Mars 1836

Kirtland-musterið vígt

Finna anda Drottins í húsi hans

Eftir næstum þriggja ára erfiðisvinnu var Kirtland-musterið loks fullgert. Spámaðurinn Joseph bauð hinum heilögu á sérstaka samkomu til að vígja musterið. Hann myndi flytja sérstaka bæn og gefa Drottni musterið. Það átti eftir að verða heilagt hús Drottins.

Heilagir, 1:235

Árla að morgni samkomunnar fjölmenntu hundruð heilagra í musterið. Þegar öll sætin voru fyllt, stóð fólk í dyragættinni og fyrir utan og horfði inn um gluggana. Allir hlökkuðu til að sjá musterið vígt.

Heilagir, 1:235–36

Joseph las bæn til að vígja musterið. Hann sagði Drottni að hinir heilögu hefðu hlýtt honum. Hann bað Drottin að taka á móti musterinu sem húsi sínu.

Kenning og sáttmálar 109:1–5

Joseph bað þess að allir sem kæmu í musterið myndu finna kraft Drottins og vita að þetta væri hús hans.

Kenning og sáttmálar 109:13

Joseph bað þess einnig að hinir heilögu mættu iðrast undireins þegar þeir syndguðu. Hann bað Drottin að gefa þeim kraft til að miðla fagnaðarerindi hans um allan heim. Eftir bænina, söng kór nýjan söng sem heitir „Guðs andi.“ Fólkið var fyllt gleði. Það stóð upp og lofaði Drottin.

Kenning og sáttmálar 109:21–32; Sálmar, nr. 2; Heilagir, 1:237

Þennan dag sáu margir engla í musterinu. Þau sáu bjart ljós koma af himni yfir musterið. Sumir sögðu það hafa litið út eins og ský; aðrir sögðu að það hefði litið út eins og eldur. Þeim fannst öllum musterið vera heilagur staður. Það var sannlega nú hús Drottins.

Heilagir, 1:237