“Rikanaan Jeremaia ,” Bwebwenato ko jān Kallim̧ur M̧okta (2022)
“Rikanaan Jeremaia ,” Bwebwenato ko jān Kallim̧ur M̧okta
Rikanaan Jeremaia
Kar kūr e m̧okta jān an kar ļōtak
Jeremaia ekar jokwe ilo Jerusalem ke ekar dik wōt. Juon raan Irooj ekar itok ippān Jeremaia im kūr e n̄an erom̧ juon rikanaan. Irooj ekar ba n̄an Jeremaia bwe kar kālet e n̄an erom̧ juon rikanaan m̧okta jān an kar ļōtak. Irooj ekar jeļā bwe mour eo an Jeremaia enaaj lukkuun pen. Ak Ekar kallim̧uri Jeremaia bwe E enaaj pād ippān iien otemjej.
Armej ro ilo Jerusalem rekar jab kōjparok kallim̧ur ko aer ippān Irooj. Kōn nana ko aer, Jeremaia ekar kakkōl armej ro bwe renaaj bōk jān er anjo̧. Irooj ekar ba bwe eļan̄n̄e rej kōjparok im kōkwojarjar raan in Jabōt, jikin eo Jerusalem ban maron̄ kakkure. Ak armej ro rekar jab ron̄jake.
Jeremaia 6:1–19; 8–9; 17:21–27
Jeremaia ekar katakin armej ro ium̧win elōn̄ iiō ko. Ak rekar jab ukweļo̧k. Ijjeļo̧kin, rekar kōmetak Jeremaia im joļo̧k e n̄an lowaan kalbuuj.
Jeremaia 20:2; 26:8–9; 37:15–18; 38:6
Jeremaia ekar iakwe armej ro. Ekar jan̄ kōn jerawiwi ko aer. Āinwōt an kar ba, Jerusalem kar kakkure, im armej ro kar kalbuuji er.
Jeremaia 9:1–8; 25:9–12; 52:1–10
Jeremaia kar bōke n̄an Ijipt. Irooj ekar ba n̄an e n̄an je kanaan ko an. Jeremaia ekar pokake Irooj men̄e ekar kanooj pen. Ekar wōnm̧aanļo̧k wōt im ba n̄an armej ro an n̄an kōjparok kallim̧ur ko aer ippān Irooj.