Kabanata 32
Pinatotohanan ni Pedro si Cristo
Sumagot ang mga disipulo na inaakala ng ilang tao na si Jesus ay si Juan Bautista. Akala ng iba ay Siya ang propeta sa Lumang tipan na nagbalik mula sa mga patay.
Tinanong ni Jesus sa Kanyang mga disipulo kung sino Siya sa akala nila. Sabi ni Pedro, “Ikaw ang Cristo, ang Anak ng Dios na buhay.”
Ipinaliwanag ni Jesus na ang patotoo ni Pedro ay hindi nagmula sa talino ng tao. Ang kanyang patotoo ay nagmula sa paghahayag ng Diyos.
Nangako si Jesus kay Pedro na bibigyan Niya siya ng priesthood at awtoridad na mamuno sa Kanyang Simbahan. Pagkatapos ay magkakaroon ng awtoridad si Pedro at ang mga disipulo na itatag ang Simbahan ni Jesus sa daigdig.
Sinabi ni Jesus sa Kanyang mga disipulo na huwag munang sabihin kaninuman na Siya ang Cristo. Una kailangan Niyang magdusa, mamatay, at bumangon mula sa mga patay sa ikatlong araw.