“Job,” Bwebwenato ko jān Kallim̧ur M̧okta (2021)
“Job,” Bwebwenato ko jān Kallim̧ur M̧okta
Job 1–3; 19; 38–42
Job
Lōke iakwe eo an Irooj
Job ekar juon em̧m̧aan eo em̧m̧an im eaar iakwe Irooj im kar kōjparok kien ko An. E im kōrā eo pāleen ekar wōr 10 nejierro ajri, im ekanooj lōn̄ nejier mennin mour ko im kar m̧weie.
Irooj eaar mālijjon̄e tōmak eo an Job. Job eaar ioon elōn̄ men ko reppen.
Juon raan elōn̄ iaan mennin mour ko an Job kar ko̧o̧ti. Tokālik aolepān men ko m̧weien Job raar bwil im kar mej aolep rijerbal ro an im mennin mour ko jet. Innām juon aer in ļan̄ eaar ko̧kkure m̧weo im̧ōn ļaddik eo nejin Job. Ajri ro nejin rekar pād ilowaan m̧weo, im aolepāer raar mej. Job im kōrā eo pāleen eaar ejjeļo̧k aer jabdewōt ijjelo̧kin wōt ājmour ko aer.
Job im kōrā eo pāleen raar būrom̧ōj. Raar luuji aolep men, bar ajri ro nejierro. Ak Job eaar wōr wōt an tōmak ilo Irooj. Eaar jab ellotaanne Irooj kōn ta eo eaar waļo̧k.
Innām Job eaar jino lukkuun nan̄inmej. Ekar obrak ānbwinnin kōn kinej ko rekōmetak. Job im kōrā eo pāleen rekar bwilōn̄ etke aolep men kein renana raar waļo̧k.
Irooj eaar kōnono n̄an Job im kwaļo̧k n̄an e laļ in, iju ko, im aolep men me rej emenono. Irooj eaar katakin Job juon katak eaorōk. Aolep men otemjeļo̧k kar kōm̧anm̧an n̄an jipan̄ ro nejin Jemedwōj Ilan̄ n̄an jeļā kōn Nejin Jisōs Kraist im ļoor E.
Job eaar ukweļo̧k im kar kajjitōk ippān Irooj n̄an jeo̧rļo̧k an bōd kōn an pere. Eaar kallim̧ur n̄an lōke Irooj. Irooj eaar jeļā bwe Job eaar iakwe E. E eaar kōmour Job im kar kōjeraam̧m̧an e kōn elōn̄ļo̧k ajri im ruo alen an m̧weie jān kar m̧okta.