“Kōm̧anm̧an eo an Laļ in,” Bwebwenato ko jān Kallim̧ur M̧okta (2022)
“Kōm̧anm̧an eo an Laļ in,” Bwebwenato ko jān Kallim̧ur M̧okta
Jenesis 1–2; Moses 1–3; Ebream 3–5
Kōm̧anm̧an eo an Laļ in
Juon em̧ eaiboojoj n̄an ro nejin Jemedwōj Ilan̄
Anij Jemedwōj Ilan̄ eaar kwaļo̧k juon karōk in lo̧mo̧o̧r ilo lan̄. Jaar aolep lam̧ōj kōn lan̄lōn̄! Jej maron̄ in itok n̄an laļin n̄an bōk ānbwinin kanniōk. Ilo laļ in, jenaaj jeļā n̄an ļoor Nejin Anij, Irooj Jisōs Kraist. Irooj eaar kōm̧anm̧an laļ in kōn kōmeļeļe ko an Anij.
Jenesis 1:1; Job 38:4–7; Moses 1:32–33; 2:1; Ebream 3:22–27
Ilo raan eo jinoin, Irooj eaar kōjenolo̧k meram jān marok. Eaar ņaetan meram raan im marok bon̄.
Jenesis 1:3–5; Moses 2:3–5; Ebream 4:1–5
Ilo raan eo kein karuo, E eaar kōjenolo̧k dān ko jān kōdo ko ilo mejatoto im lo̧jet ko ioon laļ in.
Jenesis 1:6–8; Moses 2:6–8; Ebream 4:6–8
Ilo raan eo kein kajilu, Irooj eaar ejaake lo̧meto ko reļļap im āne emōrā. Eaar ņaetan dān ko lo̧jet im āne em̧ōrā laļ. Eaar kōm̧m̧an bwe āne en aiboojoj kōn wūt ko, leen wōjke ko, mennin eddōk ko, im wōjke ko.
Jenesis 9–13; Moses 2:9–13; Ebream 4:9–13
Ilo raan eo kein kemān, Eaar kōm̧anm̧an aļ n̄an romaak ilo raan. Innām Eaar kōm̧anm̧an allōn̄ im iju ko n̄an meram ilo bon̄.
Jenesis 1:14–19; Moses 2:14–19; Ebream 4:14–19
Ilo raan eo kein kōļalem, Irooj eaar kōm̧anm̧an ek ko ilo lo̧jet im bao ko imejatoto. Eaar kōjeraam̧m̧an mennin mour ko n̄an lōn̄ļo̧k im kar kōjeraam̧m̧an ek ko n̄an kobrak dān ko.
Jenesis 1:20–23; Moses 2:20–23; Ebream 4:20–23
Ilo raan eo kein kajiljino, Eaar kōm̧anm̧an menin mour ko ioon āne, jet bwe ren etetal im jet bwe ren etabōlbōl.
Jenesis 1:24–25; Moses 2:24–25; Ebream 4:24–25
Jemedwōj Ilan̄ im Irooj raar wanlaļtak n̄an laļ in ilo raan eo kein kajiljino. M̧aan im kōrā kar kōm̧anm̧an er ilo nememein wōt Anij. Jemedwōj Ilan̄ eaar jiron̄ er n̄an kōjparok doon im wōr nejirro ajri. M̧aan im kōrā eo raar bar leke n̄an kōjparok āneeo im menin mour ko ie.
Jenesis 1:26–27; Moses 2:26–27; Ebream 4:26–31; 5:7–8
Jemedwōj Ilan̄ ekar m̧ōņōņō kōn aolep men ko Rekar kōm̧anm̧ani. Ilo raan eo kein kajiljilimjuon, Raar kakkije jān aolep jerbal ko Aer. Laļ in ekar aiboojoj im kar obrak kōn mour.