Koroboki Aika Tabu
Aramwa 34


Mwakoro 34

Amureki e kakoaua bwa te taeka e mena iroun Kristo ibukin karekean te kamaiuaki—A na bane ni mate aomata nako ngkana akea te mwakuri ni kamaiu ae karaoaki—A na tua Mote a kotea ana anga karea Natin te Atua—Te babaire ni kabomwi are akea tokina e boto iaon te onimaki ma te rairannano—Tataro ibukin kakabwaian te maiu aei ao ana kakabwaia te tamnei—Te maiu aei bon aia tai aomata ni katauraoi bwa a na butimwaea te Atua—Mwakuria kamaiuam ma te maaku i matan te Atua. Uakaan ma 74 I.K.

1 Ao ngkanne e koro bukina bwa i mwin are Aramwa e a tia n taekin taeka aikai nakoia e tekateka iaon tano, ao aAmureki e teirake ma ni waaki n reireiniia, ni kangai:

2 Tariu, I taku bwa e aki kona n ae kam aki ataibwai ni kaineti ma ake a tia n taekinaki ibukin rokon kristo, are ti reirei bwa Natin te Atua; eng, I ataia bwa abwaai aikai a bon kamwaitaki reiakinaia nakoimi i mwaain ae kam kitanira.

3 Ao ngkai kam tangira tariu ae tangiraki bwa e na kaotia nakoimi bwa teraa ae kam na karaoia, ibukin karawawatakimi; ao e a tia n taetae nakoimi bwa kam na katauraoi ami iango; eng, ao e imanonoingkami nakon te onimaki ao te taotaonannano.

4 Eng, n te aro are kam na karekea te onimaki ae bati bwa kam na aunika te taeka inanomi, bwa kam na kataa te kakatai ibukin raoiroina.

5 Ao ti a tia n nooria bwa te titiraki ae e kakannato are e mena n ami iango, bwa e mena te taeka iroun Natin te Atua, ke e na akea te Kristo.

6 Ao kam nooria naba bwa tariu e a tia ni kaota koauana nakoimi, n taai aika a mwaiti bwa te ataeka e mena iroun Kristo ibukin karekean te kamaiuaki.

7 Tariu e a tia n taekin ana taeka Tinoti, are te kaboaki e reke rinanon Natin te Atua, ao ana taeka naba Tinoki; ao e a tia naba ni kabonganai ana taeka Mote, bwa e na kakoaua bwa bwaai aikai a bon koaua.

8 Ao ngkanne, nooria, N na akakoaua nakoim mai irou bwa bwaai aikai a koaua. Nooria, I taku nakoimi, bwa I ataia ae Kristo e na roko i buakoia natiia aomata, bwa e na katokaa iaona riaoan te tua irouia ana aomata, ao bwa e na karaoa te bmwakuri ni kamaiu ibukin buren te aonaba; bwa e a tia n taekinna te Uea ae te Atua.

9 Bwa e bon riai n iai te amwakuri ni kamaiu; bwa n aron ana bbabaire ae kakannato ni kamaiu te Atua ae Akea Tokina e na riai ni iai te mwakuri ni kamaiu, bwa ngkana akea ao aomata nako ana bane ni mate; eng, a bane ni kamatoatoaia; eng, a bane ni cbwaka ao a bua, ao a na bane ni mate ma ti ngkana a rinanon te mwakuri ni kamaiu ae e na riai ni karaoaki.

10 Bwa e riai n iai te kabanea n anga akarea ae kakannato; eng, ae tiaki te karea ae te aomata, ao tiaki naba te man, ao tiaki naba aekaia maan ni kiba nako; bwa e na riai n tiaki te anga karea n aomata ma e na riai n te anga bkarea ae cakea tiana ao akea tokina.

11 Ao ngkanne bon akea te aomata are e kona n anga karea n oin raraana are e na karaoa te mwakuri ni kamaiu ibukin ana bure temanna. Ao ngkanne, ngkana e tiritiri te aomata, nooria, e kona ara tua ae amomotiraoi, n anaa maiuin tarina? I kangai nakoimi, E aki.

12 Ma te tua e kainnanoa maiuin are e a tia n atiriaomata; ngaia are bon akea te bwai ae aki kainnanoa te mwakuri ni kamaiu ae aki totoki are e na kona n tau ibukin buren te aonaba.

13 Ngaia are, e riai bwa e na iai te kabanea ni karea ae korakora, ao ngkanne e na iai, akatokan kawawaean te raraa; ao ngkanne e na bon kakoroaki ana btua Mote; eng, e na bon bane ni kakoroaki bukina, tamruru ke taurouro ni kabane, ao akea ae na kaakeaaki.

14 Ao nooria, aio bwaninin ananon te btua, ni kabane mwakorona a kotea te kabanea n anga ckarea are e kakannato; ao te kabanea n anga karea are e kakannato arei bon Natin te Atua, eng, are akea tiana man akea tokina.

15 Ao ngaia are e na karekea te akamaiuaki nakoia ni kabane ake a na kakoaua arana; bwa aio bon nanon te kabanea n anga karea aio, bwa e na kamwakura te nanoanga, are e na riaon te momotiraoi, ma ni karekea te anga nakoia aomata are a na kona ni karekea te onimaki nakon te rairannano.

16 Ao ngaia are te ananoanga e kona ni kakoroi bukin bwaai ake e tangiri te bmomotiraoi, ao e katobibia ni bain te mwengaraoi, ngaia are ti nakon are iai te onimaki irouna nakon te rairannano e bon kamenaaki i aan te tua ae kaineti ma te cmomotiraoi; mangaia are te dbabaire ae kakannato ao akea tokina ibukin te kaboaki e na ti kakoroaki bukina iroun are iai ana onimaki nakon te rairannano.

17 Ngaia are ke e anganingkami te Atua, tariu, bwa kam na waaki ni kamwakura ami aonimaki nakon te rairannano, bwa kam na waaki ni bwetea arana ae tabu, bwa e na nanoangaingkami;

18 Eng, tang nakoina ibukin te nanoanga; bwa e mwaaka ni kamaiu.

19 Eng, kananorinanoingkami, ao reitinako n tataro nakoina.

20 Tang nakoina, ngkana kam mena n ami marae, eng, ibukiia ami nanai ni man.

21 aTang nakoina ni mwengami, eng, ibukiia ni kabane kaain mwengam, n te ingabong, tawanou, ao te tairiki.

22 Eng, tang nakoina ni kaitaraa korakoraia ami kairiribai.

23 Eng, atang nakoina ni kaitaraa te briaboro, are bon aia kairiribai ni kabane ake a craoiroi.

24 Tang nakoina ibukin arokami n ami marae, bwa kam aonga ni kanakoraoaki iai.

25 Tang ibukin ami nanai ni man ake n ami marae, bwa a na kamwaitaki riki.

26 Ma tiaki ti aei; kam riai ni kaota nanomi i nanon ami aruu ni bwai, ao n ami tabo aika a raba, ao n ami rereua.

27 Eng, ao ngkana kam aki tang nakon te Uea, akaona bnanomi, ma ni kakorakoraingkami n tataro nakoina n aki toki ibukin mweraoimi, ao mweraoia ake a mena i rarikimi.

28 Ao ngkanne nooria, tariu aika kam tangiraki, I taku nakoimi, tai taku bwa ti aei; bwa i mwin ae kam a tia ni karaoi aikai ni kabane, ngkana kam tannako ma irouia ake a akainnano, ao ake aki karabaaniia, ma n aki kawariia ake aoraki ma ni karawawataki, ma n aki banga am bwai, ngkana iai, nakoia ake a kainnano—I taku nakoim, ngkana akea ae ko karaoia ma i buakon bwaai aikai, nooria, bon cakea bongan am dtataro, ao e aki manena nakoim, ao ko riki n aekaia bwaritaio ake a kaakea te onimaki.

29 Ngaia are ngkana kam aki uringnga ni bwaina te atangira ae kororaoi, ao ai aron maange ngkami, ake a teweaki nako irouia taan katamaroai biti, (bwa akea bonganaia) ao a toubekaki i an waeia aomata.

30 Ao ngkai, tariu, I tangiria, bwa i mwin are kam a tia ni karekei bwaai ni kakoaua aika a mwaiti, man nooria bwa koroboki aika tabu a kakoauai bwaai aikai, kam na waaki ma ni karekea auaan te rairannano.

31 Eng, I tangiria bwa kam na waaki rake man aki manga kamatoatoai nanomi; bwa nooria, aio te tai ao abongin kamaiuakimi; mangaia are, ngkana kam rairananomi, ngkai naba ao e na uotaki te babaire ni kabomwi are e kakannato nakoimi.

32 Bwa nooria, te maiu aei bon aia tai aomata bwa a na akatauraoia ni kaitibo ma te Atua; eng, nooria te bong ni maiu n te maiu aei bon te bong are aomata a na karaoi aia beku.

33 Ao ngkai, I a tia n taku nakoimi ma i mwaaina, bwa ngkai a bon mwaiti ami bwai ni kakoaua, ngaia are I bubutingkami bwa kam na aki ataotaona ami bong n brairannano ni karokoa te toki; bwa i mwin te maiu aei, are ti a tia n anganaki bwa ti na katauraoi iai nakon te tai are akea tokina, nooria, ngkana ti aki karaoiroa ara tai i nanon menara n te maiu aei, ao e na roko te cbong ae drotongitong are akea te beku ae kona ni karaoaki iai.

34 Kam aki kona ni kangai, ngkana kam a kaitara ma te akaangaanga are e kakamaku arei, N nang rairananou, ao N na okira Atuau. Tiaki, kam aki kona n atonga aio; bwa te tamnei are e tautaekana rabwatami n te tai are kam kitana iai te maiu aei, bon te tamnei naba are iai mwaakana n tautaekana rabwatam n te aonaba are akea tokina.

35 Bwa nooria, ngkana kam a tia n taotaona ami bong n rairannano ni karokoa te mate, nooria, kam a riki n atautaekanaki i aan tamnein te riaboro, ao e bkabaeingkami bwa ana bwai; ngaia are Tamnein te Uea e kitaniko, bwa akea nnena iroumi, ao te riaboro iai mwaakana i aomi; ao aio aroia ake a buakaka n te kabanea n tai.

36 Ao I ataa aio, ibukina bwa te Uea e a tia n taku bwa e aki maamaeka n tembora aika aaki tabu, ma e maeka inanoia ake a braoiroi; eng, ao e a tia naba n taku bwa ake a raraoi ana tekateka n ueana, ao a na aki manga otinako; ma aia kunnikai a na kamainainaki rinanon raraan te Tiibu te Teei.

37 Ao ngkanne, tariu aika kam tangiraki, I tangiria bwa kam na uring bwaai aikai, ao kam na amwakuria kamaiuakimi ma te maaku i matan te Atua, ao kam na aki manga oki ni kaakea rokon Kristo.

38 Bwa kam na manga aki oki n aitabarara ma te Tamnei are e Raoiroi, ma kam na butimwaea, ma ni katokaa iaomi baran Kristo; ao kam na kananorinanoingkami nako aontano ngkana e riai, man ctaromauria te Atua n taabo nako ake kam na mena iai, i nanon te tamnei ao te koaua; ao kam na maiu ni dkakarabwarabwa ni katoa bong, ibukin te nanoanga ae mwaiti ao taian kakabwaia ake e katokai iaomi.

39 Eng, ao I kairoroingkami, tariu, bwa kam na ataratara raoi n aki toki n tataro, bwa kam N na aki kairaki nako n ana bkaririi te riaboro, bwa e na aki tokanikai i aomi, bwa kam na aki riki bwa ana aomata ngkami n te kabanea ni bong; bwa nooria, e anganingkami te kanuanga ae e caki raoiroi.

40 Ao ngkanne tariu aika kam tangiraki, I kairoroingkami bwa kam na ataotaon nanomi, ao kam na keiakin aekan karawawata nako; ao kam aki kairiribai ni bkaaitaraia ake a tia n tewenakoingkami ibukin rianakon aki kaubwaimi, mwiina kam riki bwa taan bure n aekakiia;

41 Ma kam na taotaon nanomi, ma ni keiakin taian karawawata aikanne, ma te kantaninga ae e nene bwa n te bong teuana ao kam na motirawa ma ni karawawatakimi ni kabane.