“Ilaija im Pris ro an Baal,” Bwebwenato ko jān Kallim̧ur M̧okta (2022)
“Ilaija im Pris ro an Baal,” Bwebwenato ko jān Kallim̧ur M̧okta
1 Kiin̄ Ro 18
Ilaija im Pris ro an Baal
Rikanaan eo an Irooj ņae pris ro reriab
Aelōn̄ in kiin̄ eo an Israel eaar en̄taan wōt ilo an ejjeļo̧k dān. Kiin̄ Ahab eaar jiron̄ armej ro n̄an ļoor juon anij eo eriba etan Baal.
Irooj eaar jilkinļo̧k Ilaija rikanaan eo n̄an loļo̧k Ahab. Ilaija eaar kūr aolep armej n̄an ilōn̄in juon to̧ļ. Eaar kūr kiin̄ eo im pris ro an n̄an juon idajon̄jon̄ n̄an lo n̄e wōn eo iaan Irooj ak Baal ekar Anij eo em̧ool.
Ilaija eaar kōmeļeļeiki idajon̄jon̄ eo. E im pris ro renaaj katok kōn juon buļļ ioon juon lokatok, ak ren jab make tile. Innām, pris ro raar jar n̄an Baal bwe en jino tile. Innām Ilaija eaar jar n̄an Irooj bwe en jino tile. Ilaija eaar jeļā bwe Anij eo wōt em̧ool enaaj jino tile.
Pris ro an Baal raar jar n̄an anij eo aer jān jibbon̄ m̧ae ralep, ak ejjeļo̧k men en eaar waļo̧k. Iliaja ekar kōm̧m̧an kōjak ippāer im ba anij Baal eo aer emaron̄ kiki.
Pris ro raar jino illu, kelōn̄ļo̧k ioon lokatok eo, im kar lam̧ōj n̄an n̄e ejota. Raar kōtmene anij eo aer en kar uwaak, ak ekar baj wōt ejjeļo̧k kijeek.
Innām ekar baj iien n̄an Ilaija. Eaar kajutak juon lokatok n̄an Irooj, kubwij tōrerein lokatok eo, im kōpooje n̄an katok.
Ilaija eaar kajjitōk ippān armej ro n̄an tein̄i emān nien dān im lutōkki ioon aļaļ in lokatok eo an jilu alen. Dān eo eaar katutuik aļaļ eo im lokatok. Eaar kobrak aolepān ra ko.
Ilaija eaar jar n̄an Irooj n̄an kwaļo̧k kajoor eo em̧ool an Anij. Kijeek eo an Irooj eaar itok jān lan̄ im tile katok eo, aļaļ ko, dōkā ko, im dān eo. Armej ro raar jeļā bwe Anij eo an Ilaija ekar Anij eo em̧ool. Ilaija eaar jar bwe en bōjrak an m̧ōrā, im Irooj eaar jilkintok wōt.