1 Samuel 1–2

Hanna

Uwaak eo an Irooj n̄an juon kōrā eo etiljek

Hanna ej jan̄ im jar ilo tampeļ eo

Aolep iiō, Hanna im ļeo pāleen rej etal n̄an m̧weo im̧ōn Irooj, tampeļ eo. Hanna ekar ejjeļo̧k nejin ajri, kōn menin ekar lukkuun būrom̧ōj. Ekar jitlo̧k im jar kōn juon nejin nin̄nin̄ ļaddik. Hanna ekar kallim̧uri Irooj bwe eļan̄n̄e enaaj wōr juon nejin ļaddik, ļaddik eo nejin enaaj rūttoļo̧k im jerbal n̄an E.

1 Samuel 1:1–11

Ilai ej kōnono n̄an Hanna

Juon pris etan Ilai ekar lo an Hanna jan̄. Ekar ba n̄an e bwe Irooj enaaj uwaake jar eo an. Hanna ekar lōke Irooj im ekar kōjatdikdik.

1 Samuel 1:12, 17–18

Hanna ej pād ippān ļeo pāleen im nin̄nin̄ Samuel.

Iiō eo, Hanna ekar wōr juon nejin nin̄nin̄ ļaddik. Eaar likūt etan Samuel.

1 Samuel 1:20–23

Hanna ej bokļo̧k Samuel n̄an Ilai ilo tampeļ eo

Hanna ekar kōjparok kallim̧ur eo an n̄an Irooj. Ke Samuel ekar rūttoļo̧k, ekar bōk e n̄an jerbal ilo m̧weo im̧ōn Irooj. E ekar jerbal ippān Ilai, pris eo. Hanna ekar wōnm̧anļo̧k wōt im loļo̧k Samuel. Ekar bōktok an nuknuk me ekar kiiji n̄an e. Irooj ekar kōjeraam̧m̧ane Hanna kōn bar ļalem nejin ajri.

1 Samuel 1:24–28; 2:21