Te Unimwaane ae Daryl H. Garn
Man te Itingaun

Ngke e mitinare Daryl H. Garn i Western Canada, ana beretitenti n te mition e karaoa te kakawari nakon ana aono. Te Unimwaane ae Garn e aki bati n nonora te beretitenti n te mition i bukina bwa e rangi ni buburakaei te mition ngaia are bon aio te tai ae onoti nakoina.

“Ngke e a kaina ana koaua teuae Beretitenti Arave, ao e taku bwa e atai riki bwaai aikai nakon ataakin bwaai tabeua,” e uringnga raoi te Unimwaane ae Garn, “ao e kakoaua te Tamnei n au iango—bwa ko aki kona n atai bwaai ib ukin te Tamnei naba ke e raoiroi riki nakon are ko atai bwaai nako.”

I nanon te bong arei, te Unimwaane ae Garn kamatoaki n Okitobwa bwa kaan te Kauoua ni Kooram n te Itingaun, e a tia naba ni maiuakina koauan ana koaua te beretitenti n ana mition n te tai ae okioki. E taekini ririki ake i mwiina ngke e tekateka n te maungatabu n te titeiki i Ohio ao e wirikiriki te tamnei bwa e na weteaki nakon nakon te nakoa ni bitiobiriki n ana uote. E a tia naba ni rin n te reirei i bukin te wi n tii i nanon uoua te wiiki, ma i mwaain ae bane ana bong, te Beretitenti ae Spencer W. Kimball (1895–1985), ao ngkanne e a manga kaaina te Kooram n te Tengaun ma Uoman, e a karaoa weteana bwa e na kakannato.

“Te Unimwaane ae Kimball e taku, ‘Tariu ae Garn, e a tia ni weteiko te uea nakon te tabo aio, ao ngkana ko karimoai bwaai, E na bon kakabwaiako,’ ” Te Unimwaane ae Garn e uringnga. E namakinna bwa ngkana e karaoa ana mwakuri ma te wanawana i nanon wetean—ni ikotaki ma te bitiobi, te beretitenti n te titeiki, te beretitenti i rouiia Ataeinimwaane aika Kairake, te kauntira a rietaata, ao te Mataniwi n te Aono n te Itingaun—e a tia ni kamatoaaki n arona nikabane ni maiuna.

Kainnabana, Irene, e rangi ni tatauraoi n anga nanona ni kaakarimoa ana Uea, ao e kaeka weteana nikabane—riiki n aron anne ni ibuobuoki n te mweenga ke ni kaira te uote—ma te bobooraraoi, “Bon anne te bwai ae I tangiria bwa N na karaoia!”

Te Unimwaane ae Garn e bungiaki n 28 n Ritembwa n 1938 i Tremonton, Utah, nako Uel ao Lolita Hodges Garn. E marea Nei Irene Hall n 19 Ritembwa 1961 n te Logan Utah Tembora. Iai natiia aika onoman ao 19 tibuia. A karikirakeiia aia utu i Mesa, Arizona.