“Hegar,” Bwebwenato ko jān Kallim̧ur M̧okta (2022)
“Hegar,” Bwebwenato ko jān Kallim̧ur M̧okta
Hegar
Karōk eo an Irooj n̄an leddik eo Nejin
Hegar ekar juon rijerbal an Serai. Serai ekar bwijwōļā im ekar jab neji. Ekar ba n̄an ļeo pāleen, Ebream, n̄an m̧areik Hegar bwe en maron̄ wōr nejier. Ebream im Hegar rekar m̧are, im ejjab to Hegar ekar pojen lōn̄ nejin.
Hegar im Serai rekar jino aer lej n̄an doon. Hegar ekar kālet bwe en ko n̄an āne jem̧aden.
Ilo an Hegar kar ito itak, ekar jino an lukkuun mōk im maro. Āliktata, ekar itok n̄an juon jikin me elōn̄ dān ie im kakkije ijo.
Irooj ekar jeļā kōn apan̄ ko an Hegar im ekar wōr juon an karōk n̄an jipan̄ e. Ekar jilkinļo̧k juon enjeļ n̄an kajjitōk ippān bwe en bar ro̧o̧l n̄an ippān Ebream im Serai. Ekar kallim̧ur bwe baam̧le eo an Hegar enaaj bwijlep. Ekar ba bwe nin̄nin̄ eo enaaj kar juon ļaddik im bwe ej aikuj etņake Ishmael.
Hegar ekar lōke Irooj im ekar pokake enjeļ eo. Ekar bar ro̧o̧l n̄an ippān Ebream im Serai. Hegar ekar wōr juon nejin nin̄nin̄ ļaddik, im etan kar Ishmael. Hegar ekar jeļā bwe Irooj ekar oņaake e.