Te Unimwaane ae Craig C. Christensen
Man te Itingaun

Iai ana kibu ni koora ara utu are e karekea man Aramwa 32:28—TE KORAA—Mwakuri ni kamarurungan te Tamnei ni Katoa Bong,” e taku te Unimwaane ae Craig C. Christensen, are e a tia naba ni kamatoaaki bwa kaain te Kauoman ni Kooram n te Itingaun.

Te mwakuri ni kamarurung bon iteran maiun te Unimwaane ae Christensen ae moan te bubura. N ai aron te utu ae moan baan te mwamwakuri, ao ni kukurei naba n te tebo ngaiia ma aia utu n aia tai ni kamwaewe, te Unimwaane ae Christensen, buuna, Debora, ao aman natiia ake a kakarekea aia kamarurungan tamneia rinanon aia tataro ni utu ao ni kamatebwaian koroboki aika a tabu. N raonaki ma aei, te Unimwaane ae Christensen bon iai naba ana raun ae kakaraoia i bukin karikirakean tamneina. “Rinanon ririki,” te Unimwaane ae Christensen e taku, “bwa aron kamatebwaian ao te kakaei rinanon koroboki aika tabu e a bon karababaa riki au atatai ao ni kateiteia au koaua.”

Te Unimwaane ae Christensen e bungiaki n 18 Maati 1956 n te Kaawa ae Salt Lake, Utah, nako Sheron Glen ao Colleen Cloward Christensen. A mwaing ana utu nako Concord, California, i mwaain ae mena n te roro ae 14 te ririki. E a manga oki i mwiina nako Utah bwa ataein te reirei n te kuura teuana bwa e na takakaro n te butiboora i bukin te reirei ae Brigham Young University.

“Te butiboro bon au takete i mwaain au mition nako Chile,” e taku te Unimwaane ae Christensen. “Rikiu ni mitinare e biti bwaai akanne ni kabane. E anganai te tangira ae korakora ibukiia au aomata ao te kaantaninga ae bati ibuki te beeku.”

Ni mareaki n te Tembora i Salt Lake n 28 Maati 1978 ma Debora Jones—“au katooto ni maiuakinan te euangkerio”—e kamatebwaia te akaunting ao te bitineti. Ngkai te tia bwaibwai n te ao e anga ngaia bwa e na “maiuakina koauan te kakaonimaki ao te anga reirei nakoia tabemwaang.”

E reiakinii koaua aikai mai rouiia taan anga te banna aei rinanon maiuna, ni ikotaki ma tamana, are bon te bitiobi ao te beretitenti n te titeiki; tarina; ao ana beretitenti n te mition.

Taan anga te banna aikai a buokia ni katauraoia bwa e na mwakuri bwa te bitiobi, beretitenti n te mition, ao ai te Mataniwi n te Aono n te Itingaun. Rinanon taian katooto ao aron maiuakinan aikai irouna, te Unimwaane ae Christensen e taku, “I reiakinna bwa te Tamnei e reireiniia ma te koraki ake ti reireiniia naba. Ni weteara ake ti bukinaki iai, ti kainnanoia bwa ti na kakaea te bwai are e tangirira te Uea bwa ti na karaoia.”