Mwaneaki Inanon Bain Ana Tangira
Bwaai ni kamimi a bon ririki, ma, n aron Nibwaai, ti kona n ataia bwa e bon teimatoa n tangirira naba te Atua te … koaua aei are e na kateimatoaira rinanon kaangaanga aika bati!
Inanon kaangaanga ma kakumekume aika buakaka n te aonaaba ni boong aikai, taan iriira Iesu ni koaua a na kateimatoa aia onimaki iroun te Atua, ae Ana babaire ni Kamaiuia Natina bon anne bukin Ana mwakuri nako te Atua ni kabane! (Tara Mote 1:39). Ao ibukina riki bwa, anuan te Atua are a kaotaki nakoira, a tuangira bwa Ana konabwai ae akea tokina, e kakoaua raoi bwa E “kona” ni karaoa Ana mwakuri ni kamaiu ae bubura (2 Nibwaai 27:20–21; Joseph Smith Translation, Itaia 29:22–23).
Taan iriira Iesu ni koaua a na kateimatoa aia onimaki n Ana mwakuri ni Kamaiu te Nati, ae Iesu Kristo, ao, man “rairakiia nakon te Uea,” (3 Nibwaai 1:22) a na rikirake rinanon te “bitaki ae korakora.” (tara Motiaea 5:2; Aramwa 5:12–14).
N aron ae ataaki, tariu ao mwaneu, e a bon tia n tokanikai Iesu n te buaka ae kabanean te korakora aei: “Kam na bae ni maraki iaon te aonaaba: ma tai kabwarai nanomi; I a tia ni kataea ana kai te aonaaba” (Ioane 16:33; katuruturua). Te Mwakuri ni Kamaiu e a tia ni bobonga raoi e na karokoa te manga uti ae taabangaki nakoia birion ao birion aomata, n tokina ao e na kateirakeia ni kabane man te ruanimate—n aki kakangai bwa a kanga ao nningai are a roko iai ikekei! Mangaia, n te tairiki ae oota, e ngae ngke ti noori itoi aika a bure bairean anaanaun maiuia, ma tiaki nanona bwa akea tokin maiuia. Ma, ti karabwarabwa bwa akea tokira!
Ti te arona ma, “taani kakoaua ni koaua” (4 Nibwaai 1:36) e na kateimatoaa te onimaki ni Kaokan Bwaai ni boong aika kaitira ma rokona ae kakorakora te nano, ana burabeti ao ana abotoro, ao ana koroboki aika tabu aika “ota raoi ma ni kakawaki” (1 Nibwaai 13:29). Moani koauan te euangkerio e botau raoi ma kabanea ni bong.
Te kangare bwa, ngkai e a roko te Ekaretia are e a manga-kaokaki “man te tabo ae aki ataaki,” te kakaewenako ae onoti n ti ngaia e na buoka kainan okoron te Ekaretia aei (tara D&C 1:30). E ngae n anne, kabotauan anuara ma ara koaua e na uarokoa te kauring ibukin mwiokoara ae taan iriira Iesu ngaira.
Te euangkerio ae manga-kaokaki e katotonga marawa n raababa, ao n nano—ae riaon ara atatai. E tabekira rake, ni kaineti ma te babaire n Atua n te iuniweti ke ni kauringiira boonganan te itiaki ma te kakaonimaki nakon buura n tatabemaniira nako. Bon ti taan iriira Iesu aika nanorinano ake a kona n taua bukin te koaua ae ninikoria aei.
Ti kona ni kateimatoaaki ni koroboki aika tabu ao ni kakoauaa nakoira, ngaira, naba, ti kona n “taraa te Atua … ao e na karau nanora [ngaira] inanon [ara] kaangaanga” (Iakobwa 3:1; katuruturua).
Ngaira, naba, ti kona ni “buokaki ni kataakira ao n rawawata n aekaia nako, eng, … ma e na bon kamaiu [ra] naba n karawawataa [ra]” (tara Aramwa 36:3, 27; katuruturua).
E a tia n taku te Uea: “N na mena ibuakomi” (tara D&C 49:27). “N na kairii ngkami” (tara D&C 78:18).
Teuana riki, E na anganiira te Atua te karaunano ae akea boona, nakoira ngaira n tatabeman nako rinanon te Tamnei ae Raoiroi (tara Ioane 14:26; tara D&C 36:2). Bwa tao n taai n rawaawata ke taai n rau, are e na reke mai iai kabeebetean nanora ae moani baan te tamaroa mairoun te Tia Raoi.
E tang ngkoa Enoka ibukin te buakaka n ana tai, ao, n te moan tai, “e rawa ni karauaki nanona” (tara Mote 7:4, 44). Ma imwiina ao e roko te kaotioti, are e kaotia bwa Iesu e kabooa ana bure te aonaaba, ni Kaokan bwaai ni boong aika Kaitira, ao te Kauaoki. E tuangaki Enoka bwa e “na kawaerakea nano [na], ma ni kimwareirei” (Mote 7:44). Reirei ma kaotioti a kona naba n tabekira rake—ibuakon “buaka ma rongorongon taiani buaka” (Mataio 24:6; Mareko 13:7; tara naba 1 Nibwaai 12:2; Moomon 8:30; tara D&C 45:26). Ai ngaia are ti na aki bwarannano n [ara] iango (tara Ebera 12:3; tara D&C 84:80).
Iriirirakin Iesu iroura e na aki kameemereaki n taian kaangaanga, ke ni kabuebuen te ngaina, ke e na aki n anuaia ae buakaka te bootanaomata, ke e na “karawaawatai [ra]” (Moronaai 9:25), ni ikotaki ma kaibwabwarun te rabwata aika ko kona n “noori-ni-matam” (tara Aramwa 32:38).
Ti kona ni kan tannako man bwaai aika a a kakaraoaki ngkai irouia aomata, ma e aki kan tannako Iesu i Ketetemwane ngkoa ke i Korokota. Ma E “kabobonga [Ana] katauraoi ibukiia natiia aomata” (tara D&C 19:19).
Ni kaineti ma kaangaanga, n ikotaki ma ara onimaki ao te nanorinano, ake a a na aki rootaki—ti kaokoroia (tara Motiaea 23:21). E ngae n anne ao e nooria te Uea bwa e riai ni kamangoria ana botannaomata; eng, a kataia n taotaona nanoia ma aia onimaki. Taan onimaki ana bon aki rootaki man aroaron nako te buraneti aei. Ai ngaia are anuaia n ninikoria Tateraka, Metiaka, ao Abetenoko a riai ni katotongaki. A bon ataia raoi bwa E kona ni kamaiuia te Atua. “Ao ngkana E aki,” a berita naba, bwa a na teimatoa ni beku iroun te Atua (tara Taniera 3:16–18). Ai arona naba bwa, kaawakinan te moan ao te kaitiua n tua aika aongkoa a bane taia ma a boni koaua bonganaia a kona ni kaota ninikoriara n are a kaotia ataeinaine ake teniman ngkoa; a taku tiaki ma te anga maiuia (tara Aberaam 1:11).
Ai ngaia are, ti kona n rootaki n te kaangaanga mani itera nako, ma bon akea te bwai ae kona ni karaureira man Ana tangira Kristo (tara 2 I-Korinto 4:8; I-Roma 8:35–39); bwai koraki ao n te aba a rikirake ao tiaki n aron are ti “taua te beku ma nanora” (tara D&C 58:27). E ngae n anne, ma n aron are e kaungaira iai Betero, ti kona ni katikui rawaawatara iroun te Uea, ibukina bwa E tabeakiniira! (tara 1 Betero 5:7). O, tariu ao mwaaneu, e tataningaira kakukurein te onimaki n aekan aei!
Ao ni kaetan ara kairua i boni iroura, ti kaaitarai kawai nakon te rairannano bon te kawai ae iai te kantoka iai, tiaki te kawai ae akea boona. Ngaia are, ti na kaboongana ana Mwakuri ni Kamaiu Kristo are e na kawaekoaira n te kawai ae mwaawawa aei.
Tao a na iai aekaki n aomata n-aron Ietero inanon maiura bwa a na kaumakiira (tara Otinako 18:14–24) Ke, taai ake a oota raoi nakoira n ai aroia ake Tengaun ma Uoman ngkoa, a takinna raoi ni kangai: “Te Uea, ao antai ae ti na kawaria? Iai Iroum taekan te maiu ae akea tokina” (Ioane 6:68).
Ao irarikina, ngkana ti motinnano ni koaua, tera ae ti na taekinna nakoia mwaane ao aine ake a ninikoria ake a rootaki n te kaangaanga ao te mate ake a kairaki ngkoa iroun Martin? N anne “Ti karinei ngkami, ma ti waeremwe n rinanon ara kaangaanga n aron are kam waekoa n rinanona”?
Tariu ao mwaneu, man te babaire mairoun te Atua, “aikai bon [ara] bong” ngkai (Ereman 7:9), ibukina bwa “ni kabane bwaai a na koro n taia” (tara D&C 64:32). Ma, E ngae ngke ti maeka n te aonaaba ae kakairua, ti aki kanakomaiaki bwa ti na kaairua.
Uringa te itoi ae boou are e katanoata te Bung i Betereem? E bon toka raoi ni nnena imwaiin ae oti raneaneana. Ti bon karokoaki ikai bwa ti na anga ootara. Te babaire mairoun te Atua e aki ti roota te iuniweti ae bwanin ma e roota naba ana mwakuri iaon te buraneti aei. Bwa e aki, taunaki Ana Boki Moomon i Belgium, ao e bungiaki Iotebwa Timiti tienture aika bati mwiina i Bombay.
Kaikawakiia te koraki n aomata aika ika a “wanawana” aika Taam aika Kuneaki ni karioi tuua aika maungatabu i Amerika aika ae eti ao ni kakawakiniira n “aroia ni kabane aomata,” n tiaki naba arona (tara D&C 101:77–78, 80). Te karaki ni kawai ae atuunaki Taama aika Kuneaki “rongorngoia ni kawai n ara bakatibu ae tabangaaki taekana ni karakinan te karaki ma i Amerika ke tao rongorongon aaba tabeua” (Arthur M. Schlesinger, The Birth of the Nation [1968], 245). E reitia ma n taku te tia karaki temanna, “E na bon aki kakawaki ngkana ti aki karikirakei ara tareena ngke arona bwa ti te itera ni mirion kaaina” (Barbara W. Tuchman, The March of Folly: From Troy to Vietnam [1984], 18).
Ma iai tabeman ake a taku bwa e aki waakinako ke tao n aki kororaoi n atua. Reimwan ao Remuera n aron ae ti ataia ae ngkoa are Iteraera a kamaiuaki ni mwaakan te kakai man ana taanga ni buaka Bwarao ae korakora, ma a bon ngurengure naba ngke a kaewenakoaki iroun Rabwan. Ti kona naba n aki karababai ara taratara ao n ti tabeakiniira. Te Atua, are E tararuai itoi, buraneti, ao aonaaba, E tuangiira bwa ti na rairaki man burera ma Baina ae maiu, naba (tara D&C 59:21). E koaua ae ti tuai n tuangaki ni kakoaua bwaakan itoi, ke mannikiba aika tibwaaro, ke iran [atuura] n aki kona ni warekaki? (tara Mataio 10:29–30; tara D&C 84:80). Te tia kabwarabwara te Atua! n aron te Uea are e atai Aron ana karikibwai, E ataira naba ao e tangirira ngaira n tatabemaniira—e ngae ngke ti kakaokoro! (tara 1 Nibwaai 11:17).
I angoa Ana karinerine nakon Mote—“I atai ngkami n arami, ao ni kunea kimwareireimi I matau” (Te Otinako 33:12)—ao nakon Iotebwa: “Aio Natiu ae Tangiraki. Ongo Irouna!” (Joseph Smith—History 1:17).
Maroaka are e onon King Beniamina nakoira bwa ti na kakoaua ae ti aki ataibwai n aron Ana ataibwai te Atua (tara Motiaea 4:9). Ngkana ti kakeai boonganan kaotioti ibukin konabwain te Atua titebo ma ti takakaro ni katei buraoki ni kai ake a koreaki taiani man ni koroboki, n aki atai ana kario Shakespear aika a kaminonano ake a bon karioaki naba mani manin taiani koroboki akanne.
Te Tama ae Aberaam “e aki tatata” n ana taeka n akoi te Atua nakoia ana kariki, ibukin “kaungaakin nanona bwa, tera ae e a tia te [Atua] ni berita iai, e kona ni karaoia” (I-Rom 4:20– 21). Kariaia bwa “a na unga nanora.”
Ana taeka ni bane Anselm bon taeka aika raraoi: “Kakoaua bwa aoria n oota,” nakon are “ataakina [bwa e aoria] ni kakoaua” (St. Anselm, trans. Sidney Norton Deane [1903], 7).
Tariu ao Mwaneu, maekara n taai ni kakamwakuri, ti kona n tei n taabo aika a tabu ma n aki bwerengaki (tara D&C 45:32; 87:8). E ngae ngkai ti maiu n taai ni kakiriwe, ti kona ni karekea te rau are e riaon ana atatai te aomata (tara I-Biribi 4:7). Bwaai ni kamimi a bon ririki, ma, n aron Nibwaai, ti kona n ataia bwa e bon teimatoa n tangirira naba te Atua te koaua aei are e na kateimatoaira rinanon kaangaanga aika bati! (tara 1 Nibwaai 11:17).
Ti na kanga n ataia bwa ti tabeakinaki ma n tangiraki iroun te Atua? E tuangiira mani koroboki aika a tabu—ao ai aron naba, man ara kokoaua ni warekan mwaitin kakabwaia ao anganakira ana akoi nako nanoni maiu. Angiia, E taekin nakoira man te bwana ae rau, ma n uarereke are bon bwaan te Tamnei! (tara Aramwa 34:38; tara D&C 78:17–19).
Te “bitaki ae korakora” e kainnanoa te iriira Iesu Kristo e kona naba, n tabetai, n tara n ai aron te kaa ni kakibotu are e rawaawata moani butina ao rimwi e a beebete-bwa taiani kaotioti aikai a karokoa te nanorinano. Ai aron naba Mote, are e “bwaka nakon te aonaaba” ma n taku, “Te aomata bon te akea, te bwai are I bon tuai n ataia ma rimoa” (Mote 1:9–10). Ngkanne, e roko, te kaotioti, ae katuruturuaki: “Bwa noria, aio katabeau ao mimitongiu—are karokoan te maiu ae aki mamate ao te maiu ae akea tokina nakoia aomata” (Mote 1:39).
Te “korakora” ni bitaki, e ngae ngke, te mwakuri korakora, ma te mwakuri e karkea kangangan riki irakina ana katikitiki te aomata ae tuai karekea te maiu. Angiin te tai a tia ni kamemereaki ibukin karimoan riki bwain te aonaaba. Tiaki te bwai ni kakuba, ngkai ti a bon aki tauraoi imwaiin te kataki ae korakora ma kaotioti. Iangoia—tabera n tamnei ibukira n tatabeman nako bon te bwai ae akea tokina ao anne ti bon maiu ma te Atua n te moan tai! (tara D&C 93:29, 33).
E koaua, ae ti aki kona n oota raoi ni bwaai ni kabane ngkai naba! E koaua ae ti aki kona n atai raoi bwaai ni kabane ngkai naba. Ma ti kona n ataia, ngkai naba, bwa E tangirira n tatabeman nako te Atua!
Ma, tariu ao mwaaneu, tera ae tukiira man ataakin bwaai ao man tangirana riki? Rawara ni kanakoi ara bure ni kabane—iangoia, bwa onean mwiina bon te bwaka. N ai aron, rawara ni kariai ara kaantaninga bwa a na ongaki nako n Ana iango, n onean mwin anne, bon ti kariaiakan Ana kaantaninga—e bati n tau! (tara Motiaea 15:7).
Te Burabeti are Iotebwa Timiti are e katanoata bwa te Atua, “Imwain rikina, … e bairei raoi bwaai/waaki ni kabane ake a irekereke ma te aonaaba… . [te Atua] E ataia ngkoa … korakoran te bure are e na irekereke ma aia utu aomata, inanon mamaaraia ao korakoraia, … aron aaba nako ni kabane ao … tokiia, … ao [Ngaia] E a tia ni katauraoi waaki aika tau ibukin kamaiuaia [bootanaomata]” (Teachings of the Prophet Joseph Smith, sel. Joseph Fielding Smith [1976], 220).
Mwakoron te “katauraoi ae tau mwaitina” e onrake irouia aomata aika bubure n aekam ao ngai, ake ti kabaea kaootara nako ao ni ibuobuoki ni karokoaki nako iai, ma n ataia n akea te nanokokoraki bwa ti mwaneaki “inanon baina n [Ana] tangira” (tara D&C 6:20).
N aran Iesu Kristo, amen.