“Jekab im Iso,” Bwebwenato ko jān Kallim̧ur M̧okta (2022)
“Jekab im Iso,” Bwebwenato ko jān Kallim̧ur M̧okta
Jenesis 25–27
Jekab im Iso
Ruo būratōr im juon maron̄ an m̧anje
Aisek im Rebeka eaar wōr ruo nejiero bo ļaddik, Jekab im Iso. Iso ekar juon eo eļap an jeļā kakidudu. Jekob eaar mour juon mour epoļemen im kar ļoor Irooj.
Iso eaar m̧anje eo. Manje eo ekkā an bōk maron̄ an m̧anje in kōjeraam̧m̧an jān jemen. Maron̄ an m̧anje eo meļeļein enaaj tōl baam̧le eo im lōn̄ļo̧k an jikin im mennin mour ko n̄an jipan̄ kōjparok n̄an baam̧le eo. Ak Iso eaar ļapļo̧k an ļōmņak kōn e make ijjeļo̧kin baam̧le eo an, im eaar jab pokake jinen im jemen im Irooj.
Juon raan Iso eaar ro̧o̧ltok ālkin an kar kakidudu. Eaar lukkuun kwole im akweļap bwe Jekob en naajdik e. Irooj eaar kōņaan bwe Jekob en bōk maron̄ an m̧anje in kōjeraam̧m̧an eo bwe Iso ejjab erreeo n̄an bōke. Jekab eaar kajjitōk ippān Iso bwe en jāniji n̄an e maron̄ an m̧anje n̄e enaaj leļo̧k jet m̧ōn̄ā. Iso eaar errā im kar jāniji maron̄ in m̧anje eo an n̄an Jekob.
Jenesis 25:23, 29–34; Hibru 11:20
Rebeka im Aisek raar kōņaan ta eo em̧m̧antata n̄an ajri ro nejierro. Raar būrom̧ōj bwe Iso eaar kōm̧m̧ani wōt men ko eaar kōņaan im jab ta eo Irooj ekar kōņaan.
Aisek ekar rūttoļo̧k im pilo. Mokta jān an mej, eaar kajjitōk ippān Iso n̄an kakkije im kōmmatte juon mennin mour bwe en m̧ōn̄ā im m̧ōņōņō.
Rebeka eaar jeļā bwe ekar iien bwe Aisek en leļo̧k maron̄ an m̧anje in kōjeraam̧m̧an eo.
Rebeka eaar kajjitōk ippān Jekob bwe en bōktok ruo mennin mour bwe en kōmmatte m̧okta jān an Iso ro̧o̧ltok. Innām Jekob enaaj kar maron̄ kōjeraam̧m̧an eo.
Jekab eaar kanuknuk e āinwōt Iso im bōktok m̧ōn̄ā eo n̄an jemen. Aisek eaar leļo̧k kōjeraam̧m̧an in maron̄ an m̧anje n̄an Jekob. Ke Iso eaar ro̧o̧ltok, eaar lukkuun illu ippān Jekob. Ak maron̄ an m̧anje eo eaar ilo̧k n̄an Jekob kōnke eaar kōjparok kien ko an Irooj im Iso ekar jab.