“Nihimaia,” Bwebwenato ko jān Kallim̧ur M̧okta (2022)
“Nihimaia,” Bwebwenato ko jān Kallim̧ur M̧okta
Nihimaia 1–2; 4; 6
Nihimaia
Bar kalōk oror in Jerusalem
Nihimaia ekar juon Riju eo ekar jokwe ilo Persia. Ekar juon rijerbal an kiin̄ eo me eļap an kar lōke. Juon raan Nihimaia ekar ron̄ ke riJew ro ilo Jerusalem rekar en̄taan. Oror ko me rekar kōjparok Jerusalem rekar jorrāān im rekar bar kalōke. Jerusalem ekar pād ilo kauwōtata. Nihimaia ekar jitlo̧k im jar n̄an bōk jipan̄ eo an Irooj.
Kiin̄ eo ekar kajjitōk ippān Nihimaia etke ekar lukkuun būrom̧ōj. Ekar ba n̄an kiin̄ eo kōn kauwōtata eo ilo Jerusalem. Kiin̄ eo ekkar ba bwe emaron̄ kar jipan̄. Nihimaia ekar kajjitōk bwe en etal n̄an Jerusalem im bar kalōk oror eo. Kiin̄ eo ekar kile Nihimaia bwe en juon ritōl im leļo̧k n̄an e kein jerbal ko me ekar aikuji.
Nihimaia im Riju ro rekar jino bar kalōk oror ko an Jerusalem. Ak rikōjdat ro rekar kōm̧m̧an kōjak kōn er im kajjieon̄ kar kōbōjrak er.
Rikōjdat ro rekar kajjieon̄ aujiidi Nihimaia bwe en em̧akūt jān jikin eo. Ak Nihimaia ekar jab kōņaan em̧akūt. Ekar lōke Irooj. Ekar kōm̧m̧ane juon jerbal eļap.
Nihimaia ekar ba n̄an armej ro an bwe ren jab mijak. Rekar likūt riwaj ro ilo turin oror ko n̄an waj. Riju ro rekar wōnm̧aanļo̧k wōt im kalōk oror eo. Irooj ekar leļo̧k n̄an Riju ro kajoor, im rekar kadedeikļo̧k oror ium̧win 52 raan ko. Jerusalem ekar bar juon alen pād ilo jokne.