Te Unimwaane ae James M. Dunn
Man te Itingaun

N ai aroia aika a bati, I karikirakea au koaua n te bong teuana ma teuana, kanga ai aron kateana te buriki are e uatabeuaaki,” aron taraakina i roun te Unimwaane ae James M. Dunn, are e tia ngkoa ni weteaki nakon te Kauoua ni Kooram n te Itingaun. “Aron te maiu are I a tia ni maiuakinna ngke ngai te ataenimwaane ae uarereke I bon rikirake n nano ni mwaane rinanon mwakuri ni ibuobuoki ao kakaraoan bwaai ake I rereireiaki bwa a na eti.”

Ni bungiaki n 16 Eberi n 1940 i Pocatello, Idaho, nakon Billy E. ao Melba Meyers Dunn, te Unimwaane ae Dunn ao niman kanoana riki a ikawairake n te Kaawa ae Salt Lake, Utah, “a karekea te tibwanga ao te kakabwaia ni karekean te riki ni kaainan Ana Ekaretia Iesu Kristo Ibukiia Aika Itiaki Ni Boong Aika Kaitira.”

Imwiin ana mwakuri n te mition i Uruguay, te Unimwaane ae Dunn e mare ma Sandra (Penny) Barker n te Tembora i Salt Lake n 7 Aokati 1963. E a tia n rangi ni mateakina ao ni karinea Penny man te tai are a uaia iai ni mwamwakuri bwa tenan aobitia n te reirei teuana ae rietaata. N aia bong ni kairake ngke a moan tekateka, te Unimwaane ae Dunn e mwakuri bwa te komitina n te taanga ni buaka n ana tabo n taanga ni buaka Utah, e karekea ana kamatebwai n te Ratin Amerika n te Tikurii n te Brigham Young University, ao e karekea ana beeba ae te Tikuriin te tua man te kuura n reirei ae rietaata i Utah.

Ni kataakin te Rooia i rouna, te Unimwaane ae Dunn e reiakinna bwa temanna ke karakoia ana aomata ke uarereken boona n te aoa bon uarereken kabwakaan boona i bukin ana kakaonimaki nakon bobotakin te Ekaretia, are e raonaki ma weteana bwa te kauntira ae rietaata, bitiobi, te beretitenti n te titeiki, ao te Mataniwi n te Aono n te Itingaun.

N riki bwa te karo nakoia onoman nati aine, te Unimwaane ae Dunn e taku, “I karekea te maiu ae onoti; nati aine ao aia karo bon iai reitakiia ae okoro.” Te reitaki aio e bon kamatoaaki riki ngke e mwakuri ma ana utu i Colombia, ngke e riki ngaia bwa te beretitenti n te mition. Ngaia ma buuna ao natina aine a okira mweengaia ma tuurakiia n te Tibaeneti ao man kamatoaki riki aron tituaraoiia.

Ni butimwaean weteana e boou, te Unimwaane ae Dunn e taekinaki: “Teuana te bwai bwa bukin tera ngkai a riki bwaai aikai nakoina, ao tera aron maiuna nakon ririki ake i mwiina. Ma man weteana n taai aika nako I ataia bwa te mwakuri ni ibuobuoki bon te kakabwaia ae moan te buburakaei. I nanon ririki aika mwaiti, e a tia te Ekaretia n riki bwa te tienta i bukin bwaai nikabane ake a raoiroi i nanon au utu ao i nanon maiu.”