1 Ngkai aikai ^ataeka ake ^bAmureki e taekin nakoia aomata ake a mena n te aba are Amonia ni kangai:

2 Ngai Amureki; ngai natin Kitona, are natin Itimaera, are e riki mai iroun Aminataai, ao bon anne naba Aminataai are e raira te koroboki are e koreaki iaon oon te tembora, are e koreaki n tabon bain te Atua.

3 Ao Aminataai e riki mai iroun Nibwaai are natin Riaai, are e otinako man te aba are Ierutarem, are e riki mai iroun ^aManate are natin ^bIotebwa are e ^ckabooaki nako Aikubita ni baia tarina.

4 Ao nooria, Ngai naba te aomata ae I rang kinaaki i buakoia ake a kinaai; eng, ao nooria, a mwaiti au koraki ao ^araoraou, ao I a tia naba ni karekei kaubwaiu aika a mwaiti man korakoran baiu.

5 Ma e ngae n anne, i mwin taekinan aikai, I bon tuai man atai ana kawai te Uea, ao ana ^amwakuri aika a kamimi ma mwaakana ae moan te kamimi. I taku bwa I bon tuai ni bati n atatai iaon baikai; ma nooria, I bon kairua, bwa I a tia n noora ana mwakuri aika a kamimi aika a mwaiti ao mwaakana ae moan te kamimi; eng, ni kawakinan maiuia te botanaomata aio.

6 Ma e ngae n anne, I kamatoa nanou, bwa e bon bati te ^awewete nakoiu ao I bon aki ^bongo; ngaia ae I atai bwaai aikai, ma I bon rawa n atai; mangaia ae I aki toki ni kaitaraa te Atua, ni buakakan nanou, ni karokoa kaabongin te kaitiua n namwakaina, are n aia katebwina n ririki n tautaeka taan moti.

7 I nanon au tai ni mwananga bwa N na kawara temanna au koraki ni kaan, nooria ana ^aanera te Uea e kaoti nakoiu ao e taku: Amureki, oki nakon am auti, bwa ko na kamwarakea ana burabeti te Uea; eng, te aomata ae tabu, te aomata ae rineia te Atua; bwa e a tia n ^baki mamatam i nanon bong aika a mwaiti ibukin aia bure te botanaomata aio, ao e a baki, ao ko na ^cbutimwaea nako nanon am auti ao ko na kamwarakea, ao e na kakabwaiako ma mwengam; ao ana kakabwaia te Uea e na mena iaom ma mwengam.

8 Ao e koro bukina bwa I ongo ni bwanan te anera, man oki nakon au auti. Ao ngke I a kaineta te tabo arei I kunea te ^aaomata are e taekinna te anera ni kangai nakoiu: Ko na butimwaeai nako nanon mwengam—ao nooria bon te aomata naba anne are e a tia n taetae nakoim ni kaineti ma ana bwaai te Atua.

9 Ao te anera e taku nakoiu bon te aomata ae ^atabu; mangaia ae I ataia bwa bon te aomata ae tabu ibukina bwa e taekinna ana anera te Atua.

10 Ao riki, I ataia bwa bwaai ake e a tia ni kakoaua ibukiia a bon koaua; bwa nooria I taku nakoimi, bwa ngkai e maiu te Uea, e a tia ni kanakoa ana ^aanera bwa e na kaoti bwaai aikai nakoiu; ao e karaoa aio ngke Aramwa e ^bmena ni mwengau.

11 Bwa nooria, e a tia ni ^akakabwaia mwengau, e a tia ni kakabwaiai, ao aine ni mwengau, ao natiu, ao tamau ao au koraki; eng, ao a kakabwaiaki ma au koraki ni kabane, ao ana kakabwaia te Uea e a tia ni mena iaora n aron taeka ake a e a tia n taekin.

12 Ao ngkai, ngke e a tia n taekin taeka aikai Amureki aomata a bon rang mimi, ngkai e a nooraki bwa iai ^ariki te tia kakoaua are e kakoaua ibukin bwaai ake a tia ni bukinaki iai, ao ni bwaai naba aika a na roko n aron te tamnei n taeka ni burabeti are iai irouia.

13 Ma e ngae n anne, bon iai mai i buakoia are a iangoia bwa a na titirakinia, bwa n ^aaroia ni kamwamwane ao a na bon kona ni kamwaneia n aia taeka, bwa a na kona ni kakoaua ni kaaitaraia, bwa a na uotia nakoia taan moti bwa a na motikaki taekaia ni kaineti ma te tua, bwa aonga n tiringaki ke n teweaki nako nanon te karabuti, ni kaineti ma te bure are aongkoa a karaoia ke ni kakoaua ni kaaitaraia.

14 Ngkai bon te naan mwaane aikai ake a kataia n tiringia, ake bon ^ataan reirei te tua, ake a tangoaki ke n rineaki irouia aomata bwa a na karaoa nanon te tua n aia tai ni kabowiaki, ke n tain kabowiakin aia bure aomata i mataia taan moti.

15 Ngkai taan reirei te tua aikai a bon rang rabakau n aroia ma aia anga ni kamwamwane aomata; ao aio are bon te anga bwa a na kona n rang rabakau n aia mwakuri.

16 Ao e koro bukina bwa a waaki n titirakina Amureki, bwa aonga ni kona ni kaburea ana taeka, ke a na manga kaaitarai ana taeka ake e na taekin.

17 Ngkai aki ataia ae Amureki e kona n atai aia babaire. Ma e koro bukina bwa i nanon aia tai n titirakinna, e ^anoori aia iango, ao e taku nakoia: O te ^broro ae buakaka man rairaki nako, ngkami taan reirei te tua ao bwaritaio, bwa kam kawenea aan ana mwakuri te riaboro; bwa kam kawenei ^cbwaai ni kamwane ma anga ni kamwane bwa kam N na kamwaneia ana aomata aika a tabu te Atua.

18 Kam kawenei babaire bwa kam na ^akabaoua kawaia aika a raoiroi, ao ma ni kabwaka unin te Atua iaon atuumi, bwa e aonga ni kamaunaki te botanaomata aio.

19 Eng, ao e bon eti ngke e taetae Motiaea are bon ara kabanea n uea, ni kangai, ngke e nang anga ueana, ngke akea ae e na katokaa iaona are e a karika te botanaomata aio bwa a na bon tautaekanaki n oin bwanaia—eng, ao e bon taku bwa ngkana e roko te tai are te botanaomata aio a ^arinea te buakaka, are nanona bwa e na roko te tai are te botanaomata aio a na bwaka n riaoan te tua, ao a bon tai nakon te kamaunaki.

20 Ao ngkai I taku nakoimi bwa e bon rang riai bwa te Uea e na motiki taekami n ami bure; ao e bon riai bwa e na takarua nakoia te botanaomata aio, ni bwanaia ana ^aanera: Rairinanomi ngkami, rairinanomi bwa e a kan roko uean karawa.

21 Eng, e bon riai bwa e na takarua, ni bwanaia ana anera bwa: ^aN na ruo nako buakoia au botanaomata, ma te tituaraoi ao te motiraoi i nanon baiu.

22 Eng, ao I taku nakoimi bwa ngke arona bwa akea aia ^atataro aika a raoiroi, ake a mena ngkai n te aba, ao ngkami ngkai kam na bon tia ni kawaraki ni kamaunaki; ma tiaki n te ^bieka, n aroia aomata n ana bong Noa, bwa man te rongo, ao te mate, ao te kabaang.

23 Ma boni man aia ^atataro ake a raoiroi ae kam a kamaiuaki iai; ngkai ngaia ae, ngkana kam teweia nako ake a raoiroi mai i buakomi ao e na aki kamaiuingkami te Uea, man korakoran unna ao e na roko ni kaaitaraingkami; ao ngkanne kam na bon karawawataki n te rongo, ao n aoraki aekamamate, ao te kabaang; ao e a kaan roko te ^btai ti ngkana kam rairinanomi.

24 Ao e koro bukina bwa aomata a bon raka uniia iroun Amureki, ao a takarua ni kangai: Te aomata aio e taetae ni kabuakaka ara tua ake a motiraoi, ao ara taan reirei te tua ake ti a tia n rineia.

25 Ma Amureki e arora baina, ao e kakorakora n takarua ni kangai nakoia: O ngkami te roro ae kam buakaka man rairaki nako, e aera ngkai e nang korakora tauan nanomi iroun Tatan? E aera ngkai kam kona n anga ngkami nakoina bwa e na roko mwaakana iaomi, bwa e na ^akamataki matami, bwa kam na aki oota n taeka ake a taekinaki, ni kaineti ma te koaua?

26 Bwa nooria, N ningai ae I a tia n kakoaua ni kaitaraa ami tua? Kam aki oota; kam taku bwa I a tia n taetae ni kaitaraa ami tua; ma I bon tuai, ma I a tia n taetae n tei n ana itera ami tua, nakon kabuakakami.

27 Ao ngkai nooria, I taetae nakoimi, bwa a moanna ni kaweneaki aan kamaunakia te botanaomata aio man buakakaia ami ^ataan reirei te tua ao ami tia moti.

28 Ao ngkai e koro bukina bwa ngke Amureki e a tia n taekin taeka aikai aomata a takarua ni kaitaraa, ni kangai: Ngkai ti ataia bwa te aomata aio bon natin te riaboro, bwa e a tia ni ^akekeweira; bwa e a tia n taetae ni kaitaraa ara tua. Ao ngkai e taku bwa e a tia n aki taetae ni kaitaraa.

29 Ao riki, e a tia n taetae ni kabuakakaia ara taan reirei te tua, ao ara tia moti.

30 Ao e koro bukina bwa taan reirei te tua a katukua inanoia bwa a na uringi bwaai aikai ngkana a kaitaraa.

31 Ao bon iai temanna i buakoia ae arana bon Teeterom. Ngkai bon ngaia te kabanea ni korakora ^akaburean Amureki ma Aramwa irouna, ngkai bon ngaia temanna are e rang bane arona ma i buakoia, ngkai e bon rang mwaiti ana mwakuri i buakoia aomata.

32 Ngkai oin nanoia taan reirei te tua aikai bwa a na karekei aia raka; ao e reke aia raka n aron aia mwakuri ake a karaoi.