“Moses m Jedpānit Brass eo,” Bwebwenato ko jān Kallim̧ur M̧okta (2022)
“Moses m Jedpānit Brass eo,” Bwebwenato ko jān Kallim̧ur M̧okta
Moses im Jedpānit Brass eo
Ekkatak n̄an bōk tōmak ilo Irooj
Ilo an Riisrael ro kar em̧m̧akūt ilo āne jem̧aden, ekkā aer kar meļo̧kļo̧k Irooj im kar ellotaan. Irooj ekar jilkinļo̧k jedpānit ko n̄an jipan̄ er bwe ren ettā im keememej E. Jedpānit ko rekar kij armej ro, im elōn̄ iaan armej ro rekar mej.
Ejjab to armej ro rekar ukweļo̧k. Rekar kajjitōk ippān Moses n̄an jar bwe Irooj en kakoik jedpānit ko. Irooj ekar jab kakoik jedpānit ko. Ak Ekar kōm̧m̧an juon iaļ bwe armej ren jab mej n̄e renaaj kij er.
Irooj ekar ba n̄an Moses n̄an kōm̧m̧an juon jedpānit brass im kōdeppe ilo juon aen ak aļaļ. Ke rekar kij armej ro im rekar kalimjōk jedpānit brass eo, Irooj ekar lo̧mo̧o̧ren er. Irooj ekar jipan̄ Riisrael bwe ren ettā im lōke E.