Kabanata 43

Muling Binuhay ni Jesus si Lazaro

Jesus visits Lazarus and his sisters, Mary and Martha - ch.43-1

Isang lalaking nagngangalang Lazaro ang nakatira sa Betania kasama ang mga kapatid niyang sina Maria at Marta. Mahal ni Jesus si Lazaro at ang kanyang mga kapatid, at mahal nila si Jesus.

Juan 11:1–2, 5

Lazarus becomes very sick while the Savior is in another town - ch.43-2

Nagkasakit nang malubha si Lazaro. Nasa ibang bayan noon ang Tagapagligtas. Nagpadala ng mensahe sina Maria at Marta sa Kanya na maysakit si Lazaro.

Juan 11:3

The Savior asks His disciples to go with Him to help Lazarus - ch.43-3

Pinasama ng Tagapagligtas ang Kanyang mga disipulo sa Kanya para tulungan si Lazaro. Takot magpunta sa Betania ang mga disipulo. Malapit iyon sa Jerusalem. May ilang tao sa Jerusalem na gustong patayin si Jesus.

Juan 11:6–8, 18

Jesus tells His disciples that Lazarus is dead, but He will bring him back to life - ch.43-4

Sinabi ni Jesus sa Kanyang mga disipulo na patay na si Lazaro. Sabi Niya bubuhayin Niya itong muli. Makakatulong ang himalang ito na malaman ng mga disipulo na Siya ang Tagapagligtas. Nagpunta si Jesus sa Betania. Pagdating Niya roon, apat na araw nang patay si Lazaro.

Juan 11:11–17, 19

Martha tells Jesus that Lazarus would not have died if He had been there - ch.43-5

Sinabi ni Marta kay Jesus na buhay pa sana si Lazaro kung napaaga Siya ng dating. Sabi ni Jesus muling mabubuhay si Lazaro. Tinanong Niya si Marta kung naniniwala siya sa Kanya. Sinabi ni Marta na oo. Alam niya na si Jesus ang Tagapagligtas.

Juan 11:20–27

Mary kneels at Jesus' feet crying - ch.43-6

Iniwan ni Marta si Jesus para sunduin ang kapatid niyang si Maria. Sinalubong din ni Maria si Jesus. Maraming taong sumunod sa kanya. Lumuhod si Maria, na umiiyak, sa paanan ng Tagapagligtas. Umiiyak din ang mga kasama niya. Tinanong ni Jesus kung nasaan ang katawan ni Lazaro.

Juan 11:28–34

Jesus tells the people to move the stone in front of the place where Lazarus is buried - ch.43-7

Nagpunta si Jesus sa kuwebang pinaglibingan kay Lazaro. May malaking batong nakatakip sa harap nito. Ipinaalis Niya sa mga tao ang bato.

Juan 11:38–39

Jesus prays to Heavenly Father - ch.43-8

Tumingin sa langit si Jesus. Pinasalamatan Niya ang Ama sa Langit sa pagdinig sa Kanyang mga dalangin.

Juan 11:41–42

Jesus commands Lazarus to come forth - ch.43-9

Pagkatapos, sa malakas na tinig, pinalabas Niya ng kuweba si Lazaro. Lumabas si Lazaro. Naniwala na ang marami sa mga taong nakakita ng himala na si Jesus ang Tagapagligtas.

Juan 11:43–45