Susan Winder Tanner
Te Beretitenti n Aia Botaki ae Kabuta Aine Aika Kairake

N tia ni mwakuri ni kauoua n te uote ao n tia n tiaia kain te titeiki n te Moanrinan, Aine aika Kairake, ao Aia Bootaki Aine, Susan W. Tanner e noori irekereke i marenan taian rabwata aika bubura.

“E reikina ae ‘Ngai natin te Atua.’ te ataeinnaine ae uarereke. Ao anne are e uotiia nakon ae ‘Ngaira bon natin te Atua aika aine, are e tangiriira, ao ti bon tangiriia.’ I mwiina ea roko n are ‘Te tangira ae Itiaki e aki kona ni bwaka,’ ao ti namakinna bwa te tangira e ramwaneira,” e taku. “I taku bwa iai te katiteuanaaki ae tamaroa ni mwaneka aikai n tatabemaniia, ma te taratara ae rababa ao te konabwai n aron ae tabe ni rikirake.”

Ngkai e a tibwa weteaki nakon te beretitenti ni kabuta n aia bootaki Aine aika Kairake, Te tari te aine ae Tanner e namakina ae e kairoroaki i bukin buokaia aine aika a kairake n ota ni nneia n ana babaire Tamara are i Karawa.

Bungiaki n 10 Tianuare 1953 i Granger, Utah, nakon Richard W. ao Barbara Woodhead Winder, te tari te aine ae Tanner e ikawai rake n te tabo ni man ae bubura. E a karekea ana beeba ae rietaata i mwiina man te reirei ae rietaata Brigham Young University, ike e a kaitibo ma John S. Tanner. A mareaki i Salt Lake Tembora n 3 Tebetembwa 1974. Te tari te aine ae Tanner e riki bwa te tia beeku n te mweenga ao te tia reirei n te biano. Te utu ae te Tanner e maeka i Provo, Utah, ao a karekea niman natiia ao teniman tibuia.

I nanon aia tai ana karo ni maeka i Brazil, ike e tia reirei iai buuna n te tabo ae tatabeakinia ataei i bukin roonakiia, te tari te aine ae Tanner e kaina te burokuraem n aia bootaki Aine aika Kairake. Natina aine aika karimoa a reiakina ana boto ni iango aia bootaki n Aine aika Kairake i Portuguese. “I tangiria n reiakinna ma ngaia,” e taku. “Ao ngke I a moana au kamatebwai n te boto ni iango, e inako te rongorongo arei i nanou. Boni ngai natin te Tama are i Karawa te aine, ao E tangirai. Ao i bukina bwa I ata aio, I tangiria naba ao I kan kaota au mwakuri ae I tangiria.

“Te rongorongo aio e bon mena naba n aia boto ni iango ae baireaki raoi kaain te Botaki n Aine aika Kairake,” e reitianako. “I ti tangiria kain te botaki n Aine aika Kairake n te Ekaretia aio bwa a na kona n ataia bwa aio bon karekean boton aia koaua, aia mwakuri, ao maiuiia.”