1 Kiin̄ Ro 16–18

Ilaija Rikanaan eo

Tōmak eo an juon m̧am̧a im kabwilōn̄lōn̄ ko an Irooj

Ilaija ej kōnono n̄an Kiin̄ Ahab im Leroij Jezebel

Aelōn̄ in kiin̄ eo an Israel eaar ejjeļo̧k wōt ie, im eaar maat dān. Kiin̄ Ahab im Leroij Jezebel raar jab kōņaan rikanaan ro an Irooj. Raar m̧an jet iaan rikanaan ro. Kiin̄ eo im lerooj eo raar jar n̄an ekjab ko bwe en wōt. Ak rikanaan Ilaija eaar jiron̄ er bwe Irooj eban jilkintok wōt ium̧win iiō.

1 Kiin̄ Ro 16:29–33; 17:1; 18:13

Ilaija ej tilekeek jān ritariņae ro

Kiin̄ im lerooj eo raar illu ippān Ilaija. Irooj eaar kakkōl Ilaija bwe en tilekeek kōnke ekauwōtata mour eo an.

1 Kiin̄ Ro 17:2–3

Ilaija ej bukwelōlō ilo juon reba

Irooj eaar tōl Ilaija n̄an juon reba im jilkintok bao ko n̄an bōktok kijjeen m̧ōn̄ā. Ak kōn an ejjeļo̧k wōt, reba eo eaar m̧ōrā, im eaar ejjeļo̧k nimen Ilaija.

1 Kiin̄ Ro 17:4–7

Ilaija ej kōnono n̄an kōrā eo

Irooj eaar tōl Ilaija n̄an juon kōrā ilo juon jikin ettoļo̧k. Ilaija eaar kajitōk ippān kōrā eo nimenn im kijen. Ak kōrā in eaar bwe wōt n̄an e im ļaddik eo nejin ium̧win juon wōt raan.

1 Kiin̄ Ro 17:8–12

Ilaija ej kōnono n̄an juon kōrā

Ilaija eaar jeļā ke ede ko kijen. Eaar kallim̧ur bwe n̄e enej naajdik e, Irooj eaaj leļo̧k m̧ōn̄ā n̄an baam̧le eo an m̧ae ebar wōt.

1 Kiin̄ Ro 17:13–14

Ilaija, kōrā eo, im ajri eo rej m̧ōn̄ā

Kōrā eo eaar kōm̧m̧an pilawā n̄an Ilaija. Innām oil im pilawā ko kijen raar lōn̄ļo̧k! Eaar bwe m̧ōn̄ā n̄an jim̧or Ilaija im baam̧le eo an kōrā eo ium̧win elōn̄ raan ko.

1 Kiin̄ Ro 17:15–16

an kōrā eo jan̄ kōn ajri eo nejin emej

Juon raan ajri ro nejin kōrā eo eaar nan̄inmej im mej. Kōrā eo eaar kajjitōk ippān Ilaija etke Irooj eaar kōtļo̧k bwe en waļo̧k āindein n̄an e.

1 Kiin̄ Ro 17:17–20

an kōrā eo atbokwoj ajri eo

Ewōr priesthood ippān Ilaija. Eaar kōjeraam̧m̧an ļaddik eo nejin im kar kajjitōk ippān Irooj bwe en kōtļo̧k an bar ro̧o̧ltok n̄an mour. Ajri in eaar bar menono, im kōrā in eaar jeļā bwe Ilaija eaar juon rikanaan an Irooj.

1 Kiin̄ Ro 17:21–24