Te Bwana ae Kakukurei i bukiia ara ataei
Aio tibwangara, bwa ti na kawanawanaira n reireiia ao ni kakoaua nakoia ara ataei koauan ana euangkerio Iesu Kristo.
I tangira te kanikina aio! Angin te tai I kamanenai kanikina aikai n au koroboki i boni bukiu ao i bukia tabeman. Aio te kawai are kaota iai te korakora ao te kakaonimaki. Mai buakon koroboki aika tabu ao te kanikina aio I rangi n tatangiria:
“Ngkai, tera ae ti ongo ao ni karekea man te Euangkerio? Te Bwana ae Kakukurei!” Iai 14 riki kanikina ibukin te mimi ni kiibu riki ake tabeua ao kiibu riki ake imwiina. A warekaki ni kakaokoroaki ni mwakoro:
“Te Bwana n nanoanga mai karawa; ao bwanaan te koaua man te aonaaba … te bwanaa ibukin … te rongorongon te kakukurei ae korakora… .
“… Mimitongin te bwaana ae ti ongo mai karawa, n taetae nakon taningara, mimitong ao kamaiuaki… !”1 —ma te kanikinaean te mimi.
Ti kona n ongo te bwana ni kimwareirei are e uoti mimi n te kaantaninga ao kimwareirei inanon maiura. Kakukurein ara koaua ibukin te Tia Kamaiu e kona ni kanikinaea anuan maiura ngkai ti bubuti nakon Kristo.
Ao natira? A ongo kanikina, kimwareirei, kaantaninga i nanon te euangkerio? Imwin te reirei n te Moanrinan ibukin te Moani Kaotioti nakon Iotebwa Timiti, a tuangaki kaain te kiraati bwa a na koroi tamnei ake a na uoti nakon mwengaia ma n taekinna nakoia kaain aia utu. Ataei a bon tia n reiakinaki taekan te rotongitong are e a tia naba n noriia Iotebwa imwaain kaotin te Tama ao te Nati nakoina. Te teinaine ae ai tiba onoua ana ririki e a na te kara ae roro ao e a moanna naba ni koro tamnei. E karana naano ao eta ni iteran te beeba ni karorooa. Ngke e a titirakinna te tia reirei ibukin ana tamnei, e taku, I korea tamnein Iotebwa Timiti ngke e mena n te roo.
Ana tia reirei e kaeka: “Ko ataia ae Tamara are I Karawa ao Iesu a kaoti, ao te roo arei e a mauna naba? Tamara are I Karawa ao Iesu a rangini korakora nakon tatan, ao a kona naba ni kawakiniko.” Te tei e tan rikaki nakon ana beeba. N te koona arei ieta, e korei uoua tabonibai, ao e kamaunai ake a roro ao e a manga onei mwia n te babobo are kaona iai te beba arei are e a rangin otamwaka riki.
Bon te ota aio, are otan te euangkerio are kaokaki—“bwana ni kukurei”—are kona kaaro a ni buokia natia n ataia. Te tia kakaaitara e bon koaua, ma ataei a kona n namakina te rau te kimwareirei ae roko ngkai a kamwakura te onimaki i roun Iesu Kristo. Ara ataei a na aki reiakina te ota aei ni karokoa ae a reiakinia aia ataei te euangkerio.
Te Uea E taetae ni kaineti nakoia kaaro bwa a na “karikirakeia naatia inanon te ota ao te koaua.”2 E tuangira naba bwa ti na reireiniia natira “te tataro, ao n nakonako ni kawai aika eti i matan te Uea,”3 ao “n ota ibukin tuan te rairannano, te onimaki iroun Kristo, … ao te bwabetito ao ana bwai n tituaraoi te Tamnei ae Raoiroi.”4 Ti buokiia bwa a na kauki taningaia n ongo ao ni kinaa te “Bwaana ni Kukurei” ao am kantaninga ni kororaoi ni karekea te kimwareirei ngkana ko reirei te koaua n te euangkerio.
Aio are kamatataki n Ana Boki Moomon. E reireinaki Inoti iroun tama “n tongaaki ma n reireinaki iroun te Uea.” Te kakabwaia ae korakora aei e kaira Inoti nakon kan taekinan, “Ke kakabwaiaaki aran Atuau iai.”5 Imwiina e kabwarabwara Inoti, “Te taeka are I aki toki n nongongo mai roun Tamau ni kaineti ma te maiu are akea tokina, ao kimwareireia aomata aika itiaki, e ruo nako nanou.”6
Raoraou e taekina te bwai ae a tia n riki nakoina ngke uarereke I nanon menana n te moanrinan. Te wiiki imwin te wiiki, ao tinana e karaoa reireiniia kaain te Moanrinan n ana auti n te bong naba arei ao te tai naba arei. E ingainga nanona ngke tabe n tekateka i aon ana kaintekateka ae maraurau ma tinana n reiakina te euangkerio are rongorongon Iesu Kristo bwa kona kanga ni maiuakinna. E tauaki raoi minitina i roun tinana n te boki are a kaotaki iai bootakin te Moanrinan ae aki toki ni kakaraoaki n raonaki n te tataro, anene, ao ai reirei.
Ana iango te tina aio ibukin natina te aine ae uarereke ni kan karikirakea ana koaua i roun Iesu Kristo ao n namakina te kimwareirei n te euangkerio. E katauraoa natina te aine ma tera ae rangini kakawaki i nanon ana tai ni uarereke. Te teinaine aei, ngkai ai bon te aine n onimaki ao ni berita, e tanrikaki n taraa ana tai n uarerekena ma te karabwarabwa ae bati nakon kukurein tinana ao anganano n reireinna aron te Tia Kamaiu. Nanomwaakan te tina aei e riki bwa kukurein natina te aine—ma te mimi.
Ara burabeti aika maiu ni boong aikai a kamatata n aron kakawakin te mwakuri n reireiakinaia ataei.7 Te reta ma iroun te Moan Beretitenti ti tuangaki “ti na karimoa ao ni karietata moa te taromauri n utu, te botaki n utu, reirei te euangkerio, ao irarikina, aia takakaro te utu. Mangaia are takakaro aika aki bati n raoiroi, aki riai ni kaboaki mwiina ni baika a aki rinanon aia kariaia karo ma utu ni karaoi.”8
E kona ni baiti te maiu i bukiia kaaro ao n riki naba i bukiia Ataei. E bebete atongan ae aki tau te tai i bukin bwaai. Tanrikaaki n tarai taai ake a baiti n nako, I nora te bong teuana ma teuana ae kanoaaki n taai aika a raraoi n karekean te tibwanga ni buokaia ataei bwa a na ongo te “bwana ae kakukurei” n te euangkerio. Ma ataei a bon reirei ma i roura. A reiakin baika a raraoi man ake a rinei bwa a na karaoi man ara mwakuri ake ti karaoi. N aron, tataro ni utu, kamatebwaian koroboki aika tabu, ao botakin te utu n te tairiki e bon aki tau ni boutakakia natira. Ikai ae a na reiakina iai te euangkerio ma aroaro aika itiaki, etieti, ao ni kokoaua, ngkana tao tiaki n te mweenga? Kauring aikai a na bon kaumakaki n te Ekaretia, ma kaaro bon moaia ao kakororaoaia n reireiia aia ataei.
Kinaakiia ataei aikai bwa antai ao rikiia n abanuean te Atua e kona ni buoka karikirakean tangiran kan karaoana—ma te tangira. E na buokira te Uea n reireinia ara ataei bwa ti na karaoia man te korakora aio. Te Utu akea tokina, ao te Uea E tangirira bwa tina kororaoi. Ngkai ti ukoukora te tamnei, ti kona ni karekea te karaunano, te kairiri, ao te tania i bukin bwaai aika ti na ko na iai ni kakoroi bukin mwioko ao ni karekea te kakabwaia ma i rouia kaaro.
Kaotioti ake a roko ma iroun te Atua i bukin ana buroukuraem te aro ni weteaki bwa minita nakoia ara ataei e na buokira. Kainnabau ao ngai ti rangi ni kukurei i roun te Bitiobe, nakoanibonga, taan kairiri, taan mwamwananga, ake a buokia aomata ni kakorakoraia aia utu. Iai ke akea ataei ni mweengara ma ti uringa bwa e bon rangin kakawaki ara boutoka nakoia kaaro.
Ataei e korakora aia konabwai n reiakini bwain abanueana. N ara tai n ogoora i rouia ti kona n ota man bwaai ake a tia n reiakini man te euagkerio. E kabwarabwara te karo nakon natina ae aua te ririki bwa a bane n itiaki taabo n aia auti ma ai bon tii teuana.
“Ko ataia bwa te ruu ra ae aki itiaki?” E tuanga natina te aine.
“Au ruu,” E waekoa ni kaeka.
“Ko ataia bwa antai ae kona ni buokiko ni kaitiaka am ruu?” E taku, e kantaningaia bwa e na kaeka na e bon kona.
Ngke e kaeka, “I ataia, tamau bwa ko bon aki toki rootaki n te maku, raraoma, ao ni kainanoa te buoka, ko kona katorobubua ao tuanga tamam are I Karawa bwa E na buokiko.”
E rangi ni kakaongora te ongongora i rouia ataei, a kona n reireira. Te kaaro e tibwaua te bwai ae e a tia n reke i roun natina te aine ae ai tibwa wanua ana ririki. E taku: “I nanon au tai ni kakaraoa au reirei nakon te taromauri n tain te toa au reirei e boboto i aon te taeka aei ‘Riki bwa kanga Ataei aika Uarereke,’ I tuanga natiu, bukin tera ngkai ti riai n riki bwa ataei aika uarereke. E kaeka, ‘bukina bwa ngaira bon ataei n ai aron Iesu, ao bukina bwa ataei e bon raoiroi riki aia iango.’”
Kamiimiaki man ana kabanea n reke e tuangaki bwa e aera ti kainanoa raoiroin ara iango. E kaeka, “N te aro are tina ia ngoa Iesu ngke e mena n te nne Aroka are Keketemwane, i aon te kaibangaki ao ngkana ti taua te Toa ao tina Uringnga.”
Ao ni bwaai ni kabane, E karaoi banna aika raraoi te Tia Kamaiu i bukira bwa ti na tauraoi nakon tangiraia ao reiakinaia ara ataei. Ngke E kaoti nakoia Nibwaite n te tabo aio, e taku te kibu bwa E taetae nakoia aomata, “e tang, … ao e anaia ataei aika uarereke, temanna i mwiin temanna, ao e kakabwaiaia, ao e tataro nako te Tama i bukiia.”9
N te botaki aei, te Beretitenti Hinckley e taku, “Akea te bwai ae kanganga ao tikiraoi tamnei i nanon te na ni koroboki aika bebete taetaeia ni kabwarabwara aron ana tangira te Tia Kamaiu i bukia ataei aika uarereke.”10
Kingin bwaai ni kabane ibukin tataekinan te euangkerio n te mweenga bon karokoan Tamnein te Uea bwa e na mena iroura. Reirei tabeua aika moani baan te tamaroa aika ti karekei ngai ma kaainabau n tain kangaangan kaikawaaia ara ataei bon te karaoi bwaai aika a riai ake a na karokoa ao ni kamaekaa te Tamnei ni mweengara. A aki kona ataei n atai bwain tamnei ao a aki kona ni karekei namakin n tamnei n akea ana kairiiri te Tamnei.
Ngkai kaaro ngaira ti riai ni kakaoti ara koaua nakoia natira n taekan Iesu Kristo. Kakaotan te koaua, tao n tain te botaki n utu n te tairiki ke n tain te reirei n tataro, e na bon kaoa te Tamnei. Beretitenti Boyd K. Packer e tuangira bwa “Reireiniia aomata aika kairake bwa a na kakaota aia koaua—ni kaotia bwa Iesu bon te Kristo, Iotebwa Timiti bon te ana burabeti te Atua, ao ana Boki Moomon e koaua.”11
Beretitenti Hinckley ea manga tuangira: “Bwa te kimwareirei n te maiu aei, akea kabotauan te kukurei are ma i rouia kaaro. Ma te katabeaki are ti rinanona n te kanganga, akea ae rangin kanganga. E kuri ni kanganga bwa tina ata aron te tangira, tia kakawakin, ao te onimaki e moamoa riki bwa te kaniwanga.”12
I kakoaua—ma te kanikina aio—bwa a kona ni karekea te kanikina ataei man te Tamnei are e uota bukinakim ao kabaean nanoia! I kaota au kakoaua bwa aio katabeara, aio tibwangara, bwa ti na kawanawanaira n reireiia ao ni kakoaua nakoia ara ataei koauan ana euangkerio Iesu Kristo bwa a aonga naba n ongo te “bwana ni kakukurei.” N aran Iesu Kristo, amen.