Weteaki iroun te Atua
Bon te Uea ae e na kairiko n te kaotioti n aron naba are E weteiko iai. Ko na riai n bubuti ma te onimaki te kaotioti ibukin baike ko na karaoi.
Tabeua te tai n nako, temanna te teinimwane ae I aki kinaa e roko nakoiu n te tabo ae kanga e maiti aomata iai. E taku nakoiu ma te karaurau ao ma angin nanona: “Te unimwane ae Eyring, I a tibwa weteaki bwa te beretitenti n au Kai ni Mwane. Tera am taeka ni kaunga nakoiu?” I ata te bwai ae kainannoia ao E ataia ae I kai kona n anganna naba ikekei, ma aomata aika a waekoa n riirirakira. Ao I taku, “I a anganiko au reirei n tain te Maungatabu ni Kabuta.”
Te teinimanwane arei tiaki ti ngaia n tangira buokana. Iranga kain te Ekaretia aika a weteaki nakon te beku ni katoa wiiki n te aonnaba. A rang ni kakaokoro aron aia mwakuri ao ai arona naba ma aomata ake a weteaki. Ngkana ngkoe are ko weteiia, ko reiakiniia, ke ko tabe ibukiia, aikai tabeua bwaai aika ko na riai n atai ibukin buokan rikirakeia.
Ko na iangoia moa ae Ko na anganiia te boki ni kairiri, booki ibukin te anga reirei, ke rekooti ake a riai ni kawakin. Ko na anganiia naba tain ao taabo ake ana kaei iai aia bowi ao ko tuangiia aroia ngkana ko noora te raraoma ni mataia.
Ko noria, e ngae ngke kain te aro ake a boou a kona ni iangoia ae te weteaki nakon te mwakuri bon te bwai ae nako mai nanom. Bon man ara anganano nakon te Mataniwi ao ni kawakinan Ana tua nako ake ti a monna ni kinaa iai. N tain, rinanon te mwaaka n te Mwakuri ni Kamaiu, nanora a bitaki ao tia riki n aekana. Ma iai riki kawaina ae raoiroi ni buokaia ake a weteaki nakon are a kabwarabwaraaki bwa tera ae karaoia.
Tera ae a kainanoia, n ae bon raka riki nakon te kan reieinaki aron aia beku, bwa norana n aia onimaki tera ae kananonaaki ni weteara nakon te beku n ana Ekaretia Iesu Kristo ae manga kaokaki. Aio abanuean te Atua i aon te aonnaba. I bukina bwa e taua te mwaaka n riaoiia taian kakatai are a kona ni kabaei aomata. Ao bon te mwaaka ae e na nakoimi aon te onimaki are tiaki naba,a Bon Abanuean Te Atua iaon te aonnaba. Ao ibukin anne ao iai te mwaaka i bukiia ake a weteaki bwa a na ibuobuoki ma ngaia.
Ngaia are, nakoia nikabane mwaane, aine, te aine, ke te mwane—ake a tia na weteki ao ake a nang weteaki, N angani ngkami au reirei. Iai bwaai a e kam riai n atai bwa a koaua. N na kataia n taekini baikai. Ti te Uea rinanon te Tamnei ae Raoiroi ae kona ni katukui taeka aika aikai inanomi. Aikanne naake nna:
Temoan bwai, Ko katabeaki iroun te Atua. Te atua E kinako. E ata antai ae tau n taui nakoa n ana Ekaretia. E rineiko. E atia ni katauraoa te kawai bwa e na weteiko. E kaoki kingin te nakoanibonga nakon Iotebwa Timiti. Kiing akanne e bwaatinaki rikaaki ni karokoa Beretitenti Hinckley. Rinanon kiing akanne, taani kairiri n te nakonibonga tabeman a rineaki bwa ana tararuai te titeiki uote, mwakoro ao mwanga. Rinanon king akanne te Uea e weteiko. Kiinga akanne a uota te kaotioti. Ao te kaotioti e roko bwa boon te tataro. Teauare e anga aram bwa ko na weteaki e aki rineia bwa e tatangiriko ke E tangira temanna bwa e na karaoa te beku aio. A tataro ao a namakinna ae ngkoe ae Ko tau ibukin te nakoa aio.
Are weteiko e aki takina baina nakoim ibukina bwa e reiakinna ae man te marooro ma ngkoe are e na kororaoi ao n tauraoi ni ibuobuoki. E tataro ni kakaea nanon te Uea ibukim. Bon te tataro ao te kaotioti nakoia ake a anganaki te kariaia iroun te Uea are uoti nako ikai. Weteam bon katotongan oin te mwaaka are e reke n tii ana ekaretia te Uea. Aine ao Mwane a weteaki iroun te Atua n te taetae ni burabeti ao n te katokabai irouia ake atia ni kariaikaki iroun te Atua.
Ko weteaki bwa Ko na riki ae kan te Tia Kamaiu. Bwanaam ni kaotioti ai bon bwanana naba, baim n boutaka ai bon baina naba ni boutoka. Ana mwakuri bon kakabwaia natin Tamana ake tamnei ma angankiia aia tai n rinea te Maiu ae Akea Tokina. Ngaia are, weteam ibukin kakabwaiaaia aomata. Aio e na otara n am beku ake karaoi ao n taai ake ko karaoi iai bwaai ke aaki irekereke ma weteam. Man ti wingarem ke n am kan buokiia aomata ae ena karikirakeia aia onimaki. Ao, ko kona ni mwaninga bwa antai ngkoe, n aron taetaem ma aroarom e kona naba n ura aia onimaki.
Weteam aio iai mwina ae akea tokina ibukim ao ibukiia raom.N te aonnaba ae na roko, ngaa aomata ana araniko bwa Ko kabwaia, are e riaon riki are ko a tia ni beku ibukiia. Bon aia bakatibu ao kanaoia naake a tia n rinea te Maiu ae Aki Totoki, bwa mwiin am taeka, te baere ko karaoia, bon i bukin arom. Ngkana temanna E aki butimwaea ana kakao te Tia kamaiu, ibukina bwa ko aki karaoa baike ko na riai ni karaoi ibukiia, ao rawawataia e na turiko. Ko nooria, akea wewete aika aki rang ni bongana iroun te Uea. Weteam bon te amo ae rawata. Ma Ko na aki maaku, ibukina bwa weteam ao a airi naba ma berita aika bati.
Teuana mai buakon taian berita bon te kauoua ni bwai ae ko riai n ataia. Bon te Uea ae e na kairiko n te kaotioti n aron naba are E weteiko iai. Ko na riai n bubuti ma te onimaki te kaotioti ibukin baike ko na karaoi. Teauna te berita ni weteam bon kaekaan ni kabane am bubuti. Ma te kaawakin anne e na roko ti ngkana te Uea e ataia ba ko na ongo iai. N ataakin nanona ao ko na kabanea am tai iai. Taeka aika “Nanom E na Karaoaki,” are bon mataraoan reken te kaotioti.
Rekena e roko rinanon te Tamnei ae Raoiroi. Ko na kainanoa te kairiri aio n taai nako. Te aro bwa e na reke te Tamnei ae Raoiroi bwa raom, ko na riai ni itiaki, kaitiakaki an ana Mwakuri ni Kamaiu Iesu Kuristo. Ngaia are, ongeabami nakon taian tua, nanom ni kan karaoa Ana kantaninga, ao am titiraki ma te onimaki e na bairea aron kairam iroun te Mataniwi are anganga boon taian tataro.
N tabetai kaekan ara tataro a reke ngakana ti kamatenanoi booki aika tabu. Kanoana bon taekan ana makuri iaon te aba ao kairiri nakoia ake e kairia. Iai reirei inanoia aika a kaineti naba nakoira n taai aikai. Rinanoan booki aika a tabu ena kariko nakon tabekan titiraki aika eti rinanon te tataro. Ao n aron naba are e kaukaki karawa nakon Ioteba Timiti imwin rinanon boki aika tabu irouna, Te Atua e na kaekai ara titiraki ao e na kairiko.
Te kateniua ae kona ataia; Bukina ba te Atua e weteiko ao e na kairiko, e na anganiko naba te rabakau. Ko na kainnanoa te rabakau aio. Ni weteam ao iai totoko aika ko aitara ma ngaai. Ma ngkoe ana bai te mataniwi. Ngkoe te tia tei ibukina. Te maiu ae akea tokina e na reke mairoum. E kaitarai kanganga ao E taku bwa kaitaraakin kangaanga bon uana naba ma naake E weteia. Kanganga aika reke b’a kamangaoan am makuri ma bon kataakira. Te abotoro Bauro e kab’arab’ara aio n te anga aio: “Bwa tiaki kaunrabwata ma te iriko ma te rara, ma nakoia taan tautaeka, tenaan mwaaka, ni kaitaraia taan taua mwin te aonnaba n roo aio.”1
Iai taai ae ko namakina korakoran te makuri, ma ibuakon te anga ae konaa ni karekea te b’arannano bon te namakin are ko aki tau. Ngaia, ko aki tau n tei ibukin te Atua n ti ni m’akam. Ma iai buokan are kona n anganiko te korakora riki.
Te Uea e na kauaana te baere ko taekinna ao te baere ko karaoia imataia aomata ake ko beku ibukiia. E na kanakoa te Tamnei ae Raoiroi ba ena kaotia b’a te baere ko taekinna e koaua. Te baere ko taekinna ao ko karaoia e na kaira mauia aomata nakon aon aia kona. Te kakai aio bon te Ekaretia inanon boong nako. Kakai a rereke ba irian am beku n te aro are ko aki tabe iai.
Te tai are bane iai am tai ena anganiko reiakinam ae bati. N te bong are I kamotirawaki man te nakoa ni bitiobu, temanna kain au uoote e roko n au auti ao e taku: “I ataia ae koaki bitiobu ma I kona n taetae ma ngkoe teuana te tai riki? Ko atia n anganganai reirei aika a raroi. Te bitiobu ae boou e aki kinaai n ai aron kinaakiu iroum. Ti kona n ti maroro riki teuana te tai?”
I kariaia ma aki kukurein nanou. Ngaia are e a tekateka teuae ni kaitaraai. Kanga aekan te maroro are i kakaraoia n te uoote n motikan taekaia natin Iteraera. E moanaki ara maroro. E a roko te tai are ea kainnanoaki au iango. I tataninga ma akea te iango, te taeka ke te namakin ae roko nakoiu n aron taai ake ngkekei.
Akea te bwai ae roko. Inanou ao na au iango bon ti te mabu. Imwin tabeua te tai, I a taku: “Kab’ara au bure. I rang ni butimaaea onimakinau iroum ma I kaotia ma te nanokawaki b’a I aaki kona ni buokiko.”
Ngkana ko a motirawa man weteam,kona ataa te bwai ae reke irou ngkai. Te Atua e buokia nake e weteia. E weteia e ngae ngke e tara n ae uarereke ke e aki tau te ibuobuoki. Ko na bon karekea te bwai n tangira ni kakaean am ibuobuoki ae tamaroa. Anga am kakaitau ngkai iai weteam ngkai. Ko na bon butimwaea bonganana ae raoiroi riki nakon ane ko kona ni iangoia ngkana e a nako mai iroum.
Te Uea e aki ti karikirakea korakoram. E na bon mwakuri ma ngkoe Ngaia. Bwanana nakoia aman mitinare, rinanon te Burabeti Ioteba Timiti ni karaoan te tabe ae rawawata, e anga te ungannano nakoia ake a weteaki ni Ueana: “Ao ngai N na nako ma ngaiia ao N na mena i buakoia, ao N na riki bwa aia tia ibuobuoki nakon te te Tama ao akea te bwai ae konaa n tukiia.”2
I bukina bwa te Te Tia Kamaiu bon te rabwata ae e a tia ni manga uti ao ae mimitong. E bon aki memena ma Ana toro nikabane ni katoaa te tai. Ma, E atai mwiia ana tabonibai ma aia kanganga nako ao e kona ni buokia ni mwakana. Anne bukin ae kona ni berita nakoim: “Ao are butimwaiko, I mena naba ikekei, ba N na ririmoam. I mena i angataim ao ianga maingim, ao tamneiu e na mena i nanomi ao au anera ana uotikorake.”3
Iai riki te anga ae E na karikirakeko iai te Uea man karaoan am beku. N tabetai ko namakina ae ko aaki kona moan tabem. E a rang taotira. Ko raraomaeakina kabanean am tai ma am utu. Ko na mitaraia ba e na kanga reke korakoram ao am tai ni kakoroi bukin baikai. Kona manga bon nanokawaki ke ni b’ara nanom e ngae ngkana a bane raoi tabem aikai. E rereke naba aio nakoiu. N na tuangko te bwai ae I reiakinna.
Bon aio arona: Ngkana I iangoi nakorain au mwakuri, nanokawaki e na raka. Ma ngkana I taku ae Uea e berita b’a mwakana e na mena irou, I taraia ngkanne b’a teraa ae e riki ni maiuia ake I beku ibukiia. I tataro bwa N na nora Mwaakana ae kakai ma matau aikai.
Ngkanne, I a uringia aomata ake I a tia ni buokiia. I uringa naba matan temanna te tei ae I buokia ranin matam teteininnaine temanna ni kukurei n te reirei n tabati, Ke katokan te kanganga imwain are I roko iai. I ataia ngkanne ba Ia tia ni karaoa ae tau ibukin manga kakoroan riki nanon ana berita Iotebwa Timiti: “Ti na riai ni karaoi ma te kukurei b’ai ake ti konai ni karaoi ao ngkanne ti na kona ni motirawa ao n nora ana mwakuri ni kamaiu te Atua, ae e na oti ni baina.”4
E na rau nanom n ataia ae mwakam e na karakaaki iroun te Uea. Tii ae kainnanoia bon am kabanea ni konaa ao nanom ni kabane. Karaoia ma te kukurei ao te tataro n onimaki. Te tama ao te Nati ae tangiraki ana kanakoa te Tamnei ae Raoiroi b’a e na kairiko. E na oti am kekeiaki man maiuia ake ko beku ibukiia. Ao ngkana ko tarai taai ni beku aika kanganga, te anganano are ko karaoia e na reke ba te kakab’aia ao ko na ataia ae ko a tia n nora mwakan te Atua ba e tabekiia ake ko beku ibukia ao e tabekiko naba.
I ataia bwa te Atua te Tama e maiu. E ongo ao e kaekai ara tataro. Ake ti karaoa ara mwakuri ni ibuobuoki nakoia bon Natina aika tamnei. Aio bon ana Ekaretia ae koaua Iesu Kristo. Bon tii man arana ae ti na rinanona ngaira aika natin te Tama ake a kona ni katabuaki ao ni karekea te maiu are akea tokina. Kiingin te nakoanibonga a bon kakamwakuraki i roun Ana Burabeti te Uea ae maiu, ae Gordon B. Hinckley.
I kakoaua bwa e maiu te Tia Kamaiu ao e e kaira Ana Ekaretia ae Maiu. I ata anne. Bon ngai ana tia kakoaua i bukin ao n Arona nako. E noori ao man butimwaai ami mwakuri n onimaki n te mwakuri are E weteiko nako iai.
N aran Iesu Kristo, amen.