Jekjōn 79
Revelesōn letok kōn Josep Smith Rikanaan eo, ilo Hiram, Ohio, M̧aaj 12, 1832.
1–4, Jered Carter kar kūr e n̄an kwaļo̧k naan kōn gospel eo jān Rikaenōm̧m̧an.
1 Em̧ool Ij ba n̄an eok, bwe ej ankilaō bwe rikarejera Jered Carter en bar ilo̧k ilo laļ ko iturear, jān jikin n̄an jikin, im jān jikin kwelo̧k n̄an jikin kwelo̧k, ilo kajoor in ekkapit eo im eaar kapit e kake, im kabun̄bun̄ļo̧k naan ko rem̧m̧an in lan̄lōn̄ eļap, em̧ool gospel eo ejjeļo̧k jem̧ļo̧kin.
2 Im Inaaj jilkinļo̧k ioon Rikaenōm̧m̧an eo, eo enaaj katakin e m̧ool eo im iaļ eo enaaj etal ie;
3 Im toun wōt an tiljek, Inaaj kakūrawūn e bar juon alen kōn elōn̄ leen.
4 Kōn menin, būruōm̧ en m̧ōņōņō, rikarejera Jered Carter, im jab mijak, am Irooj ej ba, em̧ool Jisōs Kraist. Amen.