“Noa im Baam̧le eo An,” Bwebwenato ko jān Kallim̧ur M̧okta (2022)
“Noa im Baam̧le eo An,” Bwebwenato ko jān Kallim̧ur M̧okta
Jenesis 6–9; Moses 8
Noa im Baam̧le eo An
Juon ark, ibwijleplep, im kallim̧ur ko an Irooj
Noa im baam̧le eo an raar pokake Irooj. Aolep armej ro jet raar lukkuun nana. Irooj eaar jiron̄ļo̧k Noa juon ibwijleplep enaaj pinej laļ in n̄e armej ro reban ukweļo̧k.
Noa eaar katakin armej ro bwe Irooj ej iakwe er im kar kōņaan bwe ren ukweļo̧k im bōk tōmak ilo Jisōs Kraist. Raar jab ron̄jake.
Noa ekar būrom̧ōj bwe armej ro raar jab ukweļo̧k. Irooj eaar jiron̄ļo̧k Noa n̄an jek juon tim̧a ekilep ņaetan juon ark. Ark eo enaaj lo̧mo̧o̧ren Noa im baam̧le eo an ilo iien ibwijleplep eo.
Baam̧le eo an Noa raar bōktok m̧ōn̄ā n̄an ark eo. Irooj eaar jilkintok diktata ruo mennin mour in jabdewōt kain n̄an Noa. Mennin mour ko raar deļo̧n̄e ark eo, im jiljilimjuon raan ko tokālik eaar jino an wōt.
Āinwōt an kar Irooj kakkōļ, ekar wōt 40 raan im 40 bon̄ ko. Ibwijleplep ekar pinej laļ in.
Baam̧le eo an Noa im aolep mennin mour ko ilo ark eo raar jokne ilo aer epāpe ioon dān.
Ke ej jemļo̧k ibwijleplep eo, ark eo eaar āār ioon āne em̧ōrā. Noa im baam̧le eo an raar kōm̧m̧ane juon lokatok in kabun̄jar n̄an Irooj im leļo̧k kam̧m̧oolol n̄an E kōn an kōjparok er. Irooj eaar kallim̧ur bwe ejamin bar kaibwijleplep laļ in. E eaar jilkintok juon ia āinwōt juon kein kakeememej kōn kallim̧ur eo An.