Te Unimwaane ae Spencer V. Jones
Man te Itingaun

Ti a bane ni waerake. Ti a kamimiia ara bitiobi n te aro bwa e na tong. Ti a bane ni waerake ni kaoti ara koaua.” Aio ana kakaewenako te kairake ae Spencer V. Jones are e karaoia nakoia ana riikan. Bon te bwai ae na rangi n riinga te nano n ana koaua ae matoatoa. “Ngkai I kaota au koaua, ao n te kabane—ike e kan namwakaina i mwaain ae I ngangare i rouia aomata ake a taatang ngkana a kakaota aia koaua i bukina bwa I aki ota—I a kunea bwa I a tang naba,” e taekinna te Unimwaane ae Jones. “I aki kona ni mwaninga te tai arei, i bukina bwa ngkana e taetae te tamnei nakon te tamnei, ao e na riki te bwai ae onoti.”

Te Unimwaane ae Jones, e a tia ni kamatoaki bwa kaain te Kauoua ni Kooram n te Itingaun, e bungiaki i Safford, Arizona, nako Virgil ao Nellie Baker Jones n 17 Tebetembwa 1945. E ikawai rake bwa natin te tia ununiki n te aia tabo Aika a Itiaki ae uarereke i Virden, New Mexico ae boou, ike te auti ni boowi bon te tienta n boobotaki. “Ti araniia aomata nikabane n te kaawa bwa ai tinara ao ai tamara—e ngae ngke a aki irekereke—ao nikabane a bane n tararuaia i bon i rouia n ai aron ae riki ngkai.”

I mwiin mwakuri n ana Mition i Argentina Maiaki, te Unimwaane ae Jones e reirei ae rietaata ae Brigham Young University, ike a karekea iai ana beeba ae rietaata i bukin taokitaia maan. N ana tabo ni mwaie te Kirabu ae Arizona, e kaitibo ma Joyce Elizabeth Mathews. A mareaki n 3 Tuun 1968, ao i mwiin te angabeeba, a mwaing nako Gallup, New Mexico ae boou. Te Unimwaane ae Jones e a tia ni mwakuri ni kambwana aika a kakaokoro, ni ikotaki ma te kambwana i bukin bwain nanon te auti ao bukin te kao. Ngaia ma buun a karekea teniman natiia aine ao waniman tibuia.

Te Unimwaane ae Jones e kabwarabwara bwa mwiokoana n tatabemaniia bon bwaai ni kakabwaia ao e a tia ni katauraoia i bukin ana ibuobuoki riki n taai aika a na roko n abanuean te Uea. E a tia ni karekea reiakinana ae bati man weteana, bwa e na ibuobuoki n aron ae te beretitenti i rouiia Mwaane aika Kairake, ana kauntira te bitiobi, bitiobi, te tia reirei n te tieminari, te beretitenti n te mition, te tia koroboki n te aono, ke te Mataniwi n te Aono n te Itingaun. “Weteana teuana bon te mwaneka are e na toua ao ni maiukinna bwa te reirei,” e taku te Unimwaane ae Jones. “Ko rikirake teuana te mwaneka n te tai i mwiin te tai.”