Jona 1–4

Rikanaan Jona

Jeļā n̄an lōke tūriam̧o eo an Irooj

Jona ej mejen būrom̧ōj

Jona ekar juon rikanaan. Irooj eaar jiron̄ļo̧k e bwe en kakkōl armej ro ilo Nineva bwe jikin eo aer naaj ko̧kkure n̄e reban ukweļo̧k.

Jona 1:1–2

An Jona iuwe ilo tim̧a eo

Ak armej in Nineva ro raar rikōjdāt n̄an Riisrael ro. Jona eaar jab kōņaan kwaļo̧k n̄an er. Kōn menin ekar iuwe ilo tim̧a eo ej jerak ettoļo̧k jān Nineva.

Jona 1:3

tim̧a eo ioon lo̧jet eo enana

Ke Jona ekar pād ilo tim̧a eo, juon ļan̄ ekajoor ekar waļo̧k. Em̧m̧aan ro ilo tima eo raar mijak kōn mour ko aer. Raar kajjitōk ippān Jona n̄an jar n̄an Irooj bwe en lo̧mo̧o̧re er.

Jona 1:4–6

Jona ej ekōnono n̄an jeļa ro

Jona eaar jeļā bwe Irooj eaar jilkintok ļan̄ eo kōnke e eaar ko jān ta eo Irooj eaar ba en kōm̧m̧ane. Jona eaar kōņaan lo̧mo̧o̧ren armej ro ilo tim̧a eo. E eaar ba n̄e renaaj joļo̧k e lo̧jet, ļan̄ eo enaaj bōjrak.

Jona 1:12

jeļa ro raar joļo̧k Jona jān tim̧a eo

Em̧m̧aan ro raar jab kōņaan joļo̧k Jona n̄an lo̧jet. Raar kajjieon̄ in aņaņ n̄an leāne ļo̧k tim̧a eo n̄an āne, ak ļan̄ eo ekar lukkuun kajoor. Āliktata, raar joļo̧k Jona n̄an lo̧jet.

Jona 1:13–15

Ek kileplep eo eaar wōran̄ļo̧k Jona

Ļan̄ eo eaar bōjrak. Innām juon ek kileplep kar wōran̄ļo̧k Jona.

Jona 1:15, 17

Jona ej pād ilo parijet

Jona ekar pād lo̧jeen ek kileplep eo ium̧win jilu raan im jilu bon̄. Ilo iien in, Jona eaar jar im ukweļo̧k. E eaar kōņaan kōm̧m̧ane ta eo ejim̧we im kar ron̄jake Irooj. Irooj eaar ron̄ jar eo an Jona im kar kōm̧m̧an bwe ek eo en em̧mōje ņabōjtak Jona n̄an āne em̧ōrā.

Jona 1:17; 2:1–10

Jona ej kwaļo̧k naan n̄an armej ro

Irooj eaar bar jiron̄ļo̧k Jona n̄an kwaļo̧k naan n̄an armej in Nineva. Iien in Jona eaar pokake. E eaar ilo̧k n̄an Nineva im jiron̄ļo̧k armej ro bwe ren ukweļo̧k n̄e ejjab Irooj enaaj ko̧kkure jikin eo. Kiin̄ eo im armej ro an raar ukweļo̧k. Irooj eaar jeo̧rļo̧k aer bōd im kar jab kakkure Nineva.

Jona 3

Jona ear mejān inepata

Ak Jona eaar inepata bwe armej ro rekar jab jorrāān. E eaar jab ļōmņak rekar aorōk n̄an jeo̧rļo̧k bōd ko aer.

Jona 4:1–2

Jona ej kalimjōk juon wōjke emej

N̄an katakin Jona juon katak, Irooj eaar katōk juon ineen mennin eddōk n̄an kallōre Jona jān aļ. Innām mennin eddōk eo eaar mej, im Jona eaar būrom̧ōj kōn menin eddōk in.

Jona 4:5–9

Jona ej katakin kurup in armej ro

Irooj eaar katakin Jona juon katak kōn ro Nejin. Jona eaar jeļā bwe e eaikuj būrom̧ōj n̄e armej ro rejjab ukweļo̧k im bwe e eaikuj in m̧ōņōņō n̄e renaaj.

Jona 4:10–11