“Kōn Kallim̧ur M̧okta,” Bwebwenato ko jān Kallim̧ur M̧okta (2022)
“Kōn Kallim̧ur M̧okta,” Bwebwenato ko jān Kallim̧ur M̧okta
Kōn Kallim̧ur M̧okta
Kallim̧ur ko an Jemedwōj Ilan̄ etto n̄an ajri ro Nejin
M̧ojjen eo jinointata ilo Baibōl Ekwojarjar eo ej Kallim̧ur M̧okta. Jeje kein rekwojarjar rekar jeje etto im etto, m̧okta jān an kar Jisōs Kraist ļōtak. Ewōr ie bwebwenato ko me rej jipan̄ kōj bwe en wōr ad tōmak ilo E. Ej katakin kōj bwe kajjojo armej ej m̧ōttan baam̧le eo an Jemedwōj Ilan̄ im bwe E ej iakwe ajri ro Nejin.
Duteronomi 7:7–9; Aiseia 45:10–12
Ilo Kallim̧ur M̧okta, Jisōs Kraist kar etan in Jeova im Irooj eo. Ej ļoor naan in katak ko an Jemedwōj Ilan̄. Jān tōre eo an Adam im Iv, Jemedwōj Ilan̄ ekar jilkintok Irooj Jisōs Kraist n̄an kōnono n̄an rikanaan ro An. Jemedwōj Ilan̄ ej jilkintok Jetōb Kwojarjar n̄an jipan̄ kōj jeļā bwe naan ko an rikanaan eo ej m̧ool.
Exodus 6:2–3; 2 Kronikel 20:20; Amos 3:7; 2 Piter 1:21; Moses 2:1
Irooj ekar kallim̧ur rikanaan Ebream im kōrā eo pāleen Sarah bwe baam̧le eo aer enaj eddōkļo̧k im kōjeraam̧m̧an aolepān laļ in. Ļaddik eo jibūier etan Jekob ekar wōr juon an baam̧le kileplep eo ekar doom̧ im kwaļok juon laļ. Rekar ņa etaer m̧weo im̧ōn Israel, ak Riisrael ro. Rikanaan ro rekar katakin er n̄an erreim̧aanļo̧k n̄an iien eo Jisōs Kraist enaaj itok.
Jenesis 15:5–6; 17:1–8; Duteronomi 18:15; Aiseia 7:14
Elōn̄ bwebwenato ko ilo Kallim̧ur M̧okta rej kwaļo̧k wāween an Irooj kar kōjparok kallim̧ur ko An n̄an Riisrael ro.
Jenesis 9:13–17; Jeremaia 11:4–5; Hibru 11:1–35
Ke Riisrael ro rekar ron̄jake rikanaan ro im kar kōjparok kien ko, Irooj ekar jipan̄ er. Ke rekar jab pokake, E ekar jab maron̄ jipan̄ er.
Duteronomi 11:26–28; Job 36:11–12
Kwoj m̧ōttan ļo̧k baam̧le eo an Jemedwōj Ilan̄. Jemedwōj Ilan̄ ejouj, im E ej iakwe eok. Ewōr juon an karōk n̄an eok. Kōn Irooj Jisōs Kraist, kwomaron̄ jepļaak im mour ippān Jemedwōj Ilan̄ bar juon alen. Āinwōt kar katakin Riisrael ro, kwomaron̄ kālet n̄an wōr am̧ tōmak ilo Irooj im kōjparok kien ko An.