Kabanata 50
Iba Pang mga Turo sa Huling Hapunan
Sinabi Niya na kung mahal Siya ng mga Apostol, susundin nila ang Kanyang mga utos. Ipinangako Niya sa kanila ang kaloob na Espiritu Santo. Ituturo sa kanila ng Espiritu Santo ang lahat ng kailangan nilang malaman. Ipapaalala ng Espiritu Santo sa mga Apostol ang mga bagay na itinuro sa kanila ni Jesus.
Sabi ni Jesus para Siyang puno ng ubas. Mga disipulo naman Niya ang parang mga sanga ng puno. Tanging isang sangang matibay na nakadugtong sa puno ang magkakaroon ng mabuting bunga.
Nangako si Jesus sa Kanyang mga Apostol na kung ipamumuhay nila ang ebanghelyo, ang ibubunga nila (ng kanilang mga gawa) ay magiging mabuti. Kung hindi nila Siya susundin, magagaya sila sa mga sangang pinutol mula sa puno at hindi nagbunga.
Ipinagdasal ni Jesucristo na magkaisa ang Kanyang mga Apostol. Gusto Niyang turuan nila ang mga tao na maniwala sa Kanya at malaman na mahal sila ng Ama sa Langit.
Pagkatapos ay kumanta ng himno si Jesus at ang mga Apostol at nilisan na ang silid.