“Ebream im Aisek,” Bwebwenato ko jān Kallim̧ur M̧okta (2022)
“Ebream im Aisek,” Bwebwenato ko jān Kallim̧ur M̧okta
Jenesis 17; 21–22
Ebream im Aisek
Juon jemen, juon nejin, im juon katok
Ebream im Serai ekar wōr juon nejierro nin̄nin̄ ļaddik, āinwōt an kar Irooj kallim̧ur. Renaaj ņaetan Aisek
Rej iakwe Aisek. Raar katakin e n̄an kālet jim̧we eo im n̄an lōke ilo Irooj.
Irooj eaar kallim̧uri Aisek im Serai bwe kōn Aisek baam̧le eo an enaaj eddōkļo̧k im kōjeraam̧m̧an aolepān laļ in. Ak juon raan Irooj eaar jiron̄ļo̧k Ebream n̄an bōk Aisek n̄an To̧ļ Moriah im leļo̧k Aisek āinwōt juon mennin katok.
Ilo iaļ eo aer lo̧k n̄an to̧ļ eo, Aisek eaar kajjitōk ewi lamb eo n̄an kar katok kake. Ebream eaar ba Irooj enaaj letok juon.
Ilo To̧ļ Moriah, Ebream eaar kajutak juon lokatok im illik aļaļ ie.
Āinwōt an Irooj ekar kean̄, Ebream eaar kajjitōk ippān Aisek n̄an babu ioon lokatok eo. Aisek eaar lōke Ebream āinwōt an Rilo̧mo̧o̧r Jisōs Kraist ekar lōke Jemen.
Ke Ebream eaar tin katok kake Aisek, juon enjeļ an Irooj ekar kabōjrak e. Ebream eaar kwaļo̧k an tōmak ilo Irooj. Ebream ekar jeļā bwe enaaj kar aolep iien ļoor Irooj.
Ebream eaar lo juon ram ilo bukwin wōjke eo. Irooj eaar leļo̧k ram eo n̄an katok kake.
Ebream im Aisek raar jeļā wāween an Jemedwōj Ilan̄ kar leļo̧k Nejin Jisōs Kraist āinwōt juon kein katok. Irooj Jisōs Kraist eaar lōke Ebream kōnke eaar pokake. Ebream eaar lōke Anij kōn kōjeraam̧m̧an eo me juon raan baam̧le eo an enaaj lōn̄ļo̧k jān jon̄an iju ko ilo mejatoto.