1 Natiu te mwaane, aanga taningam nakon au taeka, bwa I taku nakoim, n aron are I taku nakon Ereman, bwa ngkana ko kaawakin ana tua te Atua, ao ko na riki rake iaon te aba; ma ngkana ko aki kaawakin ana tua te Atua ao ko na teweaki nako mai matana.

2 Ao ngkai, natiu te mwaane, I onimakinna bwa N na kimwareirei iroum, ibukin matoam ma am kakaonimaki nakon te Atua; bwa ngkai ko a tia ni waaki n ataeim n taataraa te Uea ae Atuam, ao I kantaningaia bwa ko na ^areitinako ni kaawakin ana tua; bwa e na kakabwaiaki ane e ^bmatoatoa nua te toki.

3 I taku nakoim, natiu te mwaane, bwa I a bon tia n rang kimwareirei iroum, ibukin am kakaonimaki ma am botumwaaka, ma am taotaona n nano ma taonan nanom n te tai ae maan ni karawawatakim i buakoia botanaomata aika ^aTioramwaite.

4 Bwa I ataia bwa ko bon kabaeaki; eng, ao I ataia naba bwa ko karebanaki n te atibu ibukin te taeka; ma ko bon rinanon bwaai aikai ma te ^ataotaona n nano kioina ngkai bon ^braom te Uea; ao ngkanne ko ataia ae e kainaomatako te Uea.

5 Ao ngkanne natiu te mwaane, ae Tiburon, I tangiria bwa ko na uringa, bwa ngkana ko kabanea korakoram n ^aonimakina te Atua ao ko na bon ^bkainaomataki man katakim, ao am ^ckaangaanga, ma karawawatakim, ao ko na uotaki rake n te kabanea ni bong.

6 Ngkai, natiu te mwaane, I aki tangiria bwa ko na taku bwa I bon atai bwaai aikai mai irou, ma bon Tamnein te Atua are e mena inanou are e kaoti bwaai aikai nakoiu; bwa ngke arona bwa I tuai ni ^abungiaki iroun te Atua ao I bon aki atai bwaai aikai.

7 Ma nooria, te Uea n ana nanoanga ao e kanakomaia ana ^aanera bwa e na kaotia nakoiu bwa N na katoka te mwakuri n ^btiritiri i buakoia ana aomata; eng, ao I a tia ni kaitara ma te anera, ao e taetae nakoiu n te bwanaa ae kanga te baa, ao e ruru iai te aonaba.

8 Ao e koro bukina bwa i nanon te maan ae teniua te ngaina ao teniua te bong ao I bon rotaki n te maraki ae korakora ao e korakai tamneiu; ao ngke I a tang nakon te Uea are Iesu Kristo ibukin ana nanoanga, are I a karekea ^akamaunan au bure. Ma nooria, I bon tang nakoina ao I karekea raun nanou.

9 Ao ngkai, natiu te mwaane, I a tia n tuangko aio bwa ko na reireiniko te wanawana, bwa ko na reirei mai irou bwa ^aakea riki te kawai are te aomata e kona iai ni karekea te kamaiuaki, ma ti rinanon Kristo. Nooria, ngaia te maiu ao ^bootan te aonaba. Nooria, ngaia taekan te koaua ao te raoiroi.

10 Ao ngkanne, ngkai ko a waaki n taekina te taeka ao I tangiria bwa ko na reitinako n reirei; ao I tangiria bwa ko na botumwaaka ma n taotaona nanom ni bwaai ni kabane.

11 Taraia bwa kam na aki tabekaki rake n te kainikatonga; eng, taraia bwa kam aki ^akamoamoa n oin wanawanami, ke ibukin mwaitin korakorami.

12 Ninikoria, man tai kairoro, ao taraia naba bwa ko taotaona angin am namakin, bwa ko na kaonaki n te tangira; taraia bwa ko toki man te taningaroti.

13 Tai tataro n aroia Tioramwaite, bwa ko a tia n nooria bwa a tataro bwa a tangiriia aomata bwa a na ongo aia tataro, ao bwa a na kamoamoaki wanawanaia.

14 Tai kangai: O te Atua, I karabwako bwa ti ^araoiroi riki nakoia tarira; ma kangai: O te Uea, kabwara buren au ^baki kororaoi, ao uringia tariu n te nanoanga—eng, kaota aki kororaoim i matan te Atua n taai nako.

15 Ao ke e na kakabwaia tamneim te Uea, ma ni butimwaeko n te kabanea ni bong nakon ueana, bwa ko na tekateka n rau. Ngkai nako, natiu te mwaane, ma n reirei te taeka nakoia te botanaomata aio. Taua ma nanom. Natiu, te mwaane, ti a bo.