“Devid eo Edik,” Bwebwenato ko jān Kallim̧ur M̧okta (2022)
“Devid eo Edik,” Bwebwenato ko jān Kallim̧ur M̧okta
Devid eo Edik
Juon ļaddik eo rilale sip kar kūr n̄an erom̧ kiin̄
Irooj ekar jilkinļo̧k rikanaan Samuel n̄an kappukot juon kiin̄ kāāl. Saul, eo ekar kiin̄ ilo iien eo, ekar bōjrak an ļoore Irooj. Irooj ekar ba n̄an Samuel bwe en etal n̄an Betleem im kappukot juon em̧m̧aan etan Jesse. Kiin̄ eo ekāāl enaaj juon iaan ļaddik ro nejin Jesse.
Ļaddik ro rerūtto nejin Jesse rekar aetok im dipen. Ak Irooj ekar ba n̄an Samuel bwe en jab ekajet er kōn paaktokier.
Samuel ekar kajjitōkin Jesse eļan̄n̄e ebar wōr jet nejin ļaddik. Jesse ekar ba bwe ļaddik eo edrik nejin etan, Devid, ej rilale sip ko. Rekar bōktok Devid n̄an Samuel.
Devid ekar wūnnin̄ jān bratōr ro an im kar juon ļaddik rilale sip. Ak Irooj ekar jab kea kōn paaktokin Devid. Irooj ekar jeļā ke buruōn Devid ekar obrak kōn tōmak. Ekar ba n̄an Samuel bwe Devid enaaj erom̧ juon kiin̄. Samuel ekar kōjeraam̧m̧an Devid. Jetōb eo an Irooj ekar kōpooj Devid n̄an erom̧ kiin̄.