“Kiin̄ Devid,” Bwebwenato ko jān Kallim̧ur M̧okta (2022)
“Kiin̄ Devid” Bwebwenato ko jān Kallim̧ur M̧okta
1 Samuel 18–19; 31; 2 Samuel 1; 5; 11–12
Kiin̄ Devid
Apan̄ ko an juon kiin̄
Kiin̄ Saul, kiin̄ eo an Israel, eaar bwilōn̄ kōn anjo̧ eo an Devid ņae Golaiat. Saul eaar kōm̧m̧an bwe Devid en ritōl ioon ritariņae ro an.
Devid eaar iakwe Irooj im aolep iien eaar kōņaan kōm̧m̧an ta eo ejim̧we. Armej ro an Israel raar iakwe Devid.
Saul ekar lapļo̧k an ebanban im kar kajjieon̄ in m̧an Devid. Ak Devid eaar ļoor Irooj, im Irooj eaar kōjparok e jān Saul.
RiIsrael ro raar tariņae elōn̄ tariņae ko. Juon raan Saul im ļaddik ro nejin raar mej ilo tariņae. Devid eaar iakwe er im kar lukkuun būrom̧ōj ke eaar jeļā kōn mej eo aer. Kiiō RiIsrael ro rekar aikuji juon kiin̄ kāāl. Irooj eaar kālet Devid bwe en kiin̄. Armej ro rekar m̧ōņōņō.
1 Samuel 31:2–6; 2 Samuel 1:11–12; 5:1–5
Irooj eaar kōjeraam̧m̧an Kiin̄ Devid im kar tōl e. Kōn jipan̄ eo an Irooj, ritariņae ro an Devid raar anjo̧ jān rikōjdāt ro aer.
Juon raan ke Devid en kar etal in tariņae, eaar pād wōt m̧weo im̧ōn. Eaar lo juon kōrā edeeo̧. Etan in Batshiba, im Devid eaar kōņaan m̧areik e. Ak ekar m̧ōj an m̧are ippān Uraia, juon an Devid ritariņae.
Devid eaar kōņaan m̧areik Bathsheba, kōn menin eaar jilkinļo̧k Uraia, ļeo pāleleen n̄an juon tariņae ekauwōtata bwe Uraia en mej.
Tokālik Devid eaar ron̄ ke Uraia ekar mej ilo tariņae. Devid eaar jilkinļo̧k rijerbal ro an n̄an bōktok Batshiba n̄an m̧weeo im̧ōn, im eaar m̧areik e.
Ak Irooj eaar jab m̧ōņōņō kōn ta eo Devid ekar kōm̧m̧ane. Irooj eaar jilkinļo̧k Netan, juon rikanaan, n̄an jiron̄ļo̧k Devid ewi ļap in jerawiwi eo an. Devid ekar ļapļo̧k an būrom̧ōj kōn ta eo eaar kōm̧m̧ane n̄an Uraia im Batshiba. Eaar jar im kar jitlo̧k n̄an jeo̧rļo̧k bōd jān Irooj.