“Baam̧le eo an Adam im Iv,” Bwebwenato ko jān Kallim̧ur M̧okta (2022)
“Baam̧le eo an Adam im Iv,” Bwebwenato ko jān Kallim̧ur M̧okta
Baam̧le eo an Adam im Iv
Kālet n̄an ļoor Irooj
Ālkin an Adam im Iv kar em̧m̧akūt jān Jikin Kallip Iden, rekar wōnm̧anļo̧k wōt n̄an ekkatak kōn karōk eo an Jemedwōj Ilan̄ n̄an er ioon laļ in. Ekar lōn̄ nejier ajri im rekar katakin er aolep men ko me rekar jeļā kaki kōn Irooj. Jet iaan ajri ro nejin Adam im Iv rekar kālet n̄an pokake Irooj. Ak jet iaer rekar jab kālet n̄an pokake Irooj.
Baam̧le eo an Adam im Iv rekar kōjparok bok in kakeememej eo. Rekar je menmenbwij ko aer ilo bok eo. Rekar je kōn wāween an Irooj kar jipan̄ er.
Kein im Ebel rekar ruo iaan ļaddik ro nejin Adam im Iv. Ebel ekar iakwe Irooj im kar kālet n̄an ļoor E. Kein ekar jab pokake Irooj. Ekar kālet n̄an jum̧ae.
Baam̧le eo an Adam im Iv rekar lōn̄ ļo̧k uwaer. Elōn̄ armej rekar ļōtak. Ekar wōr aer aolep anemkwoj n̄an kōm̧mani jokālet ko. Ālkin jet iien, jet armej rekar jum̧ae ņae kien ko an Irooj. Irooj ekar jilkinļo̧k rikanaan ro n̄an katakin armej ro bwe ren ukweļo̧k.