“Daniel ilo Ron̄ in Ļaiōn eo,” Bwebwenato ko jān Kallim̧ur M̧okta (2022)
“Daniel ilo Ron̄ in Ļaiōn eo,” Bwebwenato ko jān Kallim̧ur M̧okta
Daniel 6
Daniel ilo Ro̧n̄ in Ļaiōn eo
An em̧m̧aan eo peran n̄an jar
Darius eaar erom̧ rikien ilo Babylon. Eaar iakwe Daniel im kar kōņaan kōm̧m̧an bwe en ritōl ioon aolepān jikin ko an. Jet iaan rimāletlet ro an kiin̄ eo raar ebanban.
Rimāletlet ro raar jeļā ke Daniel ej jar n̄an Anij, kōn menin raar m̧oņe kiin̄ eo n̄an kōm̧m̧ane juon kien kāāl. Jabdewōt ro rej jar n̄an Anij naaj joļo̧k e ilo ro̧n̄ in ļaiōn eo.
Daniel eaar kālet n̄an jar wōt n̄an Anij. Rimāletlet ro an kiin̄ eo raar lo an Daniel jar im kar jiron̄ļo̧k kiin̄ eo ke Daniel ekar ko̧kkure kien eo. Kiin̄ eo eaar kile bwe rimāletlet ro raar m̧oņe. Eaar kajjieon̄ in pukot juon jekjek eo n̄an lo̧mo̧o̧ren Daniel, ak kiin̄ eo aikuj lo̧o̧r kien eo an make.
Kar joļo̧k Daniel ilo ro̧n̄ in ļaiōn eo. Kiin̄ eo eaar ruj aolepān bon̄ōn eo, jitlo̧k bwe Daniel en pād ilo kōjparok.
Jibbon̄tata in raan eo juon, kiin̄ eo eaar m̧ōkajļo̧k n̄an ro̧n̄ ļaiōn eo. Eaar kūr Daniel n̄an lale ej mour wōt ke. Daniel eaar ikkūrļo̧k bar! Eaar ba n̄an kiin̄ eo ke Anij eaar jilkintok juon enjeļ n̄an kiil lo̧n̄iin ļaiōn ko. Ļaiōn ko raar jab ko̧kkure e.
Kiin̄ eo eaar m̧ōņōņō ke Daniel eaar jokne. Eaar kaje rimāletlet ro raar m̧oņe, im kar kōbōjrak kien eo. Eaar kwaļo̧k n̄an aelōn̄ in kiin̄ eo an kōn kajoor im em̧m̧an eo an Anij.