Jenesis 39–41

Josep ilo Ijipt

Juon rikam̧akoko ej erom̧ juon ritōl

Josep kar wia kake n̄an Potipar

Josep kar wia kake āinwōt juon rikam̧akoko n̄an juon em̧m̧aan etan Potipar. Potipar ekar jerbal n̄an Pero, ritōl eo an Ijipt. Potipar ekar kile ke Irooj ekar jipan̄ Josep. Ekar lōke Josep im ekar likūti bwe en eddoiki m̧weo im̧ōn im aolep men ko m̧weien.

Jenesis 39:1–6

Josep ej ba jaab n̄an kōrā eo pāleen Potipar

Kōrā eo pāleen Potipar ekar kōņaan Josep. Ekar kōņaan bwe Josep en rube kien ko an Irooj ippān. Josep ekar ba jaab n̄an e.

Jenesis 39:7–10

Josep ekar ko jān kōrā eo pāleen Potipar

Kōrā eo pāleen Potipar ejab ron̄jake, kōn menin Josep ekar ko. Ekar lukkuun illu ippān Josep.

Jenesis 39:11–12

Kōrā eo pāleen Potipar ej kōnnaan n̄an Potipar

Ekar kwaļo̧k n̄an Potipar jidikin m̧ōttan nuknuk eo an Josep. Ekar riab n̄an Potipar kōn Josep. Potipar ej likūt Josep ilo jikin kalbuuj.

Jenesis 39:13–20

Josep ilo kalbuuj

Josep eto an jako jān baam̧le eo an. Ekar erom̧ juon rikam̧akoko, im kiiō ekar juon rikalbuuj. Ak Irooj ekar jipan̄ e wōt Josep. Josep ekar jab ebweer. Irooj ekar kōjeraam̧m̧an riwaj eo an jikin kalbuuj eo bwe en loe em̧m̧an ko ilo Josep. Riwaj eo ekar jino an lōke e, kōn menin ekar likūt Josep bwe en eddoiki rikalbuuj ro jet.

Jenesis 39:21

Josep ej kōmeļeļeik ettōņak ko an rikalbuuj ro

Josep ekar ioon ruo rikalbuuj, juon rikōmat pilawā im juon rimāit. Rekar jim̧or wōr aer ettōņak ko rekamijak. Kōn kajoor eo an Irooj, Josep ekar kōmeļeļeik ta meļeļein ettōņak ko aer. Ettōņak eo an rimāit eo meļeļein bwe rimāit eo enaaj anemkwoj. Jilu raan tokālik, ekar anemkwoj im maron̄ in jerbal n̄an Pero bar juon alen.

Jenesis 39:22–23; 40:1–21

Pero ellu

Juon raan Pero ekar illu kōn ettōņak ko an. Ejjeļo̧k juon emaron̄ jeļā kar ta meļeļen ettōņak ko an.

Jenesis 41:1–8

rimāit eo ej kōnono ippān Pero

Innām rimāit eo ekar keememej bwe Josep emaron̄ kōmeļeļeik ettōņak ko.

Jenesis 41:9–13

Josep ej kōmeļeļeik ettōņak eo an Pero

Josep ekar diwōj jān kalbuuj n̄an kōmeļeļeik ettōņak ko an Pero. Josep ekar ba bwe ettōņak eo meļeļein bwe Ijipt enaaj wōr jiljilimjuon iiō in an lōn̄ m̧ōn̄ā innām tokālik jiljilimjuon iiō in n̄ūta ilo an jidik wōt ikkan. Josep ekar ba n̄an Pero bwe Ijipt ej aikuj kakkoņ elōn̄ m̧ōn̄ā ilo iiō ko rem̧m̧an.

Jenesis 41:14-36

Josep ej kwaļo̧k n̄an Pero jikin kakkoņ m̧ōn̄ā

Pero ekar jeļā bwe ta eo Josep ekar ba kōn ettōņak eo an ekar m̧ool. Ekar kanemkwoj e jān kalbuuj im ekar kōm̧m̧an bwe Josep en juon ritōl eutiej ilo Ijipt. Ium̧win jiljilimjuon iiō ko, Josep ekar jipan̄ Ijipt kakkoņ elōn̄ m̧ōn̄ā.

Jenesis 41:37–53

armej ro rej em̧m̧akūt ilo Ijipt

N̄ūta eo eaar itok. Ilo iien eo, ejjeļo̧k juon emaron̄ ekkat jabdewōt kain m̧ōn̄ā. Armej rekar ito itak n̄an Ijipt n̄an wia m̧ōn̄ā ko me Josep ekar kakkoņi. Kōn Josep, Ijipt ekar maron̄ kakkoņ eļap m̧ōn̄ā n̄an er im barāinwōt ro jet n̄an mour wōt ilo iien n̄ūta eo.

Jenesis 41:54–57