe Anij im ban kabun̄jar n̄an riabin anij ko an kiin̄ eo. Kiin̄ eo eaar illu ippāer.
Rein jilu rej m̧ōttā raar jiron̄ļo̧k kiin̄ eo ke renaaj kabun̄jar wōt n̄an Anij. Raar tōmak Anij enaaj kōjparok er. Ak men̄e E eban lo̧mo̧o̧ren er, renaaj jutak wōt kōn ta eo rej tōmak.
Kiin̄ eo eaar illu ippān Shadrak, Meshak, im Abednego. Eaar joļo̧k er ilo kijeek eo. Ak ke kiin̄ eo ej reiļo̧k n̄an kijeek eo, eaar bwilōn̄ ke ej lo juon armej jen lan̄ ilo kijeek eo ippān em̧m̧aan ro jilu. Raar jab metak jān kijeek eo.
Kiin̄ eo ekar kūrtok Shadrak, Meshak, im Abednego, im raar diwōjtok jān kijeek eo. Kijeek eo eaar jab ko̧kkure er er ak barāinwōt tile nuknuk ko aer.
Shadrak, Meshak, im Abednego raar pokake kien ko an Anij, men̄e mour ko aer raar pād ilo kauwōtata. Waanjon̄ak eo aer ekar jipan̄ kiin̄ eo tōmak ilo Anij.