1 Ngkai e a koro bukina bwa Aramwa e a ^awaaki n taekina ana taeka te ^bAtua nakoia aomata, te moan tai n te aba are Taraemera, ao ma ikanne ni kabuta te aba.

2 Ao aikai taeka ake e taekin nakoia aomata n te ekaretia are e kateaki n te kaawa are Taraemera, ni kaineti ma oin ana rongorongo, ni kangai:

3 Ngai, Aramwa I a tia ni ^akatabuaki iroun tamau, Aramwa bwa te ^bibonga ae rietata iaon ana ekaretia te Atua, ngaia ae bon iai irouna te mwaaka ao te ^ckariaiakaki mai iroun te Atua bwa e na karaoi bwaai aikai, nooria, I taku nakoimi bwa e waaki ni katea te ^dekaretia n te aba are e mena n tian te aba are Nibwaai; eng, te aba ae aranaki bwa aban Moomon; eng, ao e bon bwabetitoia tarina n te ran ae Moomon.

4 Ao nooria, I taku nakoimi, a bon ^akainaomataki mai nanoni baia ana aomata te uea are Noa, man ana nanoanga ao mwaakan te Atua.

5 Ao nooria, i mwin anne, a bon uotaki nakon te ^atautoronaki ni baia Reimwanaite i nanon te rereua; eng, I taetae nakoimi, a boni mena n te kabureaki, ao te Uea e a manga kainaomataia man te ^btautoronaki ni mwaakan ana taeka, ao ti a uotaki nakon te aba aio, ao ikai are ti a waaki ni katea ana ekaretia te Atua ni kabuta naba te aba aio.

6 Ao ngkai nooria, I taetae nakoimi, taari, ngkami aika kam kaaina te ekaretia aio, kam a tia ni kataua kawakinan uringan kabureakia tamami? Eng, ao kam a tia ni kataua kawakinan uringan ana nanoanga ma ana taotaonannano nakoia? Ao ai moaraara riki, kam a tia ni kataua kawakinan uringan are e a tia ni kainaomatai tamneia mai moone?

7 Nooria, e bita nanoia; eng, e kautia man te matuunako, ao a uti nakon te Atua. Nooria, a mena i nukan te roo; ma e ngae n anne, tamneia a bon kaotaaki n ootan te taeka ae aki totoki; eng, a bon otabwaniniaki n ana ^akabaebae te mate, ao ^btaurekereken moone, ao te urubwai ae aki totoki e tataningaiia.

8 Ao ngkai I titirakiningkami, taari, a kamaunaki? Nooria, I taku nakoimi, Tiaki, a bon aki.

9 Ao I titiraki riki, a uruakaki ana kabaebae te mate, ao taurekereken moone are e otabwaninia, a kabwaranakoaki? I taku nakoimi, Eng, a kabwaranakoaki, ao a kimwareirei tamneia, ao a anenea kunan te tangira ni kabomwi. Ao I taku nakoimi bwa a kamaiuaki.

10 Ao ngkai I titirakiningkami bwa tera bukin are a ^akamaiuaki iai? Eng, Tera bukin are a kantaninga iai te kamaiuaki? Tera ae karika kainaomatakia man ana kabaebae te mate, eng, ao ana taurekereke naba moone?

11 Nooria, I kona n tuangingkami—e aki kakoauai taeka, tamau ae Aramwa ake a taekinaki mai wiin ^aAbinataai? Ao tiaki ngaia te burabeti ae tabu? E aki taekin ana taeka te Atua, ao tamau ae Aramwa e kakoauai?

12 Ao ni kaineti ma ana onimaki bon iai te ^abitaki ae korakora ae riki i nanona, Nooria I taku nakoimi bwa a boni koaua aikai ni kabane.

13 Ao nooria, e ^atataekina te taeka nakoia tamami, ao te bitaki ae korakora e riki naba inanoia, ao a kananorinanoia ma ni katuka aia ^bonimaki iroun te ^cAtua ae koaua ma ni maiu. Ao nooria, a kakaonimaki niua te ^dtoki; mangaia are a kamaiuaki.

14 Ao ngkai nooria, I titirakiningkami, tariu n te ekaretia, kam a tia ni ^abungiaki n te tamnei mai iroun te Atua? Kam a tia ni karekea tein tarakina i moami? Kam a tia n rinanon te ^bbitaki ae korakora aio inanomi?

15 Kam kamwakura ami onimaki n te kaboaki iroun are e ^akarikingkami? Kam taratara ma te kantaninga ma te mata n onimaki, ma n nooria n ami iango te rabwata aio ae maamate ae ^bkateirakeaki nakon te aki maamate, ao te mka aio e kateirakeaki nakon te aki mka, bwa e na tei imatan te Atua bwa e na ^cmotikaki taekana ni kaineti ma mwakuri ake a tia ni karaoaki n te rabwata ae maamate.

16 I taku nakoimi, kam kona n iangoia i bon iroumi bwa kam ongo bwanan te Uea ae taku nakoimi, n te bong arei: Nakomai ngkami aika kam ^akakabwaiaki, bwa nooria, ami mwakuri boni mwakuri aika a raoiroi iaon te aba?

17 Ke kam iango iroumi bwa kam kona ni kewe nakon te Uea n te bong arei, ma n ^ataku—Te Uea, ara mwakuri bon mwakuri aika a raraoi iaon te aba—ao bwa e na kamaiungkami?

18 Ke tao teuana, kam kona n iangoingkami bwa kam uotaki nako matan ana tarabunare te Atua ma tamneimi ae onrake n te namakin ae buakaka ibukin ami bure ao te nanokawaki, eng, ^auringakin ami buakaka ni kabane, eng, te ururing ae kamenai ngkami ni kaitara ana tua te Atua?

19 I taku nakoimi, kam kona n tararake nakon te Atua n te bong arei ma te nano ae e itiaki ao baimi aika a itiaki? I taku nakoimi, kam kona n tararake, ma ^akatotongan te Atua ae toka iaon moami?

20 I taku nakoimi, kam kona n iangoia bwa kam na kamaiuaki ngkana kam a tia n anga ngkami bwa ^aana aomata te riaboro?

21 I taku nakoimi, kam na ataia bwa n te bong arei kam aki kona ni ^akamaiuaki; bwa akea te aomata ae e kona ni kamaiuaki ma ti ngkana a tebokaki ni kamainainaaki ana ^bkunnikai, eng a riai ni ^ckaitiakaki ana kunnikai ni karokoa ae a itiaki raoi man te memea ni kabane, rinanon raraan teuare e a tia n taekinaki irouia ara bakatibu, bwa e na roko ni kabooia ana aomata man aia bure.

22 Ao ngkai I titirakiningkami, taari, teraa ami namakin, ngkana kam tei imatan ana tabo ni motikitaeka te Atua, ma kunnikaimi aika a memea n te ^araraa ma aekakin ^bkammaira nako? Nooria teraa ae a na kaota koauana bwaai aikai ni kaaitarako?

23 Nooria tiaki bwa a na ^atataekina te koaua are ngkami taan tiritiri, eng, ao bwa kam namakina ae kam bure n aekan bure nako?

24 Nooria, tariu, kam taku i nanomi bwa iai te aekaki n aomata aei ae e kona n iai ana tabo n tekateka n uean te Atua, ma ^aAberaam, ma Itaaka, ao Iakobwa, ma burabeti aika a tabu ni kabane, aika itiaki aia kunikai ma n akea memeaia teutana, a itiaki ao a mainaina?

25 I taku nakoimi, Tiaki; ti ngkana kam karaoa ara Tia Karikibwai bwa te tia kewe mai moana, ke kam taku inanomi bwa te tia kewe mai moana, kam aki kona n taku inanomi bwa e na reke nneia aekaki aikai n abanuean karawa; ma ana teweaki nako bwa ngaia ^anatin abanuean te riaboro.

26 Ao ngkai nooria, I taku nakoimi, tariu, ngkana kam a tia n rinanon te ^abitaki n nano, ao ngkana kam a tia n namakina te kan ^banenea kunan te tangira ni kabomwi, I kan titirakiningkami, kam ^ckona n namakinna ngkai?

27 Kam a tia n nakonako, ni kawakiningkami bwa kam na ^aaki reke n te bure imatan te Atua? Kam kona n taekinna, ngkana kam a weteaki nakon te mate n te tai aio, inanomi, bwa kam a tia n ^bnanorinano n ae tau? Bwa ami kunnikai a tia ni kaitiakaki ma ni kamainainaki rinanon raraan Kristo, are e na roko ni ^ckabooia ana aomata man aia bure?

28 Nooria, e a tia n nako te ^akainikatonga mai iroumi? I taku nakoimi, ngkana e tuai ao kam tuai n tauraoi ni kaitibo ma te Atua. Nooria kam na katauraoi n te tai ae waekoa; bwa abanuean karawa e a kan roko, ao te aomata ae aekakin aei e aki reke irouna te maiu ae akea tokina.

29 Nooria, I taku, iai temanna i buakomi ae e aki nako te ^abakantang mai irouna? I taku nakoimi bwa te aomata ae aekakin aei e aki tauraoi, ao I kariaa bwa e na katauraoia n te tai ae e waekoa, bwa e a kaan te aoa, ao e aki ataia bwa e na roko n ningai te tai; bwa te aekaki n aomata aei e aki kuneaki bwa akea ana bure.

30 Ao I taku riki nakoimi, iai temanna mai buakomi ae e ^awaningarea tarina, ke ae e kauataoi i aona bwainikirinana?

31 Ke e reke kain te aomata ae te aekaki aei, bwa e aki tauraoi, ao e a kaan te tai bwa e na riai n rairananona bwa e rawa n aki kamaiuaki!

32 Eng, ke e reke kaia naba ni kabane ^ataan mwakuria te buakaka, rairinanomi, rairinanomi, bwa e a tia n taekinna te Uea ae te Atua!

33 Nooria, e kanakoa te kakao nakoia ^aaomata, bwa te ^bbai n nanoanga e aroraki nakoia, ao e taku: Rairinanomi, ao N na butimwaeingkami.

34 Eng, e taku: ^anakomai nakoiu ao kam na kana ^buaan te kai ni kamaiu; eng, kam na kanna ma ni mooi n te ^ckariki ao n te ran ni kamaiu n ^dakea tukami.

35 Eng, nakomai nakoiu ao waakini mwakuri aika a raraoi, ao kam na aki koreaki ma n teweaki nako nanon te ai—

36 Bwa nooria, e a kaan te tai are ane e ^akariki uaa aika aki raraoi, ke ane e karaoi mwakuri aika tiaki mwakuri aika a raraoi, e riai bwa e na tang n takarua ma n nanokawaki.

37 O taan mwakuria te buakaka, ngkami aika kam onrake ni ^abwain te aonaba ae akea bonganaia, ngkami aika kam taekinna bwa kam ataa kawain te raoiroi ma e ngae n anne kam a tia ni ^bbua, n aroia ^ctiibu aika akea aia tia kaawakin tiibu, e ngae ngke te tia kaawakin tiibu e ^dwewetei ngkami ao e bon waaki naba ni wewetei ngkami, ma kam aki ^eongo ni bwanaana.

38 Nooria, I taku nakoim, bwa te ^atia kaawakin tiibu ae raoiroi e bon weteingkami; eng, ao n oin arana e bon weteingkami, are bon te ara ae Kristo; ao ngkana kam aki ^bongo nakon bwanan te ^ctia kawakin tiibu ae e raoiroi, nakon te ^dara are kam weteaki iai, nooria, ngkami tiaki ana tiibu te tia kaawakin tiibu ae e raoiroi.

39 Ao ngkai ngkana tiaki ngkami ana tiibu te tia kaawakin tiibu ae raoiroi, kaain te ^ananai ra ngkami? Nooria, I taku nakoimi, bwa te ^briaboro ami tia kaawakin tiibu, ao ngkami kaain ana nanai; ao ngkai, antai ae kona ni kakewea aei? Nooria, I taku nakoimi, ane e kakewea aio bon te ^ctia kewe ao ^dnatin te riaboro.

40 Bwa I taku nakoimi bwa te bwai ae ^araoiroi e roko mai iroun te Atua, ao te bwai ae buakaka e roko mai iroun te riaboro.

41 Mangaia ae, ngkana te aomata e karaoi ^amwakuri aika a raraoi e ongo nakon bwanan te tia kaawakin tiibu ae raoiroi, ao e bon iriria, ma te aomata ae karaoi mwakuri aika a bubuaka, te aomata anne e bon riki bwa ^bnatin te riaboro, bwa e ongo nakon bwanaana, ao e iriria.

42 Ao anne e karaoa aio e riai ni karekea ^aboona mai irouna, mangaia are, ibukin ^bboona e karekea te ^cmate, ao ni kaineti ma bwaai nakon te raraoi, te mate nakon mwakuri aika a raraoi.

43 Ao ngkai, taari, I tangiringkami bwa kam na ongo irou, bwa I taetae ma korakoran nanou; bwa nooria, I a tia n taetae nakoimi n te aro ae maataata bwa kam aonga n aki kairua, ke I a tia n taetae ni kaineti ma ana tua te Atua.

44 Bwa I a tia ni weteaki bwa N na taetae n te aro aei, ni kaineti ma ana ^abotaki ae tabu te Atua, are e mena iroun Kristo Iesu; eng, I anganaki te tua bwa N na tei ma ni kaotiota koauaia nakoia aomata aikai bwaai ake a tia n taekinaki irouia ara bakatibu ni kaineti ma bwaai aika a na roko.

45 Ao tiaki ti aio. Kam aki taku bwa I ^aatai bwaai aikai I bon irou? Nooria, I kaotiota te koaua nakoimi bwa I bon atai bwaai aikai are I taekini bwa a koaua. Ao kam kanga n taku bwa I atai koauaia?

46 Nooria, I taku nakoimi bwa a kaotaki ^akoauaia nakoiu iroun Tamnein te Atua ae Tabu. Nooria, I a tia n ^baki mamatam ao n tataro i nanon boong aika a mwaiti bwa I aonga n atai bwaai aikai I bon irou. Ao ngkai I bon atai irou bwa a koaua; bwa te Uea ae te Atua e a tia ni kaoti nakoiu iroun Tamneina ae Tabu; ao aio tamnein te ^ckaotioti are e mena inanou.

47 Ao i rarikin anne, I taku nakoimi bwa e a bon tia ni kaotaki nakoiu, bwa taian taeka ake a tia n taekinaki irouia ara bakatibu a bon koaua, ao anne are bon man tamnein te taetae ni burabeti are e mena irou, are bon mai iroun naba te kaotioti iroun Tamnein te Atua.

48 I taku nakoimi, bwa I ataia I bon irou bwa te bwai are N na taekin nakoimi, are kaineti ma te bwai are e na roko, e boni koaua; ao I taku nakoimi, bwa I ataia bwa Iesu Kristo e na roko, eng, te Nati, ae te Rikitemanna iroun te Tama, ae e onrake n te akoi ao te nanoanga, ao te koaua. Ao nooria, bon ngaia are e na roko n anaa buren te aonaba, eng, aia bure aomata ni kabane ake a teimatoa ni kakoaua arana.

49 Ao ngkai I taku nakoimi bwa aio te ^akarinan are I a tia ni weteaki iai, eng, bwa N na reirei nakoia tariu aika a tangiraki, eng ao nakoia ni kabane ake a maeka n te aba; eng, bwa N na reirei nakoia ni kabane, ake a kara ao ake a uarereke, ake a kabaeaki ao ake a inaomata, eng, I taetae nakoimi kaara, ao nakoia rorobuaka, ao nakon te roro ae tabe n rikirake, eng n tang nakoia bwa a riai n rairinanoia ao ni ^bmanga bungiaki kaua.

50 Eng, e taku te Tamnei: Rairinanomi, ngkami kaain tabon te aonaba ni kabane, bwa e a kaan roko uean karawa; eng, Natin te Atua e na roko ma ^amimitongina, korakorana, mwaakana, ao ueana. Eng, tariu aika kam tangiraki, I taku nakoimi, bwa te Tamnei e taku: Noora mimitongin ^bUean te aonaba ni kabane; ao Uean karawa naba e na bon waekoa n oota nako i buakoia natiia aomata ni kabane.

51 Ao e taku naba te Tamnei nakoiu, eng, n tang nakoiu ma te bwanaa ae korakora n taku: Waaki nako ao tuangiia aomata—Rairinanomi, bwa ti ngkana kam rairinanomi ao a na bon akea te anga ae kam na kona iai ni karekea abanuean ^akarawa.

52 Ao I taku nakoimi riki, e taku te Tamnei: Nooria, e kaweneaki te ^atanai i wakaan te kai; mangaia ae kaai ni kabane ake aki kariki uaa aika a raoiroi a na bon ^bereaki man teweaki nako i nanon te ai, eng, te ai ae aki kona ni kamateaki, te ai ae aki kona n tiringaki. Nooria, ao uringnga, bwa e a tia Teuare e Tabu n taekinna.

53 Ao ngkai tariu aika kam tangiraki, I taetae nakoimi, kam kona n totokoi taeka aikai; eng, kam kona n aki tabeakini bwaai aikai, ma n ^atoubeka Teuare e Tabu i aan waemi, eng, e kona n ae e a rang onrake nanomi n te ^bkainikatonga; eng, kam na kona n teimatoa ni bwain kunnikai aika a ^cbobuaka ma ni katikui nanomi iaon bwain te aonaba ae akea bonganaia, iaon ^dkaubwaimi?

54 Eng, kam na teimatoa n taku bwa kam raoiroi riki nakoia tabemwaang, eng, kam na teimatoa ni waaki ni bwainikirinia tarimi, ake a kananorinanoia man nakonako ni kawain ana botaki ae tabu te Atua, are ngaia are a uotaki nako nanon te ekaretia n tia ni ^akaitiakaki iroun te Tamnei ae Tabu, ao a karaoi mwakuri aika a riai ibukin te rairannano—

55 Eng, ao kam na teimatoa ni katannakoia Taan Mamata mai irouia aika a raarikin ma ni ^akainnano, ao ma n rawa n anga ami bwai nakoia?

56 Ao te kabane, ngkami ni kabane aika kam teimatoa i nanon ami buakaka, I taku nakoimi bwa bon naakai aika a na ereaki ni kabwakaki ma n teweaki nako nanon te ai ti ngkana a waekoa n rairinanoia.

57 Ao ngkai I taku nakoimi, ngkami ni kabane ake iai nanoia n ira bwanaan te ^atia kaawakin tiibu ae raoiroi, otinako man te buakaka, ao ^bkaokoroingkami, ao tai riing aia bwai aika a bareka; ao nooria, e na ^ckamaunaki araia, bwa araia aika a buakaka a na aki warekaki i buakon araia aika a raoiroi, bwa ana taeka te Atua e na kakoroaki bukina, are e taku: Araia aika a buakaka a na aki ikotaki ma araia au aomata.

58 Bwa araia aika a raoiroi a na koreaki i nanon te ^aboki ni maiu, ao a na bwaibwai n angataiu. Ao ngkai, tariu, teraa ami taeka ni kaitaraa aio? I taku nakoimi, ngkana kam taetae ni kaitaraa aio, e aoria, bwa ana taeka te Atua e na kakoroaki bukina.

59 Bwa antai ae te tia kaawakin tiibu i buakomi ae e mwaiti ana tiibu ao e aki tataraia, bwa a na aki rin kameaanti ma ni kana ana nanai? Ao nooria, ngkana te kameaanti e rin i buakon ana nanai tiaki bwa e na kakioa nako? Eng, ao n tokina, ngkana e konaa, e na kamatea.

60 Ao ngkai I taku nakoimi bwa te tia kaawakin tiibu ae raoiroi e bon weteiko; ao ngkana kam ongo bwanaana e na bon kairingkami nakon ana nanai, ao ngkami ana tiibu; ao e tua bwa kam na aki kariaia bwa te kameaanti ae tiritiri e na rin i buakomi, bwa kam na aki tiringaki.

61 Ao ngkai, Aramwa, I tuangko n ana taetae teuare ^ae anga te tua nakoiu, bwa kam riai ni karaoi nanon taeka ake I a tia n taekinna nakoimi.

62 Ao I taetae bwa te tua nakoia ake a kaaina te ekaretia; ao nakoia ake aki kaaina te ekaretia I taetae bwa te kakao, ni kangai: Nakomai ao bwabetitoaki nakon te rairannano, bwa kam aonga naba n riki bwa taan kana uaan te ^akai ni kamaiu.