Kabanata 38
Ang Fariseo at ang Publikano
Dalawang lalaki ang nagpunta sa templo para manalangin. Ang isa ay Fariseo. Ang isa naman ay publikano, na maniningil ng buwis. Ayaw ng mga tao sa mga maniningil ng buwis. Inisip nilang hindi tapat ang mga maniningil ng buwis.
Tumayo ang Fariseo sa harap ng iba para manalangin. Pinasalamatan niya ang Diyos na mas mabuti siya kaysa iba. Sinabi niya na dalawang beses siyang nag-aayuno bawat linggo at nagbabayad ng kanyang ikapu. Tumayo sa malayo ang publikano, yumuko, at nanalangin, “Dios, ikaw ay mahabag sa akin, na isang makasalanan.”
Akala ng Fariseo perpekto siya at hindi niya kailangan ang tulong ng Diyos. Pero alam ng publikano na hindi siya perpekto at kailangan niya ang tulong ng Diyos. Mapagkumbaba siya at humingi ng tawad sa Diyos.
Sabi ni Jesus dapat tularan ng mga tao ang publikano. Hindi nila dapat isipin na mas mabuti sila kaysa ibang tao. Dapat silang magsisi sa kanilang mga kasalanan at humingi ng tawad sa Diyos.