1 Ngkai e koro bukina bwa i mwin ae Amureki e katoka ana taeka, a butaki nako mai i buakoia aomata ake a uanao man roko nakon te aba are Ietion.

2 Eng, ao nikiraia taari, i mwin are a tia ni kabwarabwara te taeka nakoia Tioramwaite, a roko naba nakon te aba are Ietion.

3 Ao e koro bukina bwa i mwin are angiia Tioramwaite ake kanga a kinaaki riki, a tia ni maroroakina aron taeka ake a tia ni kabwarabwaraki nakoia, a bon un ibukin te taeka, bwa e urua aroia ni karekea aia ^araka; ngaia are a bon rawa n ongo n taeka aikai.

4 Ao a kananako man ikoikotiia ni kabuta te aba aomata ni kabane, ma ni maroro mangaia ni kaineti ma taeka ake a tia n taekinaki.

5 Ngkai aia mataniwi ma aia ibonga ma aia tia reirei aki kariaia bwa aomata a na ataa nanoia, ngaia are a kakaea n te aro ni karaba aia iango aomata.

6 Ao e koro bukina bwa i mwin ae a ataa aia iango aomata ni kabane, naake a nano n taeka ake a tia n taekinaki irouia Aramwa ma tarina a bon teweaki nako man te aba; ao a bon mwaiti; ao a roko naba nakon te aba are Ietion.

7 Ao e koro bukina bwa Aramwa ma tarina a karaoa te mwakuri n ibuobuoki nakoia

8 Ao ngkanne te botanaomata are Tioramwaite a bon un irouia ana botanaomata Amon ake a mena i Ietion, ao aia mataniwi Tioramwaite ngkai bon te aomata ae koro buakakana, e kananako nakoia ana botanaomata Amon bwa e tangiria bwa a na riai n tewenakoia man abaia ni kabane ake a roko nakoia nakon abaia.

9 Ao e kaotinakoi taeka ni kakamaku aika a mwaiti ni kaaitaraia. Ao ngkai ana aomata Amon a bon aki maaka aia taeka; ngaia are a bon aki teweaki nako, ma a bon butimwaeia Tioramwaite ni kabane ake a aki kaubwai ake a roko nakoia, ma ni ^akunnikaia, man anganiia abaia ni bwaibwai; ao a bon buokiia ni kainnanoia.

10 Ngkai aio are a uerake iai nanoia Tioramwaite nakon te un ni kaaitaraia ana aomata Amon, ao a reitia ma Reimwanaite ma ni kaunia naba bwa a na un ni kaaitaraia.

11 Ao ngaia are Tioramwaite ma Reimwanaite a moanna ni waaki ni katauraoi nakon te buaka ni kaaitaraia ana aomata Amon, ma Nibwaite naba.

12 Ao ikai are e a toki iai aia katebwi ma itiua n ririki n tautaeka taan moti i aoia ana botanaomata Nibwaai.

13 Ao ana aomata Amon a kitana te aba are Ietion, man roko nakon te aba are Mereki, man anga te tabo n te aba are Ietion ibukin aia taanga ni buaka Nibwaite, bwa a na kona n un ma aia taanga Reimwanaite ma aia taanga Tioramwaite; ao ngaia are e a waaki te buaka i marenaia Reimwanaite ma Nibwaite, n aia katebwi ma waniua n ririki n tautaeka taan moti; ao ^arongorongon aia buaka e na kaotaki rimwi.

14 Ao Aramwa, ma Amon, ma tariia, ma natin Aramwa ake mwaane ake uoman a okirikaki nakon te aba are Taraemera, i mwin tiaia n riki bwa bwaai ni mwakuri i nanon bain te Atua ni kairia Tioramwaite aika a ^amwaiti bwa a na rairinanoia; ao mwaitia ake a rairananoia a bon teweaki nako man te aba; ma iai abaia ae a bwaibwai iai n te aba are Ietion, ao a tabekirake bwaai ni buaka bwa a na kamaiua, ma buuia, ao natia, ma abaia.

15 Ao ngkanne Aramwa, e nanokawaki ibukin buakakaia ana botanaomata, eng ibukin taian bubuaka, ao kawawaean te raraa, ao te kauntaeka i marenaia; ao ngkai e a tia n nako bwa e na taekina te taeka, ke e kanakoaki bwa e na taekina te taeka, i buakoia aomata ni kabane ni kaawa ni kabane; ao ngke e nooria bwa nanoia aomata e moanna ni matoatoa, ao a moanna n ^aun ibukin matoan te taeka, e a bon korakora nanokawakin nanona.

16 Ngaia are, e tua bwa natina ake mwaane a na ikotaki, bwa e na anganiia n tatabemania nako ana ^akaetieti, ni kakaokoroia, ni kaineti ma bwaai aika a kaineti nakon te raoiroi. Ao iai iroura rongorongon ana tua, ake e anganiia n aron ana rongorongo.