Julie Bangerter Beck
Moan Kauntira, te Beretitentii ni Kabuta n Aia Bootaki Kairake n Ataeinnaine

Ti na bane n roko ma te kawai i bukin buokaia ataei n reiakinna bwa a na kanga ni mwakuri,” e taku te tari ae Julie B. Beck, te moan kauntira ae tibwa kamatoaki bwa n te beretitentii ni kabuta n aia bootaki Aine aika Kairake. “Akea ara tabo ni man, mangaia are a aki kona ni kati rani maman taian kao.”

N aron ae oin natina ni kateniman a reiakina aron katangakin te biano, te tari te aine ae Beck e reiakina te mwakuri ae kakukurei ao mwakuri ni ibuobuoki man ikawarakena i nanon nuukan tengaun ma temanna natina. E bungiaki n 29 Tebetembwa 1954 nako William Grant and Geraldine Hamblin Bangerter, te tari te aine ae Beck e ikawai rake i Granger, Utah, ao i São Paulo, Brazil, ike tamana bon te beretienti n te mition.

E angabeeba man te reirei ae rietaata ae te Brigham Young University ma ana beeba ae rietaata n utun te tiaenti. N 28 Ritembwa 1973 e mare nakon Ramon P. Beck n te Tembora i Salt Lake. A maeka i Alpine, Utah, ao a karekea uoman natiia aine, temanna natiia te mwaane, ao teniman tibuia. Te tari te aine ae Beck bon mamaten nanon neiei bon te tatakakaro ma ana utu. “Natira a bon raoraora aika a rangi n rianako tamaroaia,” e taku.

Te tari te aine ae Beck bon iai weteana n aia Bootaki Aine ae mwaiti ao n aia Bootaki Aine aika Kairake, ma iai nnena ae okoro n aia Bootaki Aine aika Kairake n te Ekaretia ao ni kaina te tabe n te mwiokoaki ao te mwakuri n takakaro ni karikirakean te tamnei.

“I teimatoa ni karekea te reeben ae ituaki n tabon angan au kunnikai,” e taku te tari te aine ae Beck, n taekina ana burokuraem te Ekaretia man ana roronrikirake. “I rangi n unga ni mwakuriia kaniwanga ake a karekeaki man aia Botaki Aine aika Kairake.”

E uota te anua ni kakukurei anne nakon an burokuraem te Ekaretia ae e bwainaki ngkai i bukiia aine aika kairake—Ana Kekeiaki Temanna. E karaoa ana mwakuri ni ibuobuoki n ana baba n tararua aia Bootaki Aine aika Kairake ae kabuta ao ni mwakuri i aon te burokuraem i bukin ana Kekeiaki Temanna.

“I taku bwa te Kekeiaki i roun Temanna e na buoka te aine ae kairake n ota ao ni kataneiaia ni kawakinan ana berita,” e taku te tari te aine ae Beck. “Ao I kakoaua bwa ngkana e kona n ota ao man kawakina ana berita i bukin te bwabetito, e na bon tatauraoi naba ni karaoi ao ni kawakini taian berita n te tembora.”