1 உங்களுடைய முட்டாள்தனங்கள் இருந்தபோதிலும் இந்த பயணத்தில் நீங்கள் வந்ததில், உங்களுடைய தேவனாகிய கர்த்தராகிய நான் துக்கமடையவில்லை.

2 நீங்கள் கருவியாயிருந்ததின் மூலமாக சீயோனின் பலனுக்காக, ஏற்ற காலத்தில் நான் கூட்டிச்சேர்த்த, இந்த பட்டணத்தின் அநேக ஜனங்களின் பலனுக்காகவும், சீயோனின் பலனுக்காகவும், உங்களுக்காக இந்த பட்டணத்தில் அதிக பொக்கிஷத்தை வைத்திருக்கிறேன்.

3 ஆகவே, நீங்கள் நடத்தப்படுகிறபடியும், உங்களுக்கு அது கொடுக்கப்படுகிறபடியும், இந்த பட்டணத்திலுள்ள மனுஷர்களை பழக்கப்படுத்திக்கொள்ள வேண்டுமென்பது அவசியமாயிருக்கிறது.

4 மேலும் அதன்மேல் உங்களுக்கு வல்லமையிருக்கும்படியாக உங்களுடைய இரகசிய திட்டங்களை அவர்கள் கண்டுபிடிக்காமலிருக்கும் அளவில் ஏற்ற காலத்தில் இந்த பட்டணத்தை நான் உங்கள் கைகளில் கொடுப்பேன்; பொன்னும் வெள்ளியும் சம்பந்தப்பட்ட அதன் ஆஸ்தி உங்களுடையதாயிருக்கும்.

5 உங்களுடைய கடன்களைக் குறித்து நீங்கள் கவலைப்படாதிருங்கள், ஏனெனில் அவைகளை செலுத்த நான் உங்களுக்கு வல்லமை கொடுப்பேன்.

6 சீயோனைக் குறித்து கவலைப்படாதிருங்கள், ஏனெனில் அவளுடன் நான் இரக்கத்தோடு செயல்படுவேன்.

7 இந்த இடத்திலும் சுற்றியுள்ள பகுதிகளிலும் தங்குங்கள்;

8 ஏனெனில் உங்களிடத்தில் பொழியவிருக்கிற என்னுடைய ஆவியின் சமாதானத்துடனும் வல்லமையாலும் உங்களுக்கு அடையாளம் காட்டப்படும், முக்கிய இடமாகிய, நீங்கள் தங்கவேண்டுமென என்னுடைய சித்தமாயிருக்கிற இடத்தில் தங்குங்கள்.

9 இந்த இடத்தை வாடகைக்கு நீங்கள் பெறுவீர்கள். இந்த பட்டணத்தின் மிகபூர்வமான குடிமக்களையும் ஸ்தாபித்தவர்களையும் குறித்து கருத்தாய் விசாரியுங்கள்;

10 ஏனெனில் இந்த பட்டணத்தில் உங்களுக்காக ஒன்றைவிட மிக அதிகமான பொக்கிஷங்களிருக்கின்றன.

11 ஆகவே, சர்ப்பங்களைப்போல வினாவுள்ளவர்களாயும், ஆனாலும் பாவமில்லாதவர்களாய் இருக்க வேண்டும்; அவைகளை நீங்கள் விரைவாகப் பெற்றுக்கொள்ள முடிகிற அளவில் உங்கள் நன்மைக்காக சகல காரியங்களையும் நான் உங்களுக்காக கட்டளையிடுவேன். ஆமென்.