Bwa A na Katiteuanaaki i Nanora
Ti na aki kona ni katiteuanaaki ma te Atua ao Kristo ni karokoa ti karaoi nanoia ao kukurei nanoia ma mamaten nanon.
Ngke e a kaan toki Ana mwakuri n te maiu aei, e ataaki “bwa e a roko ana tai” (Ioane 13:1), E ikotiia Ana Abotoro Iesu n te ruu are ieta i Ierutarem. Imwiin amwarakeia n te tairiki ao imwiin tebokani waeia ao reireinaia irouna, E anga te Tataro ni Bubuti ibukia Abotoro aikai ao ibukia ake a kakoauaa. E bubutiia te Tama n taeka aikai:
“I tataro tiaki ti ibukiia naakai, ma I tataro naba i bukiia naake a na kakoauaai n aia taeka;
“Bwa a na katiteuanaaki; bwa ko mena inanou, Tamau, ao Ngai inanom, bwa ana katiteuanaaki naba inanora: bwa e aonga te aonaaba ni kakoauaa bwa ko a tia ni kanakoai.
“Ao te mimitong are ko a tia n anganai I a tia n anganiia; bwa a na katiteuanaaki, ngkai ti katiteuanaaki:
“I mena inanoia, ao kam mena inanou, bwa a na kakororaoaki ni katiteuanaaki” (Ioane 17:20–23).
Moan te mimitong iangoana bwa ti a tia ni kaoaki nakon te katiteuanaaki ae kororaoi anne are e maiu ma te Tama ao te Nati. E na kanga n riki aei?
Ni iangoan te titiraki aei, e oota raoi bwa ti riai ni moanna ni katiteuanaaki. Bon aomata ngaira ni kauoman aika iai irikora ao tamneira ao n tabetai ti namakina te aki inanoi ke te kaiangatoa. E anganaki tamneira te wanawana man mataniwiin nanora, ao ootan Kristo (tara Moronaai 7:16; tara D&C 93:2), ao e kona ni kaeka nakon ana wirikiriki te Tamnei ae Raoiroi ma n tangiria ni ira te koaua. Ma baika e tangiri te rabwata ao te kaririaki ake kaeineti nakon te rabwata, ngkana e kariaiakaki, e rootaki ao tauataekan te tamnei. E taku Bwauro:
“I kunea te tua, bwa, ngkana I karaoa ae raoiroi, te buakaka e mena irou.
“I kukurei n ana tua te Atua are e kaeineti nakon te aomata:
“Ma I te tua riki teuana irouia au koraki, ni buakana tuan te iango, ma n kairai Enoora nakon te kabaeaki n tuan te bure are e mena inanoia au koraki” (I-Rom 7:21–23).
E kaota te namakin ae ti arona Nibwaai:
“E eekanako raoiroin te Uea ae kakannato, ni kaotan ana mwakuri nakoiu ae raoiroi, e miimi nanou: Bon te mwaane ae kaawa ngai! Eng e nanokawaki nanou ibukin irikou tamneiu e nanokawaki ibukin au bure nako.
“I otabwaniniaki iai, ibukin te kariri ao te bure are e karika te kanganga nakoiu” (2 Nibwaai 4:17–18).
Ma imwiin, I uringa te Tia Kamaiu, E taekin taeka aikai Nibwaai n ana kabanea n taeka: “E ngae n anne, ma I ataa ae N na mwiokoia” (2 Nibwaai 4:19). Tera ae nanonna?
Iesu bon te aomata naba ae iai irikona ao te tamnei, ma e aki reke n te kaririaki (tara Motiaea 15:5). Ti kona n taraia ngkai ti ukoukora te katiteuanaaki ao te rau inanora ibukina bwa e ataia. E ataa naba te ikakorakora, ao e ataia naba bwa ti na kanga n tokanikai iaon te ikakorakora. N aron are e taku Bwauro, “Akea ara ibonga ae rietata are e aki n namakin are kaairua; ma e tara ni kaririaki naba n ai arora; ma e aki bure” (Ebera 4:15).
Moan te kakawaki, bwa ti riai n taraa Iesu bwa e na buoka ni kaoka te katiteuanaaki n te nano ae na kairiira nakon te bure ma n urua ara rau. Imwiin ana tataro ni bubuti bwa ti na “kororaoi ni katiteuanaaki,” e kammarakaki Iesu ao e anga maiuna ibukin ara bure. Mwaakan Ana mwakuri ni kamaiu e kona ni kamaunai ara bure. Ngkana ti rairi nanora, Ana mwakuri ni kamaiu n nanoanga e na karaoiroira ao e na kaitiakiira (tara 3 Nibwaai 27:16–20). Ti tebo ma tiaki mate, n te aro ti tabo ma tiaki reke n te kaririaki.
Ngkana ti tokanikai n te bong teuana ao teuana ao n te wiiki teuana ao teuana ngkana ti toua kawain Kristo, a na iai te katiteuanaaki i marenaran bwain tamnei ao bwain te rabwata ni karokoa a oneaki rabwatara, n aron ana taeka Bwauro, bwa man “bwaai aika buakaka nakon te bure” ao “bwaai aika raoiroi nakon te Atua” (tara I-Rom 6:13).
Te Katiteuanaaki iroura e katauraoira nakon kakabwaia aika a kakannato riki ibukin te katiteuanaaki ma te Atua ao Kristo.
E karekea te katiteuanaaki Iesu ae kororaoi ma te Tama man kananorinanoana, te rabwata ao te tamnei, nakon ana kaantaninga te Tama. Ana mwakuri e nakoraoi ibukina bwa iango aika a aki boraoi ma nanon te Atua a katabetabea ana iango. E taku Iesu nakon Tamana, “I karaoi bwaai akanne n taainako ake e kukurei iai nanona” (Ioane 8:29).
E anga rabwatana Iesu nakon te mate ibukin ana kantaninga te Tama, “e ongaki ana kaantaninga te Nati n ana kaantaninga te Tama” (Motiaea 15:7).
Eng bon tiaki te bwai ae uarereke te bwai aei. Te karawawataaki anne, e taku, “e karika te maraki n rabwatau, ao te Atua, ae kabanean te korakora ibuakon bwaai nako, e ruru ibukin te maraki, ao e timtim raraana mani bwangabwangan kunna, ao e rootaki rabwatana ao tamneina—ngke ngai anne N na bon aki mooi n te mwangko ae mao, man koninin—
“E ngae n anne, e na neboaki te Tama, ao I a tia ni karaoa au katauraoi nakoia natiia aomata” (tara D&C 19:18–19).
Kiibu n taeka aikai a kaota ana iango ni kabane te Tia Kamaiu n neboa te Tama. Te Tama “inanon” te Nati ao ai arona naba bwa neboan te Tama ao nanon te Tama bon ana mwakuri ni kabane te Nati.
I nanon te kabanea n amwarake ma ana abotoro, e taku te Tia Kamaiu:
“Bon ngai te wain ni koaua, ao my Father is the husbandman.Tamau bon te tia ununiku.
“Mwanga ake aki kariki uaa e koroi ao e tewenakoi: ao mwaanga ake a kariki uaa e kawakini bwa aonga ni kariki uaa aika bati riki” (Ioane 15:1–2).
Tera ae na reke ngkana a tararuaki mwaanga, tera te anganano ae na karaoaki ti aki kona n ataia ni waetata. Ma ngkana ti titirakina te tia tautaeka ae te kairake, “Tera ae e akea irou?” (Mataio 19:20), ana kaeka te Tia Kamaiu a na bon akea te okoro: “Nakomai ao iriirai” (Mataio 19:21); riiki bwa au abotoro ngkai ngai ana abotoro te Tama; riiki “bwa te ataei, ae nanorinano, nimamannei, taotaonan nano, oon te tangira, kukurei n anga nako bwaai ni kabane ake e noria te uea bwa e raoiroi [nakoim]” (Motiaea 3:19).
Beretitenti Brigham Young e taetae ma te wanawana ibukin ara kangaanga ngke e taku:
“Imwiin taekinan ao nooran bwaai ake a tia ni karaoaki, imwiin are E a tia ni kairiia aomata aikai i nanon te tai ae maan, ko noria ke ko aki bwa iai te aki koaua raoi ibukin Atuara? Kam kona n nooria iroumi? Kam kona n titiraki, ‘Te Tari Buringham, ko nooria?’ I karaoia, I kona n nooria bwa akea te aki nanououa iroun are I mwiokoia.—Bukin tera? Ibukina bwa akea te mwaaka irou, ao ibukin aei are e reke te bwaka irou… .
“… Iai te bwai ae waerake inanou, n taai tabetai, bwa … e katika te rain n tibwa tibwa imarenan kukureiu ao kukurein Tamau are i Karawa; te bwai ae karika kukurein nanou ao nanon Tamara are i Karawa.
“… Ti riai n namakinna ao n ataia, n aron ae e riai, n aron bwakaia ara aomata ake a bwaka n aron are ti kona ni karekea te onimaki ao rabakau n oota iai, bwa kukurein bwa kukurein te Atua are ti toro irouna bon kukureira, ao akea riki, akea n te tai aei ao n te tai ae na roko” (Deseret News, 10 Tebetembwa 1856, 212).
E koaua tiaki kona ni katiteuanaki ma te Atua ao Kristo ni karokoa ti karaoa Nanoia ao te bwai ae a na kukurei iai. Ngkana e aki reke te aeka nanorinano aei rinanon te Tamnei ae Raoiroi, te Uea e na reireinira ngkana ti kukurei. E na mena i nanora n ai aron te Tama ngkai e mena inanona. N taai tabetai I ruru ibukin iangoan te bwai are e tangiraki, ma I ataia bwa e ti reke man te katiteuanaaki are e na reke iai te kukurei ae bwanin. I rangi ni kaaitau ngkai I kaoaki bwa N na roko ma aomata aika tabu ake I taromauriia n aron bon Tamau are i Karawa ao te Tia Kamaiu.
Ke ongo ana tataro te Tia Kamaiu te Atua ma ni kairiira ni katiteuanaira May God ma Ngaiia bon au tataro, n aran Iesu Kristo, amen.