E kaota ana kaaitau te beretitenti i Ghana ibukin te mwakuri ni ibuobuoki ibukin kaikirakean maiuia aomata

N te bootaki ma kaain te Moani Beretitentii, te beretitenti ibukin te Tautaeka ni Ghana, ae John A. Kufuor, e kaota ana kaaitau ibukin te bootaki ibukin karikirakean aron maiuia aomata ibukia kaain te Ekaretia ma ana bwakamwane nakon abanea. “Ti iangoiko bwa kaanga mwakoron Ghana,” e tuangiia Beretitenti Gordon B. Hinckley; Beretitenti Thomas S. Monson, te Moani Kauntira n te Moani Beretitentii, ao Beretitenti James E. Faust, ae te Kauoman ni Kauntira n te Moan Beretitentii, i nanon ana tai ni kawara Salt Lake City n te namwakaina ae Tebetembwa.

Ni kawaran aban United States ibukin irakin te Bootakin Aba ni Kabuta n te United Nations, e reke ana tai Beretitenti Kufuor ni mwananga nako Utah ma tabeman kaain te bootaki ibukin maroroakin kaubwain te tautaeka ao taan kairiiri ibukin te botanaomata. Ngke e mena ikekei Ngke e mena ikekei ao kawariia mataniwiin te Ekaretia, ni ikotaki ma te Welfare Square, Temple Square, aao ai te Auti ni Maungatabu.

E karabwarabwa Beretitenti Kufuor nakon te Ekaretia ibukin te nanomwaaka ao aia beeku taan mwakuri n abana. E a tia ni anga ana ibuobuoki te Ekaretia nakon ae raka i aon 140 te karikirake i bukin te kamweraoi i Ghana i nanon 15 te ririki n nako.

Ni kaboan mwiina, Beretitenti Hinckley e kaoa Beretitenti Kufuor nakon kaukan te auti n te Accra Ghana Tembora, are e katauaki tiana bwa e na bwakara raoi 2003. E karabwarabwa naba nakon Beretitenti Kufuor i bukin ana iraorao ni mwakuri ma te Ekaretia.

“Bon te roko n neweaba ae rangi ni uaana, ao ai arona naba ma reken te tai n anga te kakaitau ao te kukurei,” e taku te Unimwaane ae H. Bruce Stucki man te Itingaun, te Beretitenti ngkoa n te Aono n Aberika Maeao.

Iai nimaua titeiki n te Ekaretia ao mwaitin kaaia ae katautauaki nakon 20,000 i Ghana. Bwaai aika a mena iaan te kateitei ngkai bon te tembora, ana auti te tia tara te tembora, te titeiki tienta, ao aobitin te aono.