Aomata nako a na Riki bwa Aomata Aika Raoiroi Riki
Iai nnen te rikirake inanon te maiu ni kabane… . N aki atakin arora nako, ao ti konaa ni karikirakea arora, ao inanon karaoakina ao iai mwiina nakon maiuia naake a maeka irarikira.
Ai tikiraoira te maungatabu ae waaki ngkai, tariu ma mwaneu. Ngke tia okiri mweengara ni katoa bong ni karaoi oin tabera, n tatabemaniira nako ao ti riai n riki bwa aomata aika raoiroi nakon are ngke e moan kaukaki te maungatabu.
A bane n tia n taekina ae moan te tamaroa naake a tia n taetae. Taian tataro a bane ni kairaki iroun te Tamnei ae Raoiroi. Anene ao katangitang moan baan te raoiroi.
Tera ae e na kakawaki riki, bon te bwai are e na tia n riki nakoiira n tatabemaniira nako bwa kaotan mwiim te bwai are e a tia n riki nakoiira. Ngai, i bon irou, I a tia ni manga karaoa are n na korakora iai nakon are n na riki bwa te aomata ae e raoiroi riki nakon ngkoa are ngkekei. Au kantaninga bwa n na akoi riki teutana nakon te aomata are n na kaitibo mangaia are e mena inanon te rawawata. Au kantaninga bwa n na ibuobuoki riki teutana nakoiia ake a kainnanoa buokaia. Au kantaninga bwa n na tau riki nakon are ko na onimakinai iai. Au kantaninga bwa n na riki bwa te mwaneniumwa ae raoiroi, te karo ma te tibu te unmimwane ae raoiroi. Au kantaninga bwa n na riki bwa te rao ae raoiroi nakon kaain rarikiu. Au kantaninga bwa n na riki bwa te Aomata ae raoiroi ni Boong Aika Kaitira ma rikiraken otau n aron kamimin mimitongin te euangkerio.
I kaewenakoi n tatabemanii ngkami ake kam konaa n ongo irou nakon te riki bwa te aeka n aomata ae konaa n riki bwa natin te Atua. Tao ti bon ataa ae nanonaki n riki bwa natin te Atua, ni iai te bwai teutana are iroura n aron te aro n Atua?
I kakoaua ma nanou ni kabane bwa Aomata aika raoiroi ni Boong Aika Kaitira, a taetae n tainako, bwa aomata aika raoiroi. Ngkana ti maiuakina koauan te eunagkerio ti na riki bwa aomata aika raoiroi, man n tituaraoi n akoi, ni iango mwaaka n tauraoi, ni ibuobuoki ao ni karaoa te mwakuri nakoiia ake a nang n nanokawaki. Ti kona n tokanikai n te aro n Atua ao ni karabai n te aro n atua ake iroura n aki kamatatai ke ni kaoti nakon te maiu are ti maiuakinna, ke ti kona ni uotia nako matara n aron te ota are roota ni kabane are ti konaa ni karaoi.
Iai nnen te rikirake inanon te maiu ni kabane. N aki atakin ara mwakuri, n aki atakin arora nako, ao ti konaa ni karikirakea arora, ao inanon karaoakina ao iai mwiina nakon maiuia nakekei ibukira.
Tiaki kainnanoa ni kaota ke n tuangiia ni kabane bwa ngaiira Aomata Aika Itiaki ni Boong Aika Kaitira. Tiaki kainnanoa te taetae ni kamoamoa iai, ke n namakina ae ti raoiroi riki nakoiia aomata ake tabeman ni itera tabeua. N aron arora ake a kaitarai ke aki botau ma Tamnein te Kristo are e katai ni karaoi. Te Tamnei e kunei aro ake a kaotaki n te nano ao te tamnei, n te aro ae akea iai te karongoa ao maiura aki kamoamoa.
Ngaiira ni kabane tia tia n noori aroia aomata ake ti taku bwa ti kan riki n aroia, ake ti kan katotong ibukina bwa a tia ni karikirakei katei are, akea taekinan iai te bwai teuana ibukina, bwa katotongan raoiroin te euangkerio ake a tia n aki boutokai n aron aroaroia.
Ti konaa n taetae ni karaurau. Ti konaa ni karaoa ae raoiroi nakoiia ake a karaoa ae buakaka nakoiira. Ti konaa ni matangare ngkana te un e konaa ni bebete riki. Ti konaa ni karaoa nanora ao ni katuaiira ni kakeai unra n ara taetae ke aroarora aika burababa ake ti kauntabaaki iai.
Ti na riki ngaiira bwa aomata aika kukurei. Ana babaire te Uea te babaire ni kakukurei. Ana bebete aron maiura, ao tabeaiangara ana uarereke, ana bebete kangangan katakira ngkana ti karikirakea te tamnei ae kakukurei.
Ti na riai ni mwakuri korakora riki nakon mwiokoakira ngkai ngaiira kaaro. Te mweenga ngaia moan ana iunite te botaki. Te utu bon moan barongakin te Ekaretia. A nang ni bane nanora nakon anuan maiuia ara botannaomata ngkai mwanenumwa ao ainenumwa ngaiira, ao ngkai ngaiira naba kaaro ao nati.
A nang ni mwaiti kauntaeka ao noorakin kairua n te un ao bwaana aika matoatoa. A mwaiti kanganga ake ti namakin ni katoa bong. Mwaneniumwa ni katoa bong a okirii mweengaia man aia mwakuri ni kua ao ni kakaiun. E kananokawaki, bwa mwaitiia ainenumwa a mwakuri. A kaitibo naba ma katakiia aika matoatoa ake ana karekea te kanganga iai nakon raoiroin te mwane are e karekea are e na konaa ni karaoia (ibukin aia utu). A katukaki ataei bwa ana kakaea oin kukureia, ma mwaitia a bon aki raoiroi.
Tariu ao mwaneu, ti na karaoa tabera ngkai kaaro ngaiira n te aro are bwaai ni kabane n te maiu aei a mwioko nako aon ae kanga aron raoiroin kakororaoan tabera ngkai ngaiira kaaro, ibukina bwa bwaai ni kabane n te maiu aei a mwioko nako iai.
Ngkana iai kabwakara ni mweengara, ao ti kabwaka naba ni maiura. I titirakinii ngkami, e a moara riki mwane, bwa kam na tei ni iangoia raoi bwa raoiroira kakororaoan tabemi ngkai mwanenumwa ao kaaro, ao atun te mweenga. Tataro ibukin te kaetieti, ibukin te ibuobuoki, ibukin te kaririiri, ao ngkanne ira ana wirikiriki te Tamnei bwa e na kaeti kaiwaimi nakon te kabanea ni matoatoa n tabe, ibukin mwiin ami kairiiri n te mweenga are ana akea tokina ao n aki totoki.
E na kakabwaiai ngkami te Atua raou aika kam tangiraki. E na mena tamnein te rau te tangira iroumi n taabo ake kam mena iai. E na mena te nanorinano ni maiumi. N aron are I taekinna nakoia ara roro n rikirake n itera aika mwaiti, bwaina te wanawana, bwaina te itiaki, bwaina te kokoaua, bwaina te kakaaitau, bwaina te nanorinano, bwaina te tatataro. Kam ko na ni katorobubua n tataro i matan Teuare moan te Mwaaka ma ni karabwarabwa nako Ina ibukin kakabwaia ake kam anganaki ma te nano n akoi. Kam na tei iaon oin waemi ao waaki rake bwa natin te Atua mwane ao aine ao ni kakoroa bukin ana mwakuri ae akea tokina ibukin kabobongaan te aomata, ao ngke e a tia ni karikiia ara moani karo, ao manin aon te aba ma mannikiba, ao ni kakimototoa taekana, imwiin karikan bwaai ni kabane, ao e riai bwa e na iai kaaitaraia; n aiaron te uaanikai are tabuaki ni kaitaraa te kai ni kamaiu; e karewe teutana ao are teuana e manging, temanna i bon irouna, bon au tataro ae nanorinano ngkai I a katuka au tangira ao au kakabwaia iroumi, n aran ara Uea ae tabu Iesu Kristo, amen.